السلام عليكم اعضاء ومشرفي المنتدى الكرام
عايز اركب كاسيت double din في التابلوه مع نقل وحدة التكييف مكان cd changer اعمل ايه
وشكرا
عرض للطباعة
السلام عليكم اعضاء ومشرفي المنتدى الكرام
عايز اركب كاسيت double din في التابلوه مع نقل وحدة التكييف مكان cd changer اعمل ايه
وشكرا
بص هي لفة وحتكلفك. طبعا العربية كلاسيك مش سوبر اكشن علشان الجزء السفلي الي عندك رف مش سي شينجر... فحتنقل كنترول التكييف اسفل مكان الرف وحتركب الكاسيت مكانه.
انا عملتها لواحد زميلي وكانت كالتالي:
- روحت الحرفيين جبت وش كاسيت دابل دين. وطبعا لفيت عليه ولقيت واحد مخربش واضطريت ارشه واعالجه.
- وجبت وش تكييف علشان يركب تحت مكان الرف علشان انقل فيه وحدة التكييف.
- طبعا كنت عايز اجيب وحدة كنترول التكييف استيراد كانت جميلة جدا بس لقيت الي حيشتغل منها زرار التشغيل ودرجة التبريد اما اتجاه الهواء مش حيشتغل لانها ديجيتال والي عندنا للاسف سيخ حديد وبكرة.
- بعد مركبت الكاسيت الدابل فوق والتكييف تحت لقيت ان صعب جدا اخلي اتجاه الهواء يشتغل لان مقاس السيخ الحديد مظبوط علي المكان الي فوق..
المهم في الاخر بعد ما دوخت اضطريت اسأل في ورشة المتخصصون فقالي انهم بيعملوا التعديل دا من الاول للاخر وعندهم كل قطع الغيار في ساعة واحدة.
وفي الاخر مظبتش التكييف غيرهم.
بس الصراحة كانت تستاهل التعديل دا.
وعموما ححاول بكره ارفعلك صورة العربية بعد التعديل دا
ولو عايز اي استفسار اتفضل.
لو عندك Changer حتضطر تستغنى عنه. ودا منطقي لأنه طبعا أوديو فقط.
المتخصصون الفرق بينهم وبين غيرهم أنهم حافظين العربية فعلا. والعملية دي حتتطلب أنك تقص جزء من الفريم الحديد إلي حول مجموعة الكاسيت علشان تعدي منه كابل التكييف (الواير الحديد) ودا مش أي حد يعرف يفكه ويقصه وممكن يبوظ حاجة. لكنهم حافظين تماما كل سم في العربية وبيعملوها بإحترافية.
أيضا حتلاقي عندهم الوشوش إلي حتحتاجها (وش الكاسيت الدابل) (ووش التكييف بعد النقل)
تقدر تتواصل معاهم علي النمرة دي:
01223196444
ومن حوالي 6 شهور إتكلفت 800 جنيه بالتركيب. أعتقد حتكون أغلى شوية لأن الدولار زاد 2 جنيه بس :) والحاجات دي بتيجي من الخارج.
وحاليا برفع الصور لكن بياخدوا وقت
أتفضل يا باشا الصور أهي..