الموضوع: xv, huadai ix35, ,new jeep , qashkai

اعتقد السوبارو هى افضل اختيار من العربيات اللى قلتى عليهم , القاشقاى محتاجة بنزين 95 يعنى هاتبقى مكلفة اوى ده غير انه مش موجود فى كل مكان , ال ix35 مع احترامى الكامل لا تدخل المقارنة , الجيب الرينيجيد لسه ماتجربتش ف محدش هايقدر يحكملك عليها ده غير ان اول فئة غالبا مش هتلاقيها وفى اوفر برايس فى السعر حوالى 25000 جنيه , السوبارو عربية يابانى محترمة اوى وثبات كويس جدا , ممكن تكون الاوبشنز فيها قليلة شوية ولكن مش حاجات جوهرية .

طيب حضرتك محستش ان شنطتها صغيره شويه,,,,,, طيب لو كده مجبش حاجه سيدان زي استرا او هوندا سيفك انا بجد محتاره بقالي اكتر من 7 شهور وخايفه العربيات تغلي اكتر من كده ؟؟

فعلا الشنطه صغيره وده برضه خلانى متردد لما كنت عايز اجيبها عشان بسافر كتير . الحل الوحيد تركبى الروف راك بتاعها وده على ما اعرف موجود فى التوكيل عادى

المشاركة الأصلية كتبت بواسطة bassma

طيب حضرتك محستش ان شنطتها صغيره شويه,,,,,, طيب لو كده مجبش حاجه سيدان زي استرا او هوندا سيفك انا بجد محتاره بقالي اكتر من 7 شهور وخايفه العربيات تغلي اكتر من كده ؟؟

انا بالنسبالى حجم الشنطة معقول , برضه ده حسب استخدامك واحتياجك , بالنسبة لنوع العربية شوفى انتى عايزة عربية سيدان ولا كروس اوفر زى السوبارو و الجيب , برضه ايه رينج السعر بتاعك ؟ بالنسبة للاسترا هى طبعا عربية كويسة ولكن برضه يفضل استخدام بنزين 95 ليها حسب معلوماتى , الهوندا السيفيك طبعا هايلة ولكن مشكلتها قطع غيار غالية اوى وتوكيل مش مهتم . لو عايزة عربية سيدان فى رينج ال 200 الف تكون واسعه ومريحة وانتشارها وتوكيلها كويسين يبقى عندك تويوتا كورولا او رينو فلوانس هاى لاين , العربيتين فعلا كويسين وفيهم احتياجاتك لو عايزة عربية سيدان , لو كروس اوفر اعتقد السوبارو كويسة وكمان الكيا سبورتاج كويسة. حددى احتياجاتك ورينج السعر وده هايفرق فى الاختيار

السوبارو xv صفقه رابحه بكل المقايس هي شنطتها صغيره شويه لكن ممكن لو معاكي شنط كتير تركبي رووف راك او تفتحي الكنبه الخلفيه
ويليها القشقاي لكن يعيبها موضوع البنزين
نصيحه خرجي ال ix35 والجيب الرنيجيد لسه منشرتش وهي حجما صغير متتقارنش بالتلاته التنين
ممكن تدخلي برضو فورد كوجا في الاختيارات

طيب سوبارو ولا سبورتاج ولو سيدان تويوتا كورولا ولا ليك اي اقتراحات تانيه ؟؟؟؟؟؟؟

المشاركة الأصلية كتبت بواسطة bassma

طيب سوبارو ولا سبورتاج ولو سيدان تويوتا كورولا ولا ليك اي اقتراحات تانيه ؟؟؟؟؟؟؟

السوبارو كويسة ولكن هايعيبها اعادة البيع و التوكيل ابو غالى اللى مش قوى او مش مهتم, لو يهمك سعر اعادة البيع و انتشار التوكيل ومراكز الخدمة يبقى هاتى السبورتاج عربية برضه كويسة . لو سيدان بقى انزلى اى معرض عربيات واركبى الرينو فلوانس الهاى لاين و التويوتا الكورولا و شوفى هاترتاحى فى مين اكتر , واللى تعجبك هاتيها عشان الاتنين عربيات محترمة جدا ومايفرقوش عن بعض كتير .