بص حضرتك بالرغم ان مليش سابق خبره في موضوع زي كده بس يا ريت لو حضرتك توسط حد في الحل والصلح بينكم لان ألجيره ليها تمن حتى لو جارك مش مراعي الجيره،،،
مينفعش تعمل كده يبقي حضرتك حتحتاج تروح لمحامي متخصص في أمور القضايا العسكرية أكيد حيدلك علي اول الطريق او تروح مقر الشرطه العسكرية وتدخل علي اي ظابط هناك وتبدأ تتكلم معاه بدون انفعال او تجاوز وتحكي اللي حصل وأنك خايف الموضوع يكبر وغالبا هتلاقي الموضوع بيتحل من هناك لان كل مؤسسه في الدوله بتلاقي ليها جهه للشكاوى "مع اختلاف استجابه كل جهه وتفاعلهارمع الشكاوى المقدمة"
وبالتالي حضرتك اتمسك بأنك تعمل شكوى وشوف حيحصل آيه لو ملقتش استجابه تبدأ تصعد الموضوع ومستمعش لحد يقولك انسي ومش حتاخد حاجه محاولتك لوحدها حتريح ضميرك تجاه الموضوع وبعد متقدم الشكوى لو لقيت انك محتاج توقف تصعيد لاى سبب فالموضوع حيبقي في إيدك
بس يا ريت حاول تحل الموضوع الاول بعيدا عن الشكاوى بالحوار او بتدخل اي حد من طرفك وبدون انفعال او بعمل حل وسط يرضي الطرفين ويكون بتضحية كل طرف بجزء من الحاجه اللي هو شايفها حقه مراعاة لحق الجار ليس إلا .
ربنا معاك وان شاء الله الموضوع يخلص علي خير
تحياتى.
المفضلات