الموضوع: اشتري لوجان هاي لاين بالنافجيشن ولا بيجو 301

مين قالك ان البيجو قطع غيرها وتوكيلها سي
الاسد الفرنسي يا جدعاااان ركوبة بمعني الكلمة
اتكل علي الله فالبيجو

وجهة نظر، اللوجان ، كماليات اعلي، قطع غيار ارخص، اعادة بيع احسن كتير

ممكن بس اضيف وجهة نظر مختلفة ؟ مادام وصلت ل 145 الف ماتجيب لانسر شارك هاتجمع بين قوة الموتور و الاداء اللى عاجباك فى البيجو , وبين الانتشار و اعادة البيع اللى عاجباك فى اللوجان , وعربية اعتماديتها عالية , يعيبها قلة الكماليات و دى حاجات ممكن تكملها فى اى وقت

العربيات بقت زى الرز من كل الماركات فى ظل البيع بالتقسيط .... و موضوع البيع عن طريق الانترنت عمل ثورة فى مفهوم إعادة البيع اللى لسا ناس كتير متمسكة بيها خاصة اللى بيبيع عن طريق الميكانيكى اللى جنبه او التاجر او ينزل السوق....القصد ان النقطة دى لا تقلق ان شاء الله خاصة لو العربية متحافظ عليها من اى ماركة

يا راجل دا فى عربية 605 لو كنت شفتها او سمعت عنها اتصلت بصاحبها بعد يومين من الاعلان قال لى اتباعت..." بس كانت حالة محترمة"

يا جماعه انا عارف ان الشارك احلي من الاتنين من حيص الاعتمادية وكدا بس يعيبها ان بالمبلغ دا هتبقي فاضية بدون اي اوبشن وقطع غيارها تعتبر اغلي نسبيا

وكمان في النيسان سنترا الي ماتورها اقوي بكتير من الشارك بس يعيبها تقفيل 141000 مصري وقله انتشار

المشاركة الأصلية كتبت بواسطة عقرب عجوز

مين قالك ان البيجو قطع غيرها وتوكيلها سي
الاسد الفرنسي يا جدعاااان ركوبة بمعني الكلمة
اتكل علي الله فالبيجو

قطع غيار المقصود ببيها توافر قطع الغيار ف السوق خارج التوكيل وفي الصعيد لاني من الصعيد