صوت الموتور اصبح رياضي و عايزه يرجع هادي ..ازاي

انا يا جماعة باختصار لِسَّه شاري فيرنا مستعملة جديد موديل ٢٠١٣ ، المهم من أسبوع لاحظت ان صوت الموتور علي شوية و السحب قل شوية .. دورت علي السبب و طلع في خرم في سوسة الشكمان ... روحت لبتاع الشكمان و غير لي السوستة و فعلا صوت التنفيس راح و عزم العربية رجع زي ما كان بس في مشكلة واحدة لقيتها و هي ان صوت العربية لسه عالي بس زي السيارات الرياضية و انا بحب العربية تبقي هادية زي اصلها ... انا بقول يمكن لان السوستة اللي ركبت قطرها من جوه اكبر حاجة بسيطة عن القديمة زي ما انا لاحظت .......
يا ريت يا جماعة حد يفيدني في السبب و آيه الحل المناسب ؟؟؟

تقصد اللي اوسع ، ميعملش حاجه

اقتباس:

---

المشاركة الأصلية كتبت بواسطة mecha

تقصد اللي اوسع ، ميعملش حاجه

---

يعني. السوستة الاوسع دي مش المفروض تعلي الصوت

يعني هو إرتفاع صوت المحرك إرتبط بالخرم اللي في الشكمان أو في سوستة الجكمان بس ؟؟؟
لو كده كنت هقولك بس على فلتر الهوا والوصلات بتاعته لو في حاجه مفتوحه أو منفسه

اخي الفاضل ...

بداية ربنا يبارك لك في عربيتك و يقيك شرها و شر الطريق و يؤتيك خيرها

أولا.. يجب عند تغيير أي قطعة في العربية أن تكون القطعة الجديدة كالقديمة تماما من حيث المواصفات لأن ممكن جدا تغير مواصفات قطع الغيار كتيل الفرامل أو أقطار مواسير العادم أو التبريد و غيره أن تؤدي ألي تغيير في أداء العربية بشكل أجمالي

ثانيا .. ممكن يكون فيه لحامات في بعض علب الشكمان الاخري مفكوكة أو السوستة اللي ركبت مش مربوطة كويس

ثالثا .. ممكن نوع الزيت المستخدم و درجة لزوجته تؤثر في صوت المحرك و تغير من أدائه
رابعا .. ممكن فلتر الهواء لو مش نظيف يقلل السحب و يسبب ارتفاع في صوت المحرك
خامسا .. لو ضغط الاطارات مش مظبوط (منخفض عن الطبيعي) يقلل من استجابة المحرك و يزيد من المقاومة و بالتالي يرفع صوته بالاضافة الي زيادة في استهلاك البنزين

حاول تتأكد من كل العوامل السابقة و شوف أيه اللي هايحصل

عشان توفر علي نفسك تعب وفلوس ، العربيه اول مجبتها صوتها كان ايه ، العربيه مستعمله وطبعا عارف
الناس غاويه تقلب حال العربيه، صاحبها الاولاني عدل في نظام العادم او غيره ؟؟؟.

شكرًا يا جماعة علي مساعدتكم .... انا تراجع علي الحاجات اللي أنتم قلتوها و هقول لكم النتيجة