معدل استهلاك البنزين فى الافيو ....اصدق مين ؟؟

**space_life80** · 26-11-2008 11:54 AM

اهلا يا جماعة

انا بفكر اشترى افيو

بس معدل استهلاك البنزين مقلقنى شوية

قريت ان ال 45 لتر بتعمل 775 كيلو متر و ده رقم ممتاز جدا

بس ناس تانية بتقول العكس...ان معدل الاستهلاك عالى جدا

و ناس قالت ان فى البطاقة الفنية للسيارة, الصفيحة بتعمل 170 كم بس؟؟؟

اصدق مين؟

يا ريت اللى جربها يقول

**محمد ابراهيم 1** · 26-11-2008 12:10 PM

هى موتورها نفس موتور اللانوس وإستهلاك البنزين بتاع اللانوس مرتفع ومبيوصلش ل 200 كم فى الصفيحه نهائيا ومع السرعات بيزيد الإستهلاك

**Asadek** · 26-11-2008 12:39 PM

واضح يا جماعة إن الشيفرولية معدل إستهلاكها مرتفع عن مثيلاتها في نفس الفئات
انا عندي شيفرولية سبارك والمعدل بتاعها بصراحة مش كويس بالمقارنة بالسعة اللترية القليلة 1000cc

**space_life80** · 26-11-2008 01:34 PM

بس اللانوس معدل استهلاكها معقول جدا

بيوصل لحد 230 كم فى الصفيحة

**hulk** · 26-11-2008 02:16 PM

انا هكلم عن تجربتى القليلة مع الافيو انا جايبها من 3 شهور !
وانا طلعت مشوار 120 كيلو وحسبت استهلاكها للبنزبن لانى كنت مفول قبل ما اطلع ولما رجعت فولت تانى ع طول .. وكان الاستهلاك 13 لتر ف ال 120 كيلو ..
مش عارف بقى دة يبقى كويس ولا وحش لانى اعزرونى يا جماعة خبراتى قليلة ف العربيات ودى اول عربية اركبها ف حياتى وحبيت اقول رأى الموتواضع هناا..
بس كمان انا بشتكى من العفشة الناشفة جداااا وارتفاع rbmفى بعض الاحيان بس عموما انا مرتاح ومفيش مشاكل تانية .. واسف للاطالة

**احمد عز** · 26-11-2008 02:24 PM

معدل استلهلاك العربيه كويس جدا بالمقارنه بالعربيات الى من فئاتها وانا عن نفسى العربيه مريحه جدا ومفهاش مشاكل كتير

**hazem76kd** · 26-11-2008 02:40 PM

معدلها ممتاز انا علطول بسافر مسافات طويلة والحم لله جميله جداً وإقتصادية جداً

**space_life80** · 26-11-2008 02:45 PM

بدات اقلق من الافيو خصوصا لما قريت عن مشاكل كتير حصلت مع الناس اللى جربتها فى المنتدى هنا

شكلى كده هاجيب فيرنا و امرى لله

**hazem76kd** · 26-11-2008 02:54 PM

فيرنا منشره فى التاكسى كتير جداً خليك مميز والرأى الأخير يرجعلك الأثنين حلوين بس لو هتجيب فيرنا هات فيفا أحسن

**patshi** · 26-11-2008 03:20 PM

معدل استهلاك البنزين معايا كان عالي اول لما جيبتها و فولتها اول مره الصفيحه عملت معايا 180 كيلو .. لكن بعد تاني تفويله البنزين اتظبط خالص و بقي تمام و المعدل للتر الواحد زاد بس لسه مقدرشي اقولك المعدل حاليا.. و رايي للي عايز يشتري فيرنا انته كده مخرجتش من موضوع البنزين يعني انته لسه نفس الحوار معاك في العربيه دي و استهلاكها قريب جدا من الافيو .