هي سيراتو اول فئة اوتو كمالياتها ايه
وهل فيها abs
تم تعديل العنوان
م.ع 7
عرض للطباعة
هي سيراتو اول فئة اوتو كمالياتها ايه
وهل فيها abs
تم تعديل العنوان
م.ع 7
طبعا
ما أنصحكش بيها للأسف... لإن أول فئة مافيهاش حاجة كتير..
أولا: شكل العربية من برة:
طبعا الجنوط حديد + طاسات
مفيهاش لمبات الشبورة
مفيهاش كشافات ليدات
مفيهاش النيكل اللي على الأبواب من فوق
مفيهاش مقابض ولا مرايات بلون العربية
مفيهاش لمبات الإشارة في المرايات
مفيهاش دلايات للعجل
الشبكة الأمامية شكلها مختلف.
ثانيا : داخل السيارة
الفرش مستواه أقل.. بس مقبول.
الكنبة الخلفية بدائية جدا: ظهر الكنبة الخلفية مش بينزل - مفيش مخدع في النص في الكنبة الخلفية - مساند الراس ثابت ومش بتتحرك.
مفيهاش جراب للنظارة في السقف.. ولا لمبات القراءة اللي جنبها.
مفيهاش فتحات التكييف الخلفية
مفيهاش فتحات الدفاية تحت الكراسي!!!!!!!!!!!!!!
مفيهاش بطانة موكيت في غطاء الشنطة من فوق
مفيهاش التويترات اللي في التابلوه من فوق
شكل البلاستيك حوالين فتحات التكييف الوسطانية سادة.. مش بشكل الفايبر كربون زي الفئات العالية..
كسوة العدادات من فوق بولي يوريثان عادي... مش جلد متخيط..
طارة الدركسيون بولي يوريثان عادي.. مش مكسي جلد
ثالثا: وسائل تسهيل القيادة
مفيهاش مثبت سرعة
مفيهاش طارة متعددة الوظائف (ملتي فنكشن)
البلوتوث بيشغل مكالمات الموبايل بس.. إنما الفئات اللي بعد كده بيشغل الميديا والأغاني اللي على موبايلك
العدادات شكلها مختلف عن الفئات اللي بعد كده بالذات الشاشة الوسطية.. بس بتديك معلومات كويسة.
مفيهاش ريموت.. وتعرفها من شنطة العربية.. هتلاقي فيها طبلة للمفتاح.. اللي بالريموت مفيهاش طبلة في الشنطة.
رابعا : الأمان
الخليجي أول فئة وتاني فئة ما فيهاش abs
الإيرباج واحد بس للسواق
الكماليات اللي فيها:
زجاج كهرباء للأربع أبواب
راديو وcd و mp3 + 4 سماعات كويسين
تكييف (عادي مش تتش)
فتيس أوتوماتيك 6-سرعات ستيبترونيك
طارة الدركسيون قابلة للضبط لفوق وتحت... وكمان جوه وبرة (تلسكوبية)
لو تقدر تزود وتجيب الفئة قبل الأخيرة.. كده تبقى راكب عربية جميلة مدلعاك صح.. وفيها أمان أعلى.
...
الاخ بوريو جاب الكلام من الاخر بس دلوقتى موديلات 2016 شفتهم فى ابورواش كلهم فيها شبوره وabs والباقى كل كلامك صحيح واتفق معاك وزياده كمان تقبل مرورى