السلام عليكم ورحمة الله وبركاتة
عندي مشكلة مخلياني مش عارف افكر ولا عارف اخد فيها قرار
دلوقتي انا خاطب بنت وكنا نعرف بعض قبل الخطوبة بسنتين و بقالنا سنة و نص مخطوبين
من البداية خالص بتعامل معاملة مش كويسة من وادها هو مقتنع انه لما يعاملني كدة هحافظ عليها خوفا منه ()اللي فهمته في الاخر ياعني
و اخوها ولا اكنه موجود مالوش اي لازمة لا معاهم ولا معايا حاولت اقرب منة اكتر من مرة وبدون نتيجة
استحملت قولت مش مهم اهم حاجة عندي هي
والصراحة عمرها ما قصرت معايا في حاجة وكانت ليا كل حاجة
بدانا نجيب حاجات الشقة اكتشفت ان ابوها بيزل يجيب ارخص حاجه مع انة معاه فلوس ولسة جايب عربية من فترة قريبة بمبلغ محترم علشان يروح بيها الشغل اللي قريب منه اصلا وكان اولي يجهزها بفلوسها وقولت ماليش دعوه
ياجيي مثلا علي جهاز من الاجهزه يقولها دا عليه مش علينا مع انه قاليا هجيب الاجهزه كلها
المطبخ يقولها مش هدفع اكتر من 2000 ج وطبعا دا ميبجبش قطعة واحده في المطبخ
وانا حارق نفسي و اهلي واقفين جنبي علشان اجيب شقة في مكان كويس و تتشطب احسن تشطيب و احسن عفش وحارمين نفسنا تقريبا من حاجات كتير مقابل الموضوع دا
وان ابدات اتخنق وعملت معاها مشاكل اكتر من مرة بسبب الموضوع دا و اتلكك باي حاجة تانية علشان مجرحهاش
بس وصلت لمرحلة بصراحة مش قادر اجي علي نفسي اكتر من كده
وكمان بقيت مش طايق ابص ليها مش عارف ليه بقيت بشوفها وحشة شكلا بعد ما كنت فرحان جدا ان ربنا رزقني بواحدة زيها
مش عارف افكر و لا اخد قرار
خايف اظلمها معايا بعد المدة دي كلها و في نفس الوقت احنا هنقضي مع بعض حياتنا الجاية كلها
وانا مشكلتي اني ممكن اعدي مشاكل كتير علشان الدنيا تمشي بس لما بتقفل معايا ببقي بني ادم تاني فخايف باردوا من دي