دى أول مشاركة ليه معاكو فى المنتدي

أنا متزوج من أجنبية ومن كذا شهر كنت عايز انا وزوجتي نشتري عربية من الخارج يعني اخليها تسافر وتشتري العربية وترجع بيها مصر و أرخص العربية بأسمها خصوصا انها شغالة هنا في مصر ولها عقد عمل في الأذاعة وواحد فى دار الأفتاء يعنى جهتان رسميتان(حكومة يعني مش قطاع خاص)

بس انا روحت سئلت فى الجمارك الى فى شارع الطيران والجمارك الى في المنطقة الحرة ورحت لمكتب الجمارك الى في وزارة المالية الى عند نادى السكة وفي الأخر عقدو الموضوع ومعرفتش اعمل حاجة خالص

بس الى انا اعرفه ان في ناس بتعمل الموضوع ده يعنى بترخص العربية بدون جمارك ومتدفعش نظام التربتك ده بس مش عارف ازاى وايه الأجراءات المتبعه

حد فيكو ياجماعه يعرف حاجة عن الموضوع ده يفدني فيه خصوصا ان انا رايح النهاردة ل سمير ريان عشان أتفق على sx4 بالتقسيط بس رجعت فكرت فى الموضوع ده خصوصا ان القسط هيبقى كبير اوى وكل ما أفكر ان انا عندى فرصه زى دى عربية من غير جمارك استحرمها وأقول اسأل تانى

وايه رأيكو فى سمير ريان يعنى لو معرفتش أجيب العربية من بره بدون جمارك واشترتها قسط من سمير ريان هو كويس وله زى مسمعت انه العربيات بتعته بتبقى عامله 200 و 300 كيلو وازيد كمان

اسف طولت عليكوا