الموضوع: أسعار كيا سبورتاج الجديده 2017

المشاركة الأصلية كتبت بواسطة besso

ايه اللي يخليني ادفع المبلغ ده كله حتي لو gt يعني

السعر طبعا عالى جدا ومحدش هايجيب العربيه دى الا قليلين جدا ، لازم يكون حابب العربيه اوى وحابب الرفاهيه والتميز ومش فارق معاه لا السعر ولا المنافسين

المشاركة الأصلية كتبت بواسطة No Comment

355 الف ...!
اللى يخلينى أدفع 355 الف فى سبورتاج 177 حصان كما يقال يخلينى اشترى حاجة من 2
1- ازود 25 الف واشترى أودى q3 بـ 380 الف و 150 حصان
2- اوفر 12 الف واشترى فورد كوجا تيتانيوم بـ 343 الف و 180 حصان
حتى وإن كانوا الـ 2 جر امامى :)

مظبوط ياكبير وفى كمان X1

والكوجا دفع رباعى وال Q3 برضه اعتقد رباعى ، ال X1 هي اللى امامى

المشاركة الأصلية كتبت بواسطة عادل حسن على

مواصفات الأمان ايه وكام ايرباج؟؟؟؟

كل الفئات ABS واتنين AirBags ، فئة الهاى لاين فيها ESP و DBC و Hac ، ال GT فيها 6 إيرباج

المشاركة الأصلية كتبت بواسطة Colin Chapman

علمت مصادر في ” نايل موتورز ” بوصول الجيل الجديد من سيارة سوزوكي فيتارا إلى مصر استعدادا لتسويقه محلياً خلال الفترة المقبلة وسيتم طرح سيارة سوزوكي فيتارا الجديدة بفئة واحدة من التجهيزات.
Maruti Vitara Brezza


سيارة سوزوكي فيتارا الجديدة من فئة SUV تأتي مزودة بمحرك رباعي الأسطوانات سعة 1.6 لتر بقوة 120 حصان قادر على توليد عزم يُقدر بـ 156 نيوتن/متر عند وصول عدد دورات المحرك إلى 4400 دورة في الدقيقة. ويتصل بمحرك السيارة ناقل حركة يدوي واوتوماتيك ” ستيب ترونيك ” سداسي السرعات.


تأتى السيارة بالعديد من الكماليات الرائعة ومنها، المصابيح الأمامية والخلفية من نوع LED ، وفرامل مانعة للانزلاق وكراسى من الجلد المقوى وسنوافيكم بالمزيد من التفاصيل عن التجهيزات فور توفر معلومات جديدة عنها.

ستطرح بأسعار تقريبية قد تصل الي 210 الف جنيه.

حضرتك عارف الفيتارا دى أد إيه ؟

وبتتقفل فين وتمنها كام بره ؟

دا ال S-Cross الأكبر منها وفئه أعلى منها وسعرها أغلى منها فى المجر كانت ب 170 الف ومحدش بيشتريها ، مش عارف توكيل سوزوكى دا بيفكر ازاى

الفيتارا دى عربيه لعبه بالنسبه للسبورتاج ، الكيا سول والكريتا أفضل منها وماتستاهلش 210 الف نهائي

المشاركة الأصلية كتبت بواسطة Omar Sarray

سبورتاج اعلا فئه الى فيها 6 ايرباجات شوف الدناوه بتاعت الشركات مخليين اقل فئه فاضيه ولا فيها ايرباج غير 2 قدام ويخلوك محتار ويقولك لو عاوز اشترى اعلا فئه عشان فيها انظمه امان كتير و6 ايرباج طب هوا مش كل ناس عندهم 350 الف عشان اتمتع ببعض مزايا العربيه والباقى الفئات مفهمش ليه يعنى لا يعم الكورى فى مصر بقى يضرب يجدعان بلاسعار اول مره وبعدين بلكماليات الى الشركه بتطلبهاع لىاساس سعر ينزل طب فين السعر بينزل ده بيزيد اكتر من اودى واوبل كمان وبعدين اسعار خياليه او 4 فئات مفهمش غير 2 ايرباج وabs امامى الا لازم تشترى اعلا فئه عشان فيها ايرباج كتير وesp abs لنا الله يامصر انا مش عارف ليه الشركات الكوريه واليابانيه فى مصر بقو بيعملو فينا كده بيعمول حاجات غريبه اوى

دى مشكلة كل العربيات الكوريه واليابانيه وحتى الأوروبيه الرخيصه ، يعنى بإستثناء البى ام والمرسيدس والفئه دى من العربيات نادرا ما تلاقى عربيه فيها 6 ايرباج حتى لو أعلى فئه

وحتى في دول الخليج بيشتكوا نفس الشكوى مش بس مصر