الســـــــــاده المحترمين اعضاء جروب جيــــــــب
بصراحة انا مركبتش جيب قبل كدة بس بفكر بشراء جيب شيروكى xj موديل 1998 4.1/6cly عجبانى جدا
عاوز اعرف استهلاك البنزين ظروفة اية من حيث الاستخدام اليومى ؟؟ انا من سكان 6 اكتوبر و شغلى فى مصطفى محمود يعنى الطريق مفتوح مش زحمة ارجو الافادة و جزاكم الله خير
تم تعديل العنوان ليتناسب مع المحتوى
م.ع 7
متوسط ٥~٦ كم /لتر
اقتباس:
المشاركة الأصلية كتبت بواسطة mecha
متشكر يافندم على الرد السريع يعنى حضرتك تقصد 1 ليتر يعمل فى حدود 6 كيلو متر!!!!!!!!! :( :(
بتعمل 15 لتر تقريبآ فى ال100 كيلو وده لو كل حاجه تمام فيها ومنغير قرص
[quote=احمد فهمى;3876061956]بتعمل 15 لتر تقريبآ فى ال100 كيلو وده لو كل حاجه تمام فيها ومنغير قرص[/quote
شكراا يا استاذ احمد على الرد ,
يا جماعه انتوا هتجننونى ازاى ال6 سلندى استهلاكها لتر كل 5-6 كيلو ؟
انا معايا شيروكى 93 4 سلندر والاستهلاك مرعب لسه امبارح مكمل 227 كيلو وحاطط 59 لتر !
والمفروض انى عامل عمره موتور كامله ومغير طرمبه بنزين وفلتر بنزين و استبراتير و رشاشات وبوجيهات وفلتر زيت وفلتر هوه وفلتر بنزين وحاجات تانيه كتير مش فاكرها ورغم كل ده استهلاك البنزين زى ما بقول لحضراتكم كده طب تفتكروا العيب فين طيب ؟ العيب فى سواقتى ؟ السنادى جبنا سواق كبير فى السن يودى اختى كليتها ويرجعها والراجل كبير وسواقته هاديه وعاقله وبرده الاستهلاك زى ما هو طب يبقى العيب فين ؟
السلام عليكم ورحمة الله وبركاته كل احترامى لجميع ملاك الجيب انا اعمل فى مجال المساحه وكل شغلى فى الجبل ومدقات ومفيش عربيه تستحمل الشقى ده غير الجيب والكومودو الصينى وانا المسئول عن السيارتين فى المكتب الاستيشارى وهقول رايى بكل صدق عربيات الدفع الرباعى كلها جيده للطرق الوعره والرمليه والغيرممهده اما على الطرق العاديه استهلاك البنزين بيعلى لاننا عايزين نجرى ومعتقدين ان الجيب هطير وبننسى ان العربيه دفع رباعى متكتفه بكردان امامى واخرخلفى بيشتغله فى دوران واحد حتى لو الغرز مش شغال برضه العربيه متكتفه الحل من خلال تجربتى سنين مع الجيب وقطع غيارها الغاليه جدا ان كردان الغرز الامامى يتفك وتشيله من العربيه كده الجيب بقت عربية مدن واستهلاك البنزين هيقل شويه وخلى بالك انتى راكب عربيه وزن ثقيل وموتور اكتر 4000 cc و 6سلندر و كل ده اكيد انتى عارف من زمان ان الامريكى مستهلك للبنزين والكل يعلم ان السيارات الامريكيه ملهاش سوق مصر زى البويك والشفر والدودج دول عربيات ركوب عاديه للمدن وعربيات قويه جدا لكن احنا المصريين عندنا فهلوه الجيب مخصصه للجبل والسفارى واحنا بنشغلها عربية مدن وده مش مكانها فى العمل المصنعه له للجيوش و فى الاماكن الجبليه والرمليه فقط لكن الطرق العاديه استهلاك البنزين بيزيد وبص على دول الخليج البنزين ببلاش عندهم عربيات الدفع الرباعى للصحراء والتخييم وعربيات المدن اغلبه يابانى علشان تكييف افضل من الامريكى ونعومه افضل على الطرق اسف طولت بس حبيت اقول بحكم خبرتى مع الجيب ان العربيه فى الجبل استهلاكها افضل من الطرق العاديه وشكرا
كلام حضرتك مظبوط وانا فعلا الميكانيكى بتاعى شايل عمود الكردان بتاع فتيس الغرساقتباس:
المشاركة الأصلية كتبت بواسطة Mohamed Desoky
بس برده استهلاك البنزين عاااااااالى جدا :N_no[1]: انا بحاول اتعايش معاه واقول ان الجيب كله كده بس بلاقى اراء الناس فى الموقع هنا حاجه تانيه وبيكتبوا استهلاك جيب اقل بكتير من عندى فبحس ان فيه حاجه غلط
الجيب مستهلك للبنزين بطبيعته انا جارك فى زايد وفاهم كلامك كويس عايزين نحسبها مع بعض عربيتى انا 1600 بتعمل فى 1 لتر 10 كيلو طرق مفتوح والجيب 4100 cc فيها كام موتور 1600 يبقى 1600 +1600=3200 يبقى 2 موتور ملاكى بيستهلكه 2 لتر فى 10 كيلو وباقى 900 cc قول كمان نص لتر يبقى معدل 2 ونص لتر كل 10 كيلو متر والحسبه دى حسبة ميكانيكى بسيط لا يجيد القراءه او الكتابه بس اقنعنى بوجهة نظر ان الجيب دى فيها 2 موتور ونص من الملاكى العادى متهيالى لو الكلام ده مظبوط يبقى عربيتك مظبوطه والجيب كده واللى حاببها يستحمل مصاريف التشغيل واللى زعلان بيع وهات 1600 وريح جيبك دى خلاصة الكلام فى الجيب وشكرا لحضرتكاقتباس:
المشاركة الأصلية كتبت بواسطة a raafat
كلام حضرتك منطقى فعلااقتباس:
المشاركة الأصلية كتبت بواسطة mohamed desoky
بتحط زيت موتور لزوجة ايه ؟ الزيت لو تقيل يزود معاك استهلاك البنزين
العادى بعد عمرة الموتور ان العربية تاكل بنزين شوية لغاية ماتتلين - اهم حاجه ان الار بى ام مايزيدش عن ٢٢٠٠ لفه عالدقيقة لغاية ماتخلص التليين - والزيت كمان هلى انت حاطط زيت ٤٠ ولا ٣٠ لو ٣٠ تمام لكن ٤٠ تقيل عليها ويخليها تاكل بنزيناقتباس:
المشاركة الأصلية كتبت بواسطة a raafat
حضرتك معظم العربيات الفور باى فور دلوقتى دفع خلفى ولما بتحتاج انها تبقى دفع رباعى بتحولها عن طريق فتيس الغرز اللى فيه وضعين وضع هاى ووضع لو - ولو انا ماشى على الاسفلت عادى والطريق مزحلق نتيجة امطار او تراب بتحتاج الدفع الرباعى الهاى علشان يحسن تماسك واتزان العربية - فلو شيلت الكردان الامامى بتلغى الميزة دى وكمان مابتوفرش فى استهلاك البنزين - بالنسبة لقطع الغيار للجيب بالذات انا مش شايف فيها حاجة غالية جدا يعنى قطع الغيار الاستهلاكية اسعارها ارخص من العربيات السيدان الجديدة دلوقتى وعلى سبيل المثال المراية بتاعة الجانب فى الشيروكى ال kk فى حدود ال ٤٥٠ - ٥٠٠ جنيه والفانوس الامامى فى حدود ال ٧٠٠ جنيه لو قارنت الاسعار دى مثلا بالقاشقاى ومايماثلها زى الكيا او الهيونداى حتحط صفر كمان جنب الاسعار اللى انا ذكرتها - بالنسبة مثلا للمساعدين حتلاقيهم الطقم الامامى فى حدود ال ١٠٠٠ جنيه - وكمان قطع غيارها اصلا معمرة - البربريز الامامى مثلا فى الجيب مش بيعدى ال ٥٠٠ جنيه .اقتباس:
المشاركة الأصلية كتبت بواسطة Mohamed Desoky
واستهلاك البنزين اللى فى الصحرا اقل من الاسفلت ده انا مش معاك فيه لانك بتبقى ماشى بسرعة مش عالية يعنى على التانى مثلا وده بيبقى الار بى ام عالى واستهلاك البنزين بيكون اعلى بكتير من الاسفلت علاوة على انك لو كنت ماشى كمان دفع رباعى وده كمان بيزود الاستهلاك بتاع البنزين - ركوب العربيات الدفع الرباعى داخل المدن ليه ميزة كبيرة فى مصر بالذات وهى المطبات والطرق البايظة فانت بتوفر عفشة وجاكمان وخبطات كل ده ليه تمنه وكمان لو اتزنقت بتقدر تتصرف .
الخلاصة لو انت راكب عربية دفع رباعى والدنيا مظبوطة فيها استهلاكها فى الاجمالى حايكون فى حدود مرة ونص او ١،٧ من استهلاك السيدان .
انا باكلمك بمنتهى الحيادية مش علشان انا راكب جيب لان شركة كرايزلر مش محتاجانى اعمل ليها دعاية :) - يكفى مثلا ان الجيب لو دخلت على النت حتلاقى عنها معلومات بالهبل فى الصيانات وقطع الغيار والمواقع اللى بتبيع قطع الغيار وارقام البارت نمبر والاعطال وطرق اصلاحها ودى فى العربيات التانية بتبقى عاملة زى الاسرار الحربية مش بتقدر تلاقيها بسهولة - وتقبل تحياتى واحترامى
السلام عليكم ورحمة الله وبركاته شكرا لرد حضرتك م احمد عبد الفتاح انا بتكلم من خلال تجارب مع الامريكى لان خالى ميكانيكى وانا اشتغلت 12 سنه فى ورشته وقت الدراسه تقدر تقول م مساحه على ميكانيكى سيارات وافتخر بكده المهم الامريكى بطبعته مستهلك للبنزين وقطع غياره مرتفعه بلنسبه لموديل الشيروكى التسعينات وتبقى كارثه لو العربيه 4 سلندر 2500 cc ملهاش حاجه فى السوق نهاثى بصفه عامه الامريكى ملهوش سوق فى مصر وله حتى مكان تركن فيه الجيب فقط هو اللى محبوب رغم ان فى عربيات سيدان احلى واقوى من الجيب لكن الشعب المصرى مش عايز عربيه مستهلكه للبنزين وهديك مثال بسيط الكيا برايد عصفوره 99 اتباعت اغلى من البويك 89 رغم ان البويك موتور 6 سلندر 3500cc وتكييف وبور عربية بشوات الفرش جميل وعربيه حلوه وفيها 2 كربراتير اتباعت 12 الف والبرايد 25 الف تفتكر حضرتك انهى الاحسن البويك وله البرايد الصخره وله المعزه انا بتكلم على الحاضر فى بلدنا العربيات الامريكيه قويه جدا لكن صعبه تتباع لاسباب كتير جدا اما الجيب اقول لحضرتك ان الجيب فى الجبل استهلاك البنزين اقل من الطريق العادى ده واقع انا عايشه كل يوم اسف طولت يمكن كلامك صح ويمكن كلامى انا صح الفيصل هو استخدامك للعربيه عرفك المعلومه لكن انا استخدامى وشغلى بايدى عرفنى حجات كتيره مش فى الامريكى لا فى عربيات كتيره وشكرا