اروح ازاي لشارع أحمد عصمت من مدينة نصر. وفين موقف الألف مسكن هناك؟
عرض للطباعة
اروح ازاي لشارع أحمد عصمت من مدينة نصر. وفين موقف الألف مسكن هناك؟
موقف الاف مسكن دة فى جسر السويس فى طريقك وانت رايح على الحرفييين
أما شارع أحمد عمصت فهتاخد اول يوترن بعد موقف الاف مسكن وتدخل فى تانى شارع يمين بعد البنزينة
ممكن تروح من الدائرى بتاع شيراتون وتفضل ماشى كأنك رايح على نادى الشمس......وتفضل ماشي مع سور النادى لحد لما يخلص وتخش معاه يمين......شوية وهتلاقى ميدان واسع هو ده موقف ألف مسكن.......هتخش يمين مع الشارع هتلاقى نفسك فى جسر السويس......أول يوترن تدخله وبعد كده هتلاقى موبيل على يمينك وبعد كده تدخل الشارع الرئيسى اليمين اللى بعدها.
بص يا سيدي .. عارف طبعا شارع النزهة ؟؟
لو حتاخده من اوله من عند ميدان الساعة ...
امشي فيه علطووووووووووووووووووووول زي مالطريق ياخدك يعني تطلع كبري و تلف مع الملفات و تلف ميدانين ( و تطلع في نفس الشارع كانك ماشي مازلت في امتداد شارع النزهة ) .
حيقابلك في الاخر خالص تقاطع كبير و فوقيه كبري - ده شارج جسر السويس .. تخش فيه يمين شوية حتلاقي ميدان كبير علي اليمين ملليان مبيكروباصات هو ده الف مسكن اول يوتورت بعده و تخش في اول شارع شمال هو ده احمد عصمت .
طريق تاني اسهل :
خد الاوتوستراد من جنب النادي الاهلي .. و كمل في علطول كانك رايح الشيراتون . اول ماتوصل اخره الشارع بيفرض عليك تخش يمين .. بس 3 خيارات يمين
اول يمين خالص بيوديك المطار - تاني واحد مطلع كبري - تالت واحد طريق مصر الاسماعلية و هو ده الي انت عايزه ..
امشي في الشارع ده شوية عدي اول تقاطع - خش في تاني واحد يو ترن ( حتلاقي مصر كلها بتخش من عنده )
اطلع من اليو ترن و احدف يمين كانك عدي اول شارع يمين خش في تاني واحد ( حتلافي مبنى الاسوكاش بتاع نادي الشمس ) .
كمل مشي جنب نادي الشمس في الشارع ده ( عبد الحميد بدوي ) عللللللطول لحد مالشارع يخلص حتطر تخش يمين .. و كدة انت وصلت الالف مسكن .. حتطلع في جسر السويس اول UTURN زي السكة الاولانية .
شكرا جزيلا للجميع