السلام عليكم ورحمة الله وبركاته
كنت محتاج من حضراتكم مساعدتي في المقارنة ما بين السنترا الهاي لاين 2016 والفلوينس e3 الفول أوبشن 2016.
أيهما أقوى وأفضل في كل شيء خصوصا وإن المحرك والفتيس واحد في السيارتين؟
شكرًا جزيلا مقدمًا؛؛
عرض للطباعة
السلام عليكم ورحمة الله وبركاته
كنت محتاج من حضراتكم مساعدتي في المقارنة ما بين السنترا الهاي لاين 2016 والفلوينس e3 الفول أوبشن 2016.
أيهما أقوى وأفضل في كل شيء خصوصا وإن المحرك والفتيس واحد في السيارتين؟
شكرًا جزيلا مقدمًا؛؛
من غير تفكير فلونس طبعا
1) أنها تفقيل تركي متجرب في مصر لسنين
2) عفشة فرنسية قوية جدا و ثابتة علي الطريق
3) خامات أنضف
4) توكيل محترم عن نسيان اللي لسه مش عارفه تحل مشكلة الفرامل مع الصني الأقل تعقيدا من السنترا !
5) أنتشار اكبر و قطع غيار متوافرة اكثر
معذرة لو كان الموضوع نُشر في القسم الخطأ!
يمكن لمشرفي القسم نقله إلى قسم المقارنات إذا أرادوا..
بارك الله فيكم.
متاااااااابع
"نسيان اللي لسه مش عارفه تحل مشكلة الفرامل مع الصني "
http://www.nilemotors.net/Nile/479899-a.html
حضرتك أن المعلومة دي من صاحب عربية نيسان صني 2016 عاملة 5000 كم و قالي باللفظ " الفرامل مش بتجمع معاك بسرعة فلو حصل موقف لا قدر اللة مس حتسعفك " يبقي مش عارفين حتي الأن يحلوا المشكلة مع عربيات زيرو !!!! و علي رأي المثل " أبعد عن الشر و غنيله" لما الصني البسيطة لسه فيها الشكلة و هي داخلة علي سنتين إمال السنترا حتكون أية ! فأبعد عن المخاطرة و التفقيل المصري المعروف يسوء جودته !
الفلوانس سيارة بكل المقاييس أفضل من السنترا من ناحية الوسع أو العلو عن الأرض أو الفخامة و الأوبشنز.
النقطة الوحيدة اللى هي فعلاً في صالح السنترا هي نقطة الثبات على الأرض و دي مردود عليها بأن كم طريق في مصر تقدر تجري عليه بطريقة تحتاج فيها ثبات عالى على الأرض , ده ناهيك إن ثبات الفلوانس مش وحش و لكن إحنا بنقارن بالسنترا هنا.
نصيحتي ليك خليك في الفلوانس لأنها في المجمل عربية أفضل.
و على فكرة الفلوانس دى أساساً مش فرنساوي , دي من إبداعات شركة سامسونج الكورية.
و كمان ماسكة سعر كويس أوي في البيع و قطع الغيار منتشرة و متوفرة نظراً لانتشار العربية.
توكل على الله و هات الرينو.
ربنا يوفقك.
فى ملاك بيشتكوا من الفرامل وفى ملاك ثانين بيشكروا فالفرامل
مين فيهم اللى على حق؟
الاثنين
الاستطلاع مؤشر لاراء ملاكها- كل واحد يقراه ويحلله بطريقته
طيب السنترا ايه اخبارها ؟ مفيش معلومات كتير عنها (عشان جديده)
وجهه نظر "إمال السنترا حتكون أية" صحيحه الى اثبات قدارتها الحقيقيه
بدون معلومات كافيه منقدرش نحكم بنجاح عربيه من عدمه
ممكن نتوقع لكن منقدرش نجزم
الفلوينس لها مشاركات كتير على عكس السنترا ودا فى مصلحتها للمشترى لكن دا لا يعنى انها اكفء من السنترا
مينفعش تقارن عربيه بقالها 5 سنين بعريه لسه جديده
لا علاقه للسنترا بالصني الشكل الجديد ...العربيه افضل من الفلوانس في الخامات والتقفيل وعزلها افضل وتسارعها افضل وعفشتها تتحمل اكتر وقطع غيارها ارخص وصياناتها ارخص ...واوسع في المقصوره وتكييفها افضل..اللي ينقل معلومه ينقلها عن معرفه وتجربه فقط وانا مجرب الاتنين عشان كده بقول وبكل فخر...السنترا هي افضل سياره حاليا في فئتها السعريه بلا منافس وانتشارها زي الصاروخ ...وحضرتك دور على جروبها عالفيسبوك حتلاقي كل الاجابات والمقارنات بدون حياديه وعن تجارب
يعني المصنع اللي بيطلع نيسان صني غير المصنع بتاع السنترا ؟؟؟ و لا هما نفس العمال و نفس الألات و الماكنيات ؟؟ طب لما أنا أفشل في أخراج سيارة بسيطة من غير عيوب زي الفرامل علي الرغم من أني بأنتج نفس العربية بقالي اكثر من سنتين يبقي أية الجودة المتوقعة من منتج المفروض أنه معقد ؟؟؟ يا سادة دا كراسي السنترا عاملة كراسي بتاعة اللادا تجميع الأمل و منظر التابلوم بالأبنوس البلاستيك غير أنيق بالمرة ! حضرتك تخش و تعقد في العربية بتترج !!!
ثم أنتشار اية اللي حضراتكوا بتتكلموا علية ؟ العربية دي فضلت أكثر من سنة نازلة بالتفقيل التايلندي و ما حداش أشتراها !!! الأنتشار في مصر مرتبط بالمقام الأول بالسياسة السعرية اللي غالبا تكون علي حساب الجودة زي ما حصل مع الصني و أفكر حضراتكوا بأن نيسان مصر أول شركة أتعلمها قضية بسبب موضوع الفرامل "حماية المستهلك" يحيل شركة سيارات شهيرة للنيابة بسبب عيوب الفرامل |اليوم السابع
و قطع الغيار اللي بعض فرحان بأنها رخيصة لآنها صناعة مصانع بير السلم "حماية المستهلك" يضبط قطع غيار سيارات مقلدة فى مركز خدمة بأبو رواش |اليوم السابع
عموما حنشوف أخبار السيارة بعض التجربة !
حضرتك متأكد إن السنترا خاماتها وتقفيلها المصري وعزلها وعفشتها أحسن من الفلوينس!!
لإني قراءاتي في مختلف الجروبات والمنتديات بتقول عكس الكلام ده أو على أحسن الأحوال تفاوت بسيط بين الاتنين لصالح واحدة فيهم في كل حاجة معينة عن التانية زي الثبات الي في صالح الفلوينس مثلا!
أنا بسأل لإني فعلا عايز أسمع رأي محايد بدل تعصب كل صاحب عربية لعربيته؟
بارك الله فيك.