معلهش يا جماعة اغفرولي جهلي. بس انا مش عارف الأستاذ car_lover يقصد سير ايه بالضبط
عرض للطباعة
معلهش يا جماعة اغفرولي جهلي. بس انا مش عارف الأستاذ car_lover يقصد سير ايه بالضبط
جايز يقصد طلمبة البنزين على سير مش عارف
الحمد لله الصوت راح طلع سير الدينامو عايز يتشد شويه
صوت الصفاره اللى بيظهر عند التدوير او عند الضغط على الاكسليتير واحيانا يظهر واحيانا يختفى و بيظهر عموما مع كل غيار خصوصا الاول والتانى و اللى يسمعه يفكرك طالع امريكانى ده من سير الدينامو........ مجرد شده او تغيره بيروح الصوت بس من الكلام انه بيرجع تانى مهما عملت...... بس هى حاجه عادية وانا عندى الصوت ده ومحاولتش اعمله ولا مره
دي تاني عربية لادا أركبها ، ومن تجربتي معاها هي عربية بحالات ، يعني لو فيها حاجة النهاردة مضايقاك بعد كذا يوم تلاقيها اختفت من نفسها وصلحت نفسها، موضوع الصفارة دي معايا من أول ما اشتريت العربية ، وسألت العفشجي فمعرفش مصدره بالظبط ، وطالما ما فيش منه خطورة فأنا طنشته تماما، وغيرت سير الدينامو بعد ما اتقطع مني على الطريق وغيرت طلمبة البنزين لأن القديمة كانت بتسرب وبرده الصوت ما راحش، فأنا باعتبر الأصوات دي وغيرها نوع من المؤثرات الصوتية المثيرة للانتباه وانت سايق علشان ما تزهقش أو تنام يعني. وبيتهيئلي إنها بتنزل كده مع العربية.
شكرا ياجماعه انا كمان هاتبني نفس النظرية واطنش