عايز ابدأ فوركس - اصحاب الخبرة يفدونى
عن مواقع اتعلم منها و كمان رايهم عن مدى الفايدة من الفروكس
عرض للطباعة
عايز ابدأ فوركس - اصحاب الخبرة يفدونى
عن مواقع اتعلم منها و كمان رايهم عن مدى الفايدة من الفروكس
بلاش.. انا فضلت فيه سنه ونص واقصي مستوي وصلتله اني اكسب قد اللي بخسره
بصراحه رغم اني اعتبر كويس جدا ف التحليل الكلاسيكي بس مش مقتنع ان الفوركس بيخضع للتحليل الفني خالص والموضوع حظ
ابعد عن الشر وغنيله
بلاش البورصه و الفوركس
افتكر اني قولتلك بلاااااااااااااااااااش
اكيد الفوركس و البورصة ممكن تكسب منها , بس مش دلوقت مطلقا , الان الخسارة مضمونة 100% , فيه موجة كساد عالمى و محلى و فيه قدر كبير من عدم الشفافية فى تداول المعلامات فى البورصة المصرية و دى عوامل تؤدى للفشل الذريع بالنسبة للتحليل و التوقعات, و عليه لا انصح تماما بهذه التجربة فى الوقت الحالى و تأكد الخسارة " مضمونة"
اشكر كل الناس اللى شاركت
واضح كدة انى هأجل الموضوع الا لو لقيت حد بيكسب
عامل حساب ديمو و حاليا بعد 5 دقايق ال profit -190
واضح انى موهوب هههههه
الفوركس والبورصة عاملين زى النصاب اللى اسمه المستريح اللى بيلم فلوس من الناس بحجه انه بيشغلهم وهيديهم مكاسب خرافيه كل شهر ... طبعا سعادتك مش هتصدق بس الراجل شكله محترم وكلامه مقنع فهتجرب معاه بمبلغ صغير والراجل هتلاقيه فى منتهى الاحترام هيديك المكاسب بتاعتك فى معادها وفوقيها بوسه ... هتتشجع اكتر وتجيب فلوس اكتر وتلم من زميلك واصدقائك واقاربك وجيرانك وتشجعهم وتغيرهم بالمكاسب السهلة السريعة المضمونة والافندى النصاب بتاعنا هيستمر فى صرف الارباح اللى هى فلوسك وفلوس الناس اصلاً ويلبس طاقيه ده لده وفى الآخر هوب فص ملح وداب
البورصة حتى لو كسبت منها وكانت مولعه فى السماء هتفضل قلقان وزعلان على الاسهم بتاعتك اللى نسبه ارتفاعها مش زى ارتفاع السوق ولما تحول من سهمك البطيئ الحركة الى السهم الاعلى نشاطا والاكثر ربحا هتلاقى سهمك اللى انت لسه بايعه من دقائق بيطير فى السماء والسهم الجديد اتنيل بستين نيله وضيع الفلوس وهتفضل تحلم باليوم اللى تجيب فيه رأس مالك أو حتى نصه
اللى بيكسب واللى بيخسر قاعد اعصابه مشدوده قلقان وخايف على مكاسبه أو خسارته
واللعبه عامله زى القمار بالضبط
سيبك من احلام الثراء السريع وخليك فى التعب والشغل والاجتهاد والاستثمار الحقيقى وربنا يوفقك
انت عملت احسن حاجه بانك جربت الديمو.. وانا بقولك لو فضلت شهرين ورا بعض بنتايج ايجابيه ادخل بفلوسك... وده عمره ما هيحصل عشان اريحك
ووللعلم هتلاقي متير بيتدعوا انهم بيكسبوا متصدقهمش غير لما يوروك كشف حساب كسبان
معظمهم نصابين والباقي بيعملوا شو ف المنتديات عشان الناس تفتكرهم جامدين ويصقفولهم.. انا دخلت الفوركس من 2011 وشفت كل حاجه تقريبا