محتاج مشورة ضروري في عرض سفر للأمارات
السلام عليكم
محتاج مشورتكم يا جماعة في موضوع فياريت ذوي الخبرة يفيدوني
انا بشتغل مهندس حاليا في اكبر شركة في مجالها في مصر ومرتبي في رينج 6 الاف وخبرتي فيها حوالي 4 سنين، ومؤخرا جالي اوفر في شركة اماراتية في الشارقة في نفس المجال بتاعي ونفس البوزيشن بمرتب 5000 درهم اساسي + بدل السكن والمواصلات.
اللي عايز يمشيني من مكاني اني حاسس اني مبضفش ولا بتعلم جديد زائد انه وقع عليه ظلم في حاجات خاصة بترقيات وماشابه زائد اني قرفان من البلد قرف بلا حدود وحالة اكتئاب من اللي بيحصل ومن وقف الحال وزيادة اسعار وتضخم اللي بيلتهم الأخضر واليابس بالأضافة للمستقبل المظلم.
فعايز من ذوي الخبرة النصيحة اذا كان المرتب ده ينفع يتحوش منه هناك ولا كله هيتصرف مع العلم اني عارف انه قليل بالنسبة لخبرتي ولرينج المرتبات هناك، بس انا عندي امل في بكرة ..
شكرا