الموضوع: عايز اعمل حوض سمك زينة ؟؟؟؟

بص أنا عندي حوض 60 * 30 وأنا لسة جديد شوية في الموضوع بقالي 4 أشهر تقريبا. وحقولك علي شوية نصائح

طبعا في حوض مالح وعذب. العذب سهل ورخيص ومتوافر خاماته وأسماكه ورخيصه وطبعا المياه وينفع مساحات صغيرة زي دول. أما المالح فعايز مساحة لا تقل عن طول 100 أو 120 سم. وطبعا التكلفة عالية بتبدأ من 5000 جنيه للحوض بالكامل. فأنا طبعا حكلمك علي العذب

أنا جبت المقاس دا لعدم وجود مساحة كافية في البيت عندي. أما لو المساحة عندك كافية فكل ما كبر كل مكان أفضل.
من حيث صحة السمك وعدم الإتساخ سريعا. وعدد الأسماك الممكن تربيتها.

الحوض الزجاج مش عارف ثمنه (سواء زجاج أو فايبر) لأمن صديقي أهداه لي لأن عنده أكثر من حوض. لكن حكلمك في التجهيزات:

1) جرش - أو فرش الحوض: وبيكون صدف وأحجار وصخور وممكن رمل- لكن بلاش الرمل لأنه بينعب في التنظيف. وطبعا بيكون بألوان وأشكال جميلة وأنت بتختار والكيس ب 5 جنيه وحتحتاج للحوض الصغير من 4 ألي 5 أكياس لكن لازم يكون أرتفاع الجرش من أرض الحوض حوالي 4 ألي 5 سم

2) فلتر ماء: وفيه منه أنواع لكن الشائع والعملي والرخيص نسبيا بيكون فلتر بموتور - منه فيه - ودا بحوالي 35 ألي 40 جنيه.

3) إنارة داخلية: ودي لمبة زي الفلوروسنت فايبر وبتدي ألوان جميلة في منها لون واحد وفي 3 ألوان بتتحط داخل الحوض أعلي الماء أو في الماء لا مشكلة.

4) غطاء للحوض: ودا بيكون خشب أو فايبر حسب نوع الحوض وحسب زوقك ودا مهم علشان الحوض ميتوسخش. لو لوحده بحوالي 30 جنيه

5) زرع: صناعي بلاستيك أو طبيعي.. الصناعي بيكون له ثقل قاعدة في أسفل الحوض وهو بيطفو رأسيا مع الماء وبيتمايل مع تيارات الماء المولدة من الفلتر. الزرعة بحوالي 3 جنيه. أما الطبيعي فلا أعرف عنه شيئ ونفسي أجربه الصراحة بس مش حتلاقيه غير في السوق.

6) مزيل كلور: ودا كيس في مكعبات صغيرة شفافة ب 5 جنيه (وحقولك تعمل بيه يه)

7) مقوي مناعي: أو أنا بسميه كدا لأني مش عارف إسمه إيه بس أي حد حيفهم. ودا قطارة بلاستيك صغيرة بها محلول أزرق (وحقولك برضو وظيفته إيه)

9) سخان مياه: ودا بحوالي 30 أو 40 جنيه لتدفئة المياه في الشتاء وأيضا يمكن الإستغناء عنه لأنه لبعض أنواع الأسماء الحساسة للبرودة (أنا شخصيا مش جايبه)

10) ملح طعام (كمية قلية جدا)

11) مضخة ماء بلاستيك: لتفريغ ماء الحوض. بحوالي 20 جنيه

12) شبكة: للإمساك بالأسماك: من 5 إلي 10 جنيه

13) الأسماك: أشهر أنواع الزينة إسمه (جولد) ودي شجرة كبيرة بها أنواع كثيرة جدا ومختلفة جدا في الشكل والحجم وما يميزها إنها لا تحتاج إلي سخان للماء وأيضا معظمها 99% غير عدواني ومسالم.

* موضوع أنواع الأسماك دا موضوع كبير جداااااااااا ومحتاج موضوعات لشرحة. فخليك في (جولد) كبداية لأنه سهل التعامل ورخيص ** خصوصا أن في أسماك حتموت منك في الأول فإتعلم في الرخيص أحسن.

أما بخصوص تهيئة الحوض:

1) إشتري الحوض والتجهيزات بالكامل في يوم بدون متشتري الأسماك. خبيها بعد يومين (حقولك ليه)

2) أول متجيب الحوض تغسله جيدا بدون كيماويات أو منظفات. إستعمل ملح طعام كمعقم.

3) إغسل الجرش أيضا والزرع والفلتر واللإنارة بماء وملح.

4) ضع الجرش بالحوض وإملأ الحوض حتى ثلثيه وأترك الثلث أو أقل من الثلث قليلا للهواء.

5) ضع الزرع وثبته بالشكل المناسب لك.

6) ثبت الفلتر بحيث يكون الجزء العلوي للرأس المحتوي علي الموتور أعلي الماء. والباقي في الماء. وخرطوم الهواء خارج الحوض. وثبت الإضائة وتوكل علي الله وشغل.

7) بعد تشغيل الفلتر والتأكد أنه يعمل عن طريق رؤية فقاقيع الهواء تخرج منه إلي الماء. ضع 10 حبات من مزيل الكلور. ونقطة من المقوي المناعي .. ملحوظة لو أضفت أكثر من نقطع حتى 4 نقاط سيعطي لون أزرق للماء مثل لون البحر ولكن لا تزيد عن 3 أو 4 نقاط.

8) ضع 1/2 ملعقة ملح طعام وضع الغطاء وأترك الحوض يعمل 24 ساعة بدون سمك حتى يتشبع الماء بالمواد المضافة إليه.

9) في اليوم التالي إشتري السمك وضع كل سمكة في كيس بلاستيك به ماء من عند المشتري (دا مهم جداأأأ)

10) عند الوصول للبيت ضع الأسماك بالأكياس (*بالأكياس*) بما تحويه من ماء في الحوض لتكون عائمة بالكيس علي سطح الماء وتبقى كذلك من 20 إلي 30 دقيقة. - حتى تتعود علي درجة حرارة الماء الجديد في الحوض -

11) بعد ذلك أقطع الأكياس وأترك السمك ينزلق للحوض.

* بالمناسبة أسعار أسماك الجولد متنوعة من 15 إلي 50 جنيه حسب النوع والحجم.
_________________________________________________

وإبقى قولنا عملت إيه وياريت صور للحوض.
وعموما أي سؤال أنا تحت أمرك

المشاركة الأصلية كتبت بواسطة rotanamasoud

انا عندى حوض من سنين لاكن الهوايه دى صعبه جدا جدا يعنى لازم تكون بتحب الموضوع جدا وغاويه

الموضوع مش صعب
انا مثلا كل اسبوع بفضي ربع الحوض بإستخدام المضخة في اي وعاء بلاستيك.
وبعدين افك الفلتر وانظفه وارجع اركبه.
واملى الربع ماء من الحنفية وخلاص علي كدا.
كل سنة بيفضى الحوض بالكامل ويتغير الماء وطبعا بيتم غسله هو ومحتوياته واعادة الخطوات الي ذكرتها في الاعلى.

المشاركة الأصلية كتبت بواسطة alphacharlie

الموضوع مش صعب
انا مثلا كل اسبوع بفضي ربع الحوض بإستخدام المضخة في اي وعاء بلاستيك.
وبعدين افك الفلتر وانظفه وارجع اركبه.
واملى الربع ماء من الحنفية وخلاص علي كدا.
كل سنة بيفضى الحوض بالكامل ويتغير الماء وطبعا بيتم غسله هو ومحتوياته واعادة الخطوات الي ذكرتها في الاعلى.

انا مش عارف اشكرك ازاى
الف الف الف شكر

المشاركة الأصلية كتبت بواسطة khaled_yassin

انا مش عارف اشكرك ازاى
الف الف الف شكر

العفو يا فندم. بس كلمة السر في نظافة الحوض هي مراعاة كمية الطعام المقدم للسمك.
بمعنى يوميا تحط الطعام بالحبة. وبيكون نصف عدد السمك. بمعنى:
لو عندك 10 سمكات تحط 5 حبات طعام فقط يوميا.
طيب حتقول السمك ياكل ازاي؟
الاجابة: السمك الاكبر حياكل الاول والسمك الصغير مش حياكل.
بعد عدة ساعات السمك الي اكل حيخرج الي اكله علي شكل فضلات.
بعد كده الفضلات دي حتتحلل بكتيريا وتتحول الي غذاء في القاع.
وقتها السمك الصغير حياكل هذه الاغذية من القاع.
وكدا يبقى انت اكلت السمك بالكامل وايضا نظفت الحوض من البكتيريا والفطريات ورائحة الامونيا ويفضل معاك فترة كبيرة جدا.