الموضوع: استفسار عن ميكانيكى وقطع غيار فولفو 740 موديل 1990

المشاركة الأصلية كتبت بواسطة said.d.y

أولا انا اسف على التأخير في الرد لانى مدخلتش على المنتدى من اسبوع تقريبا الا النهاردة .
ثانياً الحمد لله ربنا وفقنى ولقيت اكتر من واحد بيشتغلوا فى قطع الغيار الجديد والاستيراد والاسعار كلها فى المعقول ، حتى شركة الكويت (التوكيل السابق) اشتريت من عندهم تيل فرامل وسعرة معقول جداً... يعنى حسيت ان قطع الغيار مفيش فيها مشكلة والحمد لله.
شغل الميكانيكا، انا ماكنتش محتاج شغل فنى، عملية تغير وعملتها عند ميكانيكى عادى وكلة تمام والحمد الله.
متوسط الأسعار ، اغلب الحالات المعروضة وبتكون هلكانة شوية(بحكم العمر) لاكن تتركب عادى متوسطها من 45 :50 الف ، الحالات الجيدة فوق ال50 الف . الحالات الممتازة فوق ال 60 الف ولغاية 80 لو حالة سوبر نادرة(واحد كان عارض من أسبوعين حالة نادرة وانا شوفتها كان طالب 81 وخلصت على 73 واشتراها تاجر ).
رأى الشخصى العربية دى والموديل دى ما ينفعش تشترية الا حالة نمرة 1، والا بلاش. (واعتقد انها تكون فوق ال60 الف وبالراحة - ولو حظك حلو وغاوى تكون سوبر وادفع زيادة 10 ولا12 الف وعيش ياباشا).
عن تجربتى المحدودة مع العربية، ركوبة فخمة وثبات ملوش حل ، واحساس بالأمان وانت سايق اخر حاجة، وهى تقيلة شويتين وطبعاً دى بيرجع للوزن والتصميم والموديل. وسوقتها وتقدير الابعاد مريح جداً وانا جربتها على الدائرى ووسط البلد، سلسة ماشاء الله.

الف شكر على اهتمامك و ردك الوافي، و ياريت لو وجدت حد بيبيع بحالة جيدة ان تتواصل معي...تحياتي

+11111

المشاركة الأصلية كتبت بواسطة said.d.y

حتى شركة الكويت (التوكيل السابق) اشتريت من عندهم تيل فرامل وسعرة معقول جداً... .

كام كان السعر؟ و رمضان كريم