انا مخنوق من المرض.. ومحتاج استشاره يفضل من صيدلي او دكتور

شهر 2 ... 2011
حتي شهر 2...2016

تميت 4 سنين بالتمام والكمال في تعب الزفت المعده الي عندي واللف ع الدكاتره.. الصبح ترجيع واسهال ومعظمكم عارف انا كاتب مواضيع قبل كدا كتير

المهم اخر وصف اتوصفلي من. سنه ونص بعد شويه مناظير وعيانات حلوه من المعده. ان عندي حاجه بنت ستين كلب اسمها اتش بلوري.. او البكتريا الحلزونيه

https://encrypted-tbn3.gstatic.com/i...l5OaHdkBnLkTsw
لعنه الله عليها وربنا يكون في عون الي عنده... باختصار هيا جرثومه مبتتاثرش بالعصاره الهضميه لا وبتعمل العصاره دي مكان تعيش فيه وتستكنيص... الدكتور جبهالي صراحه الي بتجيله الجرثومه مبتروحش منه فقط بيتاخد مضادات حيويه تهمدها شويه وكام شهر والتعب يشتغل تاني

المشكله الاكبر ان الكورس العلاجي بتاعها صععععععععععععب وتقيييل جداا. عباره عن مجموعه مضادات حيويه

هبدء للاسف اخد لتالت مره الكورس العلاج النهرده بليل.. ادعولي أستحمل

المهم دكتور ولا حد يكون فاهم يقلي مفيش اي طريقه امنع بيها شعور الغثيان وقلبان المعده الي بيجيلي لما اخد البرشام..

الف سلامة علي حضرتك و ربنا يشفيك و يعافيك
انا لا صيدلي و لا طبيب " انا مهندس كهربا باور :-) "

انا عندي إقتراح لحضرتك بعيد عن الطب و الصيدلة و العلاج التقليدي وانا بكتبه هنا لعله يكون سبب في الشفاء بإذن الله " دا طبعا في حالة ان حضرتك مسلم الديانة"
مع ملاحظة و متابعة طبعا رأي الطب و السادة الاطباء المختصين في الموضوع و دا من باب الاخذ بالاسباب

حاول تعمل عمرة و تزور الحرمين الشريفين و تشرب من ماء زمزم بنية الشفاء و تدعو الله و انت متيقن من الاجابة ان يشفيك مما تشتكي و بإذن الله تعالي سيكتب الله لك الشفاء.

لو حضرتك غير مسلم فكل تمنياتي لحضرتك بالشفاء العاجل و ادعو الله تعالي ان يشفيك و يشفي الجميع



اتمني اني مكنش ازعجت حضرتك بمشاركتي

مرة تاني الف لا بأس علي حضرتك
تحياتي

اقتباس:

---

المشاركة الأصلية كتبت بواسطة mostafabakry

الف سلامة علي حضرتك و ربنا يشفيك و يعافيك
انا لا صيدلي و لا طبيب " انا مهندس كهربا باور :-) "

انا عندي إقتراح لحضرتك بعيد عن الطب و الصيدلة و العلاج التقليدي وانا بكتبه هنا لعله يكون سبب في الشفاء بإذن الله " دا طبعا في حالة ان حضرتك مسلم الديانة"
مع ملاحظة و متابعة طبعا رأي الطب و السادة الاطباء المختصين في الموضوع و دا من باب الاخذ بالاسباب

حاول تعمل عمرة و تزور الحرمين الشريفين و تشرب من ماء زمزم بنية الشفاء و تدعو الله و انت متيقن من الاجابة ان يشفيك مما تشتكي و بإذن الله تعالي سيكتب الله لك الشفاء.

لو حضرتك غير مسلم فكل تمنياتي لحضرتك بالشفاء العاجل و ادعو الله تعالي ان يشفيك و يشفي الجميع



اتمني اني مكنش ازعجت حضرتك بمشاركتي

مرة تاني الف لا بأس علي حضرتك
تحياتي

---

لسة راجع من العمرة بقالى شهر وشربت وانا هناك مية زمزم كتتتتتتتتتير جداا


لما جيت مصر وتعبت كالعادة زعلت جدااا حسيت انى ربنا زعلان منى فى حاجة او انا عامل غلط كبير ومش واخد بالى وانى مش هخف

يارب اكون غلط

وايه سبب هذه البكتيريا .. ازاى بتتنقل ؟

أسأل الله العظيم رب العرض العظيم ان يشفيك شفاءا لا يغادر سقما

الف سلامه عليك. انا بحثت على النت لقيت ان فيه وصفات لاكلات ممكن تشفى من الموضوع ده. مش عارف الكلام ده صحيح ولا لاء وأسأل الله ان يمن عليك بالشفاء

انا مش دكتور (مهندس كهربا)
لكن ده لا يمنع اني ادخل ادعيلك ان ربنا يتم عليك الشفاء والعافية
واصبر واحتسب فعله يكون جبر لبعض التقصير
وتاخد حسنات
الف سلامه
لكل داء دواء ان شاء الله
لو ليك حد قريبك دكتور بره حاول تستشيره يمكن بعت لك حاجه تفرق معاك ان شاء الله

الف سلامة و ربنا يشفيك
اتفق معك في ان من يفتي في الامور الطبية يجب ان يكون متخصص
اشارك بمعلومة حاول ان تسال عنها اهل التخصص
قرات عن (السنا) انه مفيد في مثل تلك الحالة...عن عبد الله بن أم حرام (رضي الله عنه)؛ قال: سمعت رسول الله ﷺ يقول: «عليكم بالسنا والسنُّوت؛ فإن فيهما شفاء من كل داء؛ إلا السام»
و هو ما يعرف في مصر بالسنامكي ...و يباع في امتنان
و يباع في امريكا كبسولات Sena

أسأل الله العظيم رب العرش العظيم ان يشفيك شفاءا لا يغادر سقما

في ناس جربت المستكة :ـ
شوف كده :ـ (منقـــــــــــــــــــــ� �ــــــول )
https://www.facebook.com/groups/8078...3846321351455/

في السنه الماضيه اصيبت صديقتي الرومانيه الدكتوره بيترا --- بجرثومه المعده وجربت العلاج الدوائي ولم تستفد منه لان هذه البكتيريا لها القدرة على العيش والتأقلم بداخل المعدة، ولديها القدرة على حماية نفسها من أي خطر يُداهمها بداخل المعدة، وهي تعيش في الطبقة المُخاطية للمعدة وفي الإثني عشر، وتنغرس تحت الطبقة المُخاطية لتحمي نفسها من أي خطر يُداهمها من العصارة الهاضمة، وتُعتبر سبباً للإصابة بقرحة المعدة،---- وذهبنا انا وصديقتي الى دكتور اخصائي في العلاج الطبيعي ---فوصف لها المستكه والمستكه Mistecca وهي عبارة عن كور صغيره شفافة اللون .
وكما تعتبر المستكة من المواد الصحية التي تستخرج من جذوع الاشجار، وهي عبارة عن فصوص معروفة منذ القدم. -- تطحن المستكه وتعبا في كبسولات فارغه وتاخذ كبسولتين في الصباح مع الاستمرار باستخدام العلاج الدوائي -- وبعد شهر من العلاج شفيت صديقتي والحمد لله -- هل تعلمون احبتي ان اكبر شركه بالعالم لانتاج كبسولات المستكه لعلاج جرثومه المعده يملكها رجل اعمال اسرائيلي -- اين نحن العرب --لماذا لانعرف قيمه ما وهبنا الله من نعم الطبيعه - وبارخص الاثمان --- اتمنى ان نستغل كل ماحولنا من نباتات مفيده بعيدا عن الادويه الكيمياويه ------محبتي لكم -- اختكم رازان
صورة Razan Ahmed.

سبب الجرثومة تناول السجق او اللحوم المصنعة واحساس الطعم المعدنى للدواء يمكن تجنبه بتناول الدواء مع عصير وهذا الطعم من الاعراض الجانبية للفلاجيل او البروتوزول

اقتباس:

---

المشاركة الأصلية كتبت بواسطة يارب سامحني

لسة راجع من العمرة بقالى شهر وشربت وانا هناك مية زمزم كتتتتتتتتتير جداا

---

اولا ربنا يشفيك شفاءا تاما لايغادر سقما .. اللهم امين

و لكل داء دواء الا الهرم .. معنى كده ان لها علاج حتى لو الطب لم يصل اليه الان

اقتباس:

---

لما جيت مصر وتعبت كالعادة زعلت جدااا حسيت انى ربنا زعلان منى فى حاجة او انا عامل غلط كبير ومش واخد بالى وانى مش هخف
يارب اكون غلط

---

يمكن علشان اللعن .. ليس المسلم باللعان و لا بالسباب
و يمكن علشان عدم الرضا بالمرض .. كل واحد بيأخذ نصيبه من التعب و المرض فى الدنيا او غيره من مصائب الدنيا

ان شاء الله تبقى كويس .. على فكره انا عندى مشاكل فى الجهاز الهضمى من يمكن 8 او 9 سنين و الحمد لله مع الوقت بيحصل تحسن شويه .. اول 5 شهور فيهم ما خرجتش بره باب غرفتى نهائيا ( كلام حقيقى و ليس على المجاز )

عموما اشرب عسل نحل اصلى و كل حبه البركه .. موش حتخسر حاجه كلهم فوايد

الف سلامة عليك. القئ و الغثيان سببه تهيج جدار المعدة و علاجه بسيط ان شاء الله , تأخذ مضاد للحموضه بشكل منتظم طوال مدة العلاج بالمضادات الحيوية و العقار اسمه بنتالوك 40 مج حبة واحدة مساء و يفضل على معدة خاوية , وعقار ثانى قرص مرتين فى اليوم ( لا يؤخذ فى حالة وجود بروستاتا كبيرة او مياة زرقاء بالعين "جلوكوما" ) و اسمه سبازمواميريز , و بمشيئة الله الاعراض هتختفى او تقل بنسبة كبيرة جدا و تمنياتى بالصحة

اقتباس:

---

المشاركة الأصلية كتبت بواسطة يارب سامحني

لسة راجع من العمرة بقالى شهر وشربت وانا هناك مية زمزم كتتتتتتتتتير جداا


لما جيت مصر وتعبت كالعادة زعلت جدااا حسيت انى ربنا زعلان منى فى حاجة او انا عامل غلط كبير ومش واخد بالى وانى مش هخف

يارب اكون غلط

---

ما تفكرش كده .. سيدنا ايوب ربنا ابتلاه بالمرض .. هل ربنا كان غاضب عليه ؟؟ طبعا لا

المرض سؤال من اسئله الامتحان فقط لاغير .. و كل لحظه تعب ليك بيها حسنات

أسأل الله العظيم رب العرش العظيم ان يشفيك شفاءا لا يغادر سقما

مش دكنور ولا صيدلي معلش بقي بس لازم ندعي لبعض بظهر الغيب .. ربنا يخفف عنك يارب

الاخ الكريم شفاك الله وعافاك...ممكن تاخد ان شاء اللهclarithro 500 tab وospamox 1gm tabو downprazol 40 cap....كله كل 12 ساعه لمده اسبوعين وبعد كده هتكمل بالdownprazol 40cap لمده شهرين كبسوله يوميا.....وممكنgeveskon شراب معاهم معلقه 3 مرات قبل الاكل.....وادعي الله بالشفاء وانت موقن بالاجابه وخلي عندك ثقه في ربنا واصبروجازاك الله خيرا عن مرضك

دي طريقة أنا مجربتهاش شخصياً بدون روابط
.
""""(((( في السنه الماضيه اصيبت صديقتي الرومانيه الدكتوره بيترا --- بجرثومه المعده وجربت العلاج الدوائي ولم تستفد منه لان هذه البكتيريا لها القدرة على العيش والتأقلم بداخل المعدة، ولديها القدرة على حماية نفسها من أي خطر يُداهمها بداخل المعدة، وهي تعيش في الطبقة المُخاطية للمعدة وفي الإثني عشر، وتنغرس تحت الطبقة المُخاطية لتحمي نفسها من أي خطر يُداهمها من العصارة الهاضمة، وتُعتبر سبباً للإصابة بقرحة المعدة،---- وذهبنا انا وصديقتي الى دكتور اخصائي في العلاج الطبيعي ---فوصف لها المستكه والمستكه Mistecca وهي عبارة عن كور صغيره شفافة اللون .
وكما تعتبر المستكة من المواد الصحية التي تستخرج من جذوع الاشجار، وهي عبارة عن فصوص معروفة منذ القدم. -- تطحن المستكه وتعبا في كبسولات فارغه وتاخذ كبسولتين في الصباح مع الاستمرار باستخدام العلاج الدوائي -- وبعد شهر من العلاج شفيت صديقتي والحمد لله -- هل تعلمون احبتي ان اكبر شركه بالعالم لانتاج كبسولات المستكه لعلاج جرثومه المعده يملكها رجل اعمال اسرائيلي -- اين نحن العرب --لماذا لانعرف قيمه ما وهبنا الله من نعم الطبيعه - وبارخص الاثمان --- اتمنى ان نستغل كل ماحولنا من نباتات مفيده بعيدا عن الادويه الكيمياويه ------محبتي لكم -- اختكم رازان Razan Ahmed. """"""")))))))


ـ

شفاك الله و عافاك . اسأل الله العظيم رب العرش العظيم ان يشفيك.
H. pylori تسبب التهاب جدار المعدة او الاسوأ قرحة المعدة . و ان شاء الله لها علاج . نوعين من الantibiotics مع بعض مع مضاد للحموضة مثل Nexium لتعمل ال antibiotics بكفاءه . بتاخده الكورس ده وقت معين يحدده الطبيب و ممكن مثل ما قلت تعيد الكرة لكن ان شاء الله مش علي طول يعني بعده بتحلل تاني الاول و تشوف لو محتاج العلاج تاني. المهم ان اخيرا تم تشخيص مرضك.

انا برضو عندى غثيان ووجع فى البطن على طول وبجرب القرفه والجنزبيل قريت انهم مفيديين فى الحالات دى

اتذكر ان هذه الجرثومة من الاشياء المنتشرة والقلق الشديد منها غير مطلوب - غير متأكد من هذه المعلومة -
بعض المقالات تقول أن نصف سكان الأرض مصاب بها
فهل هذه الجرثومة هي المسببة لما أنت فيه ؟
أنت في مصر وأغلبية الأطباء لا تجيد التشخيص إطلاقا ويعتمدون على التحاليل الغير الموثوق في نتائجها
ثم يؤكدون لك أن التحليل يقول أنك مصاب بجرثومة ما وهي السبب لما أنت فيه

انصحك باستشارة طبيب أفضل - خليك في الاطباء كبيرة السن اللي هم أعلام في مهنة الطب -
بإذن الله بيكون عارف وبكل سهولة ممكن يقولك انسى موضوع الجرثومة ده

التشخيص السليم هو بداية العلاج الصحيح إن شاء الله

اقتباس:

---

المشاركة الأصلية كتبت بواسطة 3abdo.it

شهر 2 ... 2011
حتي شهر 2...2016

تميت 4 سنين بالتمام والكمال في تعب الزفت المعده الي عندي واللف ع الدكاتره.. الصبح ترجيع واسهال ومعظمكم عارف انا كاتب مواضيع قبل كدا كتير

المهم اخر وصف اتوصفلي من. سنه ونص بعد شويه مناظير وعيانات حلوه من المعده. ان عندي حاجه بنت ستين كلب اسمها اتش بلوري.. او البكتريا الحلزونيه

https://encrypted-tbn3.gstatic.com/i...l5OaHdkBnLkTsw
لعنه الله عليها وربنا يكون في عون الي عنده... باختصار هيا جرثومه مبتتاثرش بالعصاره الهضميه لا وبتعمل العصاره دي مكان تعيش فيه وتستكنيص... الدكتور جبهالي صراحه الي بتجيله الجرثومه مبتروحش منه فقط بيتاخد مضادات حيويه تهمدها شويه وكام شهر والتعب يشتغل تاني

المشكله الاكبر ان الكورس العلاجي بتاعها صععععععععععععب وتقيييل جداا. عباره عن مجموعه مضادات حيويه

هبدء للاسف اخد لتالت مره الكورس العلاج النهرده بليل.. ادعولي أستحمل

المهم دكتور ولا حد يكون فاهم يقلي مفيش اي طريقه امنع بيها شعور الغثيان وقلبان المعده الي بيجيلي لما اخد البرشام..

---

الثوم

الف سلامة لحضرتك وان شاء الله مفيش حاجة مالهاش علاج اما المضادات الحيوية لها اثار جانبيه وبتهد في حاجة تانية ارجوا ان تبحث في العلاج من الحاجات الطبيعية زي الثوم والعسل وحبة البركة والبصل ويوجد كتب للعلاج بهم
اتمني لحضرتك الشفاء العاجل

ربنا يعافيك ويعفوا عنك

الف سلامة