السلام عليكم
اولا انا بسوق كدة بقالى حوالى شهر بس مش بانتظام
يعنى كل اسبوع مرتين تقريبا ووصلت لانى بطلع بالعربيه كويس طلعه هاديه
ومش بتبطل منى
وبمشي بيها بس حوالين البيت كدة وطلعت مرنين على طريق بس كنت خايفه
اللى بيعلمنى جوزى وبيتعصب عليا اوى لما بغلط
مع انى شايفه ان مستوايه مش وحشفي الاول كنت لازم العربيه تبطل على المطب وتترج
دلوقت بدأ الموضوع يتحسن
بس ساعات كتير مش بشوف المطب اصلا
دلوقت مشكلتى الاساسيه الخوف نفسي انخلص منه خايفه جدا انزل لوحدى بالعربيه
لازم حد يكون جنبي مع انى بسوق كويس ومارشدير وبركن وتمام
بس المشكله في خوفي وكمان اليوتيرن
عندى مشكله معاه
كمان السرعه اكتر حاجه عندى التالت وبكون خايفه
والعربيه بتحدف منى لما بكون بنقل الفتيس
يا ريت كل حد له تجربه مع السواقه يفيدنا بنصايحه