-
استشارة لاعضاء المنتدى
السلام عليكم
اريد شراء سيارة مستعملة فى حدود 70000 كحد اقصى للقيمة
واريد ترشيحاتكم بحكم خبرتكم فى مجال السيارات
مع العلم انى معايا بيجو 405 ولكنى تعبت من كثرة زيارة الميكانيكى والصيانة والاعطال المتكررة
ومشوار شغلى طويل (حوالى 80 كم) لليوم
ويفضل لو تكون اوتوماتيك لزوم زحمة الدايرى
واسف للاطالة وشكرا
-
خليك فى اليابانى احسن .. صنى او لانسر كويسين .. ممكن تضعهم فى اعتبارك بجانب الاختيارات الاخرى
فيه عربيه برضه حلوه .. و سعرها مستريح لو لقيتها .. رينو سكالا هى نيسان صنى الكورى
-
تسلم ياباشا على الاهتمام
طيب انا بفكر فى عربيتين وعايز ترشيحاتكم :
1 - دايو نوبيرا اوتوماتيك 1600 cc ( موديلات 2005 - 2006 - 2007 )
2 - اسبرانزا تيجو اوتوماتيك 2000 cc (موديلات 2009 - 2010)
والاثنين سعرهم متقتارب
-
النوبيرا فيها مشاكل في الفتيس الاوتوماتيك ابعد عنها
لو كده اركب التيجو
-
التيجو موتور 2000 .. الاول تسأل عن معدل استهلاك البنزين .. علشان ال 2000 ممكن تزعلك فى البنزين وسط البلد
انا معايا اسبرانزا 620 موتور 2000 .. و استهلاكها عالى وسط البلد و كويس على الطوالى
-
يا جماعة لو سمحتو انا معايا مكواه 2001 ومريحاني جدا بس كنت عاوز اشتري العلامة بتاعة اللانسر اللي قدام في الشبكة وبدور عليها مش لاقيها ممكن حد يفيدني ولا لازم اغير الشبكة كلها علشان العلامة
شكرا
-
النوبيرا الاوتوماتيك فعلا فى ناس اشتكت من الاوتوماتيك .. و ده عيب معروف فى النوبيرا
بس فى المنتدى هنا اكثر من عضو كان بيتكلم فى الموضوع ده .. و حسب كلامهم ان الفتيس الاوتوماتيك ( الاوروبى ) للنوبيرا كويس و مفيهوش مشاكل !! و ثمنه كويس استعمال .. فتقدر تستفسر عن الموضوع ده او تقرأ عنه
-
تسلمو يا رجالة والف شكر عالاهتمام
Content Relevant URLs by
vBSEO 3.6.0 PL2