عاوز اشنرى عربيه زيرو وااجرها ايه رايكم بالمشروع دة فاشل او سوف ترجع لى السيارة ومبلغ

**nader1117** · 28-02-2016 09:24 PM

عاوز نصيحه من جرب هذا المشروع لان صديق لى قالى اشترى سيارة زيرو تكون ماركه واجرها لشركه هتجيبلك تمنها مدة الايجار ونرجعلك السيارة بعدها عاوز نصيحه المجربين هذا المشروع والنصيحه

**Mohamed Desoky** · 28-02-2016 10:01 PM

السلام عليكم ورحمة الله وبركاته مفيش حاجه اسمها تاجرها وترجعلك سليمه هتاجر عربيه زيرو فى سنه واحده هتخلص وتبقى حتت حديده اوعى تسيب عربيتك لاى حد اجر العربيه وانتى فيها دى نصيحه ولوعايز مشروع ناجح فى مصر المحروسه مطعم فول وطعميه اوقهوه هيادى المشاريع الكبيره اللى تكسب الاكل والقهاوى

**tasaka** · 28-02-2016 10:04 PM

بص الخلاصه المفيده.. اى مشروع لو ناجح مليون فى الميه و انت لن تتابعه يوميا ( اقصد يوميا و اكثر من مره فى اليوم كمان ) .. يبقى حيخسر معاك مليون فى الميه .. و حيكسب مع اللى اخذ منك السياره مليون فى الميه .. و سيبك من الكلام الحلو

عموما للعلم بالشيئ .. انا اعرف واحد فتح مكتب تأجير ( معرفشى المشروع كسب و لا خسر معاه .. لانى لم اساله ) .. لكن هو جايب اكثر من عربيه كيا كارينز الشكل القديم ( يعنى ال 2014 تقريبا ) .. و بيأجرها سفريات للمطار و ممكن برضه ايجار عادى

معنى كده ان العربيه دى مطلوبه للعائلات التى تأتى فى الصيف علشان برضه تضعها فى اختياراتك و تسأل عنها

**bluemail** · 28-02-2016 10:12 PM

لو مش حضرتك اللي هتركب العربيه يبقي مشروع فااااشل
هتجيب مبلغ كويس ايجار سنه وبعدين هتستلم عربيتك خرده، فهتصرف عليها ايجار السنه علشان ترجع عربيه تاني
الناس بتتعامل مع العربيه المستاجره علي انها حلال فيها التكسير والتدمير

**nader1117** · 28-02-2016 10:25 PM

ياريت الاقى حد جرب هذه التجربه فعلا يخبرنى لانى سوف ابيع شقه او اتنين لشراء سيارة

**amr011111** · 28-02-2016 10:44 PM

اى مشروع لو انت اللى مكتتش واقف عليه بنفسك فبتبقى نسبة فشله عاليه

**Mohamed Desoky** · 28-02-2016 10:51 PM

المشاركة الأصلية كتبت بواسطة nader1117

ياريت الاقى حد جرب هذه التجربه فعلا يخبرنى لانى سوف ابيع شقه او اتنين لشراء سيارة

هتبيع شقه علشان عربيه تاجرها لا طبعا مش منطق العربيه ممكن لاقدرالله تتخبط تعطل تتسرق لكن الشقه انا ااجرها افضل اوعى تبيع الشقه لان قيمتها فيها وبتزيد مع الوقت دى عقارات على العموم ربنا يوفقك وشكرا

**M.Elwan** · 28-02-2016 11:06 PM

لو تعرف حد محترم تكون واثق فيه وتخليه يسوقها هو وتدخل العربيه اوبر او كاريم وممكن اسطي
التلاتة طالبين عربيات زيرو وحتعمل دخل في حدود 7000 جنيه في الشهر

**aw2100** · 29-02-2016 12:20 AM

لو انت حتاجرها بسواق او تسوقها بنفسك مشروع هايل لكن لو اجرت العربية ممكن تحصل مشاكل كتير اخطرها القتل الخطء ودى تدخل السجن او ان العربية تعمل حادثة وتروح منك خالص !!