الموضوع: ازاى اقدم شكوى فى مقدم قوات جويه شوروا عليا

حقولك علي الخلاصة...
العائلة عندي معظمها ضباط جيش وبعضهم ضباط شرطة والمواقف دي شوفناها كتير.

بالنسبة للركنة فوق الرصيف فلا يمكنك فعل شيئ بخصوصها لأن القانون المدني لا يسري علي العسكريين إلا إذا تم تحويله من النيابة العامة إلي النيابة العسكرية وطبعا علشان يتحول للنيابة العامة لازم محضر وإثبات حالة وقضية ودا مش حيحصل لأن أي ضابط شرطة مدني مهما كانت رتبته حيعرف إنه رجل عسكري حيمشي دا لو مهعملكش أنت فضية مجاملة له.

أنت ممكن تشتكيه في أنه حاول يهددك بالسلاح الميري لكن لابد من وجود شهود, وأقصد بالشهود مش الي انت حتجيبهم لا. الموضوع لو مشي ميري هما حيعملوا تحريات وحيسألوا منغير ما أنت تعرف. بس هل تضمن إن إلي حيسألوهم حيشهدوا لصالحك؟
لو حيشهدوا لصالحك هو حيتحول للشئون القانونية وحيتضر في عمله بس برضو أنت مش حتعرف حاجة.

أما من وجهة نظر أخرى هو بنسبة 95% حيعرف إنك أنت إلي إشتكيته. وساعتها لو هو مش محترم مش حيسيبك في حالك. وأنت عارف طبعا المقولة المشهورة إلي قالت: (مفيش ضابط يقتل حد ويتحاكم) .. وأدينا شايفين أمناء الشرطة المدنية بيقتلوا ويضربوا العشرات ومحدش فيهم حتى بياخد لفت نظر. مابالك الضباط العسكريين....
إلي أقصده الدخول في مواجهة معاه مش لصالحك اليومين دول. ممكن لو قيل 2013 أقولك إشتكيه وحيطلع عينة. لكن الواقتي حاول تسوي أمورك معاه.

بعيدا تماما عن السياسه الى كلو هيدخلك فيها محضر فى القسم عادى جدا و متخافش من حاجه و من حد صدقنى صدقنى هو يخاف ان اى شوشره توصل شغله فى اى شىء

اكيد لكل مشكلة حل , المهم انه ممكن يكون متعب و مكلف , بس هتأخذ حقك فى النهاية , بالنسبة للمواطن المدنى موقفه بيكون اضعف كتير لما يكون الموضوع مناوشات و صوت عالى فى الشارع الخ, انما فى حالة تصعيد الموقف و وصول الحكاية لمحكمة و ومحامى الخ بيكون الضابط هنا فى موقف اضعف بكثير , لأن هناك لجنة تسمى لجنة التقاعد و الايداع و وجود اوراق محكمة فى ملف الضابط بتأثر جدا فى حركة الترقيات و ممكن تصل الى حد الايداع من الخدمة , و دى احد اسباب ان امناء الشرطة مش بتهتم بالموضوع ده علشان الحكاية دى مش مهمة عندهم زى الضباط , نرجع للموضوع, الكلام اللى فات كله من الناحية النظرية , انما فى الواقع انتم جيران و اكيد الضابط له حد كبير يحترمه و بما ان مينفعش تتعمل قضية علشان ركنة عربية أفضل الذهاب لكبيره ( والده , عمه الخ) و تكلمه من باب الجيرة و حل المحاكم فده ممكن طبعا بس صعب شوية

مفيش حاتم بيتحاكم.. فما بالك بالكبير بتاع حاتم