عرض للطباعة
السلام عليكم
استشاره من خبراء اللوجان
انا حاليا مسافر و برجع حوالي شهرين في السنه متقطعين ( اقصي مده 3 اسابيع )
العربيه راكنها في جرج و اخويا بيدورها كل شهر نص ساعه عشان بيقلي كبس المتور و الكوتش
السوال دلوقت العربيه عامله حوالي 11 الف كيلو و عدي سنتين و نص .. اعمل ايه في الصيانات هل التزم زي التوكيل بالضبط (الجدول المرفق ) ولا اشتغل و اركز كيلومترات فقط ؟
السوال التاني هل التوكيل بيكمل في الصيانات بعد مده الضمان ولا الموضوع بيمشي ازاي ؟
الف شكر .
لو خرجت من الضمان كمل انصحك تكمل مع التوكيل او مركز صيانة معتمد للتوكيل زي فرينش موتورز و للعلم فيه خصم لاعضاء نايل موتورز في فرينش موتورز
بالنسبة الصيانة امشي مع جدول الصيانات في المدة لان فيه قطع بتتغير بالوقت مش شرط كيلومترات
لو حضرتك مطول فى السفر بيع العربية افضل و اشترى عربية تانية لما تنزل
الكاوتش كده حيبوظ كل شوية وحتحتاج تغيرة و زيوت وسيور كل فترة علشان الركنة غلط على الكاوتش . بمعنى اصح اى كاوتش او سير مش بيتحرك بيفسد اسرع من الكاوتش او السير المتحرك
للاسف خيار البيع ده مش موجود لانها لسه عليها اقساط .. هو السيور بتتغير كل اد ايه ؟
هو ينفع اتابع مع التوكيل بعد الضمان ما يخلص ؟ طب يا تري بيخدو بالهم من الحاجت زي السيور و الخراطيم و خلافه ؟
شكرا .
بص ياعمنا أنا خلصت الصمان و لسه بأعمل الصيانة في التوكيل
بالنسبة للحاجات اللى حتتغير كل سنة بصرف النظر عن الأستهلاك (الكيلومترات ) في السنة بتغير زيت و فلتر وبوجيهات
كل ثلاث سنوات بتغير مع الحاجات اللى بتتغير كل سنة سير الكاتينة بالبلية و السير الأساسى و بيتم الكشف على طرمبة المياه بص خلاص و كل ثلاث سنوات بيدولك شهادة جودة و دى ليها ثمنها في حالة أعادة البيع