ياجماعه التهديد بقى عينى عينك بيقولى انا مش هاشيل عربيات واللى هايتكلم هاضربه بالنار والجيران طبعا معاه عشان مصلحتهم يركنوا بجد انا زهقت وبفكر ارميلوا حاجه على العربيه
عرض للطباعة
ياجماعه التهديد بقى عينى عينك بيقولى انا مش هاشيل عربيات واللى هايتكلم هاضربه بالنار والجيران طبعا معاه عشان مصلحتهم يركنوا بجد انا زهقت وبفكر ارميلوا حاجه على العربيه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
شوف انا عايز حضرتك تستبعد تماما إنك تعمله محضر أو تشتكيه في اى مكان ، لأن ببساطة الكلام ده مش في مصر ، لإن مصر مش بلد قانون ، لكن الحل إنك تجيب طوب من الكبير ال بيتشال بصعوبة وتحطلك 3 او اربع احجار على الرصيف ، طبعا هتقولي ماهو هيشلهم ، هيشيلهم لكن بصعوبة لأنهم هيكونو تقال اوي ، بس هنفترض إنه هيشلهم ، إرجع حطهم تاني ، وصدقني مش هيعدي إسبوع وهيزهق ، لإنه كل ما هيجي هيضطر ينزل ويشيل ، عملية متعبة عليه وهيهزهق وهيركن في مكان تاني ، وانت خلي نفسك طويل ومتنساش تدعيلي :d
انا شايف انك تشتكيه فى وزارة الدفاع نفسها
هو راكن قدام بيتك ازاى؟ يعني قدام فتحة الجراج؟ ولا فوق انهى رصيف؟ وانتى بتعلي الرصيف ازاي؟ ولا انتى باني رصيف مش بتاعك؟
هو مفيش حاجة اسمها قدام بيتك تبقى ملكك، دى ملكية عامة. لازم تبقى واضح عشان نعرف بس انت ليك حق ولا ملكش حق عشان لما تروح تشتكي تتكلم بقلب جامد.
ثانيا انت ممكن تشتكي وتعمل مشاكل ليه، هو ممكن مش هيعملوله حاجة قوي بس هو هيخاف على ترقيته قدام لأن الشكاوي الكتير بتأثر. وهو هيجيب ورا. بس لازم يكون انت معاك حق. وقانوني ... مش عشان قدام بيتك يبقى ملكك. انت مالك الارض فقط.
فياريت بالرسم كده توضح عشان نشوف المشكلة ونقدر نساعدك صح في حلها.
قدم شكوى في الامانة العامة ...دي اللي مختصة بشكوة المواطنين ضد العسكرين ..والرد بيكون خلال اسبوع ..ولو شافوا ان الشكوى مقنعة ..بيتعملوا استدعاء وتحقيق ..وبيتواصلوا معاك
ملاحظة : الامانه العامة قراراتها اعلى من ادارة شؤون ظباط وشؤون عسكرين وتحريات عسكرية وشرطة عسكرية ...
اظن انه بيستغل خوفكم منه وصوته العالي
الاكيد انه اللي ها يخاف منكم مش العكس
لائنه ممنوع يتصادم مع مدنين
استعملوا معاه الصوت العالي والزعيق
واللي عنده يعمله
اما حكايه ضرب النار واستعمال السلاح
هايفكر مليون مره قبل يحوال يخرج الطبنجه من الجراب
وفيها مشكله كبيىره عليه لو استعمله في شجار مع مدنين
الموضوع عايز جموديه قلب منكم
وتهديده بائنكم هاتشتكوه
وللعلم دا مش ضابط عامل دا ضابط فني خريج معهد فني
يعني درجه ثانيه من الضباط واخره الترقيه الجايه عقيد وهايخرج معاش
الامانة العامة بالعباسية
اولا شكرا لردكم
لا انا باب بيتى قدامه متر رصيف نفس ارتفاع الشارع يعنى حضرتك افتح باب البيت الاقى قدامى عربيه لازم صاحبها يشيلها عشان اخرج من بيتنا
وجنب البيت فى دكانتين نفس المشكله فانا قررت اعلى بالرصيف ١٠ سم عشان ادخل بيتى براحتى