الموضوع: حصر مبدئى لقطع غيار الداتشا نوفا وبدائلها الرخيصه

اخى mohamedhamdy1 :
بعد التحيه والسلام عليكم:
العربيه عباره عن ماتور رينو 12بتصنيع رومانى بتصرف وتعديل فى الكاربيراتير وبودى تصميم رومانى ( استانليس استيل بالمناسبه) وعفشة رينو 9 وفتيس رومانى صرف .
يعنى حاجة الماتور والعفشة موجوده بالكامل رومانى اما البودى فا مش موجود من الاخر...
مشكلة العربيه دى من الاساس ان الشركة بتاعتها عملتها ثم عدلت عليها ونزلت اللوجان اللى هيه من الاساس تطوير النوفا وعايز تتأكد حط صورتين للعربيتين جنب بعض وانت تعرف انا باتكلم فى ايه....بمعنى ان هيه كانت مجرد مرحلة انتقاليه فى مسار الشركه
وبصراحة كده اللى اشترى العربيه اعتمد على رخص سعرها النسبى بالنسبة لسنة تصنيعها يعنى لما تشترى عربيه مثلا موديل 97 ب سعر من 8 الى 14 الف اظن انها رخيصه يعنى بالمنطق ده او اقرب له.
و عموما هيه عربيه عفيه وقويه و مضاده للبارومه مالم تمس صاجها النار
بس مشكلتها بعض قطع الغيار اللى مش موجوده وخصوصا فى البودى وكاربيراتيرها اللى مش موجود وان وجد يبقا ب 2600 جنيه( اه والله واللى عايز يتأكد يتصل بمشيل حليم) و ايضا الصنايعيه اللى بيشتغلوا فى الرينو قليلين على عموم البلد ده طبعا بالاضافة الى وجود صنايعيه عكاكين اصلا فى السوق وهم السبب فى سقوطها فى الصيانه
فى النهاية اقول لك قلب فى العربيه كويس و خد حد يفهم فى العربيات يقلب فيها وزيها زى غيرها من العربيات فيها الكويسه وفيها الوحشه وربنا يوفقك واهلا بيك معانا فى صفحة النوفا زميل عزيز

انا متشكر جدا يا أستاذ حازم على ردك وعدم تأخيرك
بس كده اعتقد انى قلقت شويه او شويتين و عموما الف شكر يا كبير

مش هاغشك يا اخى انا قاصد اقول عيوبها قبل مميزاتها وانت اللى تحكم

بجد يا حازم انت انسان محترم جداً ،، مفيش تحيز للعربيه في كلامك . ربنا يباركلك

يا محسن ربنا يبارك لك على ذوقك ....
الواحد يقول اللى ليه واللى عليه و زميلنا بيسأل النصيحه ومش هانضله ولازم ندله على الصح

اعرف الفوانيس والاشارات بتتباع عند البساطي او في التوفيقة عند محسن ومدحت وكمان في مجري العيون عند ارزاق ومحل تانى بردو في مجري العيون مش متذكر اسمه ، ياريت لو حد يعرف من الاخوة يدخل ويشارك

أ/ حازم ممكن رقم موبايل حضرتك حابب اسألك سؤال عن الداشتا ومتقوليش قول على المنتدى