عاوز نصيحه من جرب هذا المشروع لان صديق لى قالى اشترى سيارة زيرو تكون ماركه واجرها لشركه هتجيبلك تمنها مدة الايجار ونرجعلك السيارة بعدها عاوز نصيحه المجربين هذا المشروع والنصيحه
عاوز نصيحه من جرب هذا المشروع لان صديق لى قالى اشترى سيارة زيرو تكون ماركه واجرها لشركه هتجيبلك تمنها مدة الايجار ونرجعلك السيارة بعدها عاوز نصيحه المجربين هذا المشروع والنصيحه
السلام عليكم ورحمة الله وبركاته مفيش حاجه اسمها تاجرها وترجعلك سليمه هتاجر عربيه زيرو فى سنه واحده هتخلص وتبقى حتت حديده اوعى تسيب عربيتك لاى حد اجر العربيه وانتى فيها دى نصيحه ولوعايز مشروع ناجح فى مصر المحروسه مطعم فول وطعميه اوقهوه هيادى المشاريع الكبيره اللى تكسب الاكل والقهاوى
بص الخلاصه المفيده.. اى مشروع لو ناجح مليون فى الميه و انت لن تتابعه يوميا ( اقصد يوميا و اكثر من مره فى اليوم كمان ) .. يبقى حيخسر معاك مليون فى الميه .. و حيكسب مع اللى اخذ منك السياره مليون فى الميه .. و سيبك من الكلام الحلو
عموما للعلم بالشيئ .. انا اعرف واحد فتح مكتب تأجير ( معرفشى المشروع كسب و لا خسر معاه .. لانى لم اساله ) .. لكن هو جايب اكثر من عربيه كيا كارينز الشكل القديم ( يعنى ال 2014 تقريبا ) .. و بيأجرها سفريات للمطار و ممكن برضه ايجار عادى
معنى كده ان العربيه دى مطلوبه للعائلات التى تأتى فى الصيف علشان برضه تضعها فى اختياراتك و تسأل عنها
لو مش حضرتك اللي هتركب العربيه يبقي مشروع فااااشل
هتجيب مبلغ كويس ايجار سنه وبعدين هتستلم عربيتك خرده، فهتصرف عليها ايجار السنه علشان ترجع عربيه تاني
الناس بتتعامل مع العربيه المستاجره علي انها حلال فيها التكسير والتدمير
ياريت الاقى حد جرب هذه التجربه فعلا يخبرنى لانى سوف ابيع شقه او اتنين لشراء سيارة
اى مشروع لو انت اللى مكتتش واقف عليه بنفسك فبتبقى نسبة فشله عاليه
لو تعرف حد محترم تكون واثق فيه وتخليه يسوقها هو وتدخل العربيه اوبر او كاريم وممكن اسطي
التلاتة طالبين عربيات زيرو وحتعمل دخل في حدود 7000 جنيه في الشهر
لو انت حتاجرها بسواق او تسوقها بنفسك مشروع هايل لكن لو اجرت العربية ممكن تحصل مشاكل كتير اخطرها القتل الخطء ودى تدخل السجن او ان العربية تعمل حادثة وتروح منك خالص !!
انا جربت
الموضوع دا بس زى ما فيه مكسب فى مصاريف هلك العربيه ورأس المال نفسه بتاع العربيه بيقل يعنى هتبيعها بأقل من تمنها اللى شارى بيه كتير لو عاوز اشترى مستعمل كسر زيرو مثلا او ابعد عن الموضوع من بابه بدل ما تفضل كل يوم فى قلق على حاجتك اللى مش معاك
محدش بيصون حاجه حد
صراحه انا عاوز اجيب عربيه عاليه تنفع لشركه بترول ومش هقدر اسد على شغلهم هيكون كتير ومسافات وليل نهار اى وقت دول عاوزين عفريت ممكن هما يجيبوا سواق من عندهم بس خايف من الفشل
ممكن تمسك العصايه من النص وتشتري عربيه سيدان عاديه مش لازم عربيه عاليه عشان توفر شويه
وتشغلها مع اوبر في اوقات فراغك تبقي منك كسبت ومنك حافظت علي عربيتك
وبرضو فكر كويس وربنا يوفقك