غيرت سير كاتينة + بليةكاتينة + سير دينامو فى التوكيل
عربية لوجان الشكل القديم موديل 2010 مانيوال
اشريتها نوفمبر 2009
اول مرة اغير سير كاتينة من ساعة ما اشتريتها
طقم الكاتينة ما عملش 27 الف كيلو متر لأنى تقرييا مش باستعمل العربية الا فى مشاوير بسيطة
هو توصيات التوكيل انه يتم تغييره بعد 3 سنوات او 60 الف كيلو ايهما اقرب
لكن تقريبا انا كده قعدت بالسير الاصلى 6 سنوات وشهرين بالظبط وده بناء على تاكيدات من قريبى - ميكانيكى كبير فى السن - انى اسيبنى من الكلام ده وحتى لغاية ما غيرته فى التوكيل هو كان عمال يقولى ما تغيرش وعلى مسؤليتى
السير طالع شكله كويس ومش متأكل ولا مشقق ولما ورتهوله قالى كان يقعد كمان سنة مستريج
الكلام ده مش هيعجب ناس كتير
لانى معظم توصيات المصنعين بتقول ان الكاوتش الى معمول منه السير بيفقد خواصه بعد فترة وبيصبح عرضة للتشقق والقطع ولازم تغير بعد 3 سنوات وفى مصنعين بيوصوا باربعة واكتر رقم سمعته على السير الكاوتش كان 5 سنوات الا شوية فى الدايو
انا عارف الكلام ده بس باحكى الى حصل وأنا المرة الجاية إن شاء الله مش هاستنى الفترة ديه
غيرت طقم كاتينة (سير كاتيتة + بلية كاتينة ) +سير دينامو + مصنعية تركيب
التكلفة 1290 جنيه للماتور الى نازل ببليه حديد
لو الماتور نازل بالبلية الفيبر بيزيد حوالى 100 جنيه
هما فى التوكيل بيصبوا على الماتور بمجرد فتح الكابوت بيعرفوا البلية من الفيبر ولا الحديد
الى بتركب جديدة فى الحالتين فىير
ضمان سنة طبعا وبتاخذ العربية بعد 5 ساعات تقريبا
الكلام فى نص يناير 2016 مش عارف اليومين دول تاثير رفع سعر الدولار وزيادة الجمارك هيغلفى شوية ولا لأ