دواسة دبرياج الماروتي فصلت وأنا سايق العربية

**zooma783** · 25-02-2016 06:50 PM

كنت سايق العربية على طريق البحر في اسكندرية ، والطريق كان زحمة وفجأة سمعت صوت تكة (كأن سوستة فلتت من مكانها) مرتين متتاليتين ، وفجأة دواسة الدبرياج بقت مياه ومبتفصلش الجيربوكس ، الحمد لله كنت على الأول لأن الطريق كان زحمة ، بصيت على سلك الدبرياج لقيته مريح والجزء المعدني للسلك باين (يعني خارج بره الجراب الأسود شوية) حاولت أربط الصامولة اللي ماسكة في دراع الموتور ولكن هيهات ولا حياة لمن تنادي ، جالي ميكانيكيي وبص على العربية وقاللي إن بلية الدبرياج إتكسرت وصوت التكتكة ده كان صوت تكسير البلية ، يرجى الإفادة بالحل لأن غداً الجمعة ومش عارف أعمل إيه في العربية !!!!!

**ahmed.biso13** · 25-02-2016 09:04 PM

روح لميكانيكى اخر يمكن يكون سلك دبرياج قطع
اذا قالك نفس العيب الحل ان يفك وتبص على الديسك والفلام بالمرة اذا كان متاكل وعاوز يتغير
ونصيحة لما تفك الماتور او الفتيس او العفشةاعمل الحاجة اللى قربت تستهلك بالمرة حتى لاتفكها مرة اخرى وعطلة وطابور الصنياعية

**zooma783** · 25-02-2016 09:58 PM

شكراً للنصيحة، أنا هروح التوكيل وأكشف على كل الأجزاء الميكانيكية بالمرة لأن العداد عامل 91,000 وآخر صيانة كانت 80,000

**zooma783** · 26-02-2016 06:29 PM

أنا فعلا نزلت بعد صلاة الجمعة وشديت سلك الدبرياج ولقيته اتقطع علشان هوة كان مشعر علىفردة واحدة (السلك دفيرة) وبالفعل اشتريت سلك دبرياج ياباني بـ 70 جنيه ، وغيرته بنفسي (أينعم دوخني شوية بسبب ضيق المساحة داخل الكبويت وأيضاً تركيبه في دواسة الدبرياج (الشوكة) وأيضاً علشان أضبط علو الدواسة مع فصل وتعشيق الجيربوكس، ولكن الحمد لله تمت بنجاح.
شكراً للمساعدة