شقه في حدائق الاهرام

**Mostafa.omar** · 28-02-2016 11:52 PM

السلام عليكم انا محتاج مساعدتكم دلوقتي اناهشتري شقه في حدايق الاهرام و الرخصه مكتوب فيها ٢ بدروم و ارضي و اربع ادوار متكررة... و مكتوب فيها بدروم جراج و بدروم علوي سكني و ارضي سكني و اربع ادوار متكررة
و الراجل بيقول انها رابع متكرر خامس بلكونه و هوا باني دورين مخالف و روحت سألت في الحي قالولي الراجل عليه مخالفه رسوم هندسيه
انا مشكلتي دلوقتي اني مش عارف خامس بلكونه دي مخالف ولا لأ ...ارجو الافاده ضرورى

**Karim Alaa** · 29-02-2016 12:07 AM

انا كنت زيك كده و اه خامس بلكونه هى الرابع المتكرر بتاع الرخصه و اى مهندش هنا يخش ياكد المعلومه و ياما لفيت فى الحدايق لحد ملقيت شقه ربنا يوفقك

**mk3** · 29-02-2016 12:18 AM

اى دور اسمه مكرر
سواء اول او ثانى او ثالث يعنى زى بعض
اما سؤالك فدى فيها حيره فى الحدايق خصوصا لان فى رخص ببدروم واحد ورخص ب 2 بدروم وتيجى تسمع كلام ان بدروم تحت الارض وبدروم فوق الارض سكنى...طب اذا كان مش عامل بدروم تحت الارض وعامل فيلا دوبلكس يبقى العمل ايه ؟ طب افرض محلات ؟طب... !...الموضوع فيه لخبطه ...فى جروب فى الفيس اسمه مجلس امناء حدائق الاهرم هما اكتر ناس احتكت بالموضوع بسبب عدم دخول العدادات بسبب المخالفات

**Karim Alaa** · 29-02-2016 01:36 AM

للاسف مش بيدخلو عدادات للسيلم و المخالف برضه فجاءه بعد هوجه المخالفات هناك الشركه وقفت العدادات نهائى و فى ناس رافعه قواضى بسبب الموضوع ده

**رحالة** · 29-02-2016 01:38 AM

هي حدايق الاهرام ليها مستقبل يعني؟
مش عارف ليه حاسسً مشاكلها كتير

**ali ashraf** · 29-02-2016 08:29 AM

المشاركة الأصلية كتبت بواسطة mostafa.omar

السلام عليكم انا محتاج مساعدتكم دلوقتي اناهشتري شقه في حدايق الاهرام و الرخصه مكتوب فيها ٢ بدروم و ارضي و اربع ادوار متكررة... و مكتوب فيها بدروم جراج و بدروم علوي سكني و ارضي سكني و اربع ادوار متكررة
و الراجل بيقول انها رابع متكرر خامس بلكونه و هوا باني دورين مخالف و روحت سألت في الحي قالولي الراجل عليه مخالفه رسوم هندسيه
انا مشكلتي دلوقتي اني مش عارف خامس بلكونه دي مخالف ولا لأ ...ارجو الافاده ضرورى

ممكن شوية تفاصيل عن الشقق فى حدائق الاهرام , يعنى اسعار المتر على المحارة و تشطيب كامل الخ ...., أنا عندى شقة و قافلها للظروف وعايز اثمنها , هى فى البوابة الثالثة منطقة ن , فى عمارة ساكنة و مفيهاش مخالفات و عداد الشقة رسمى و على الواجهة الدور الثالث و على حديقة تقريبا المتر متشطب يكون بكام ؟ اه مساحتها 175 متر

**Karim Alaa** · 01-03-2016 12:35 AM

المشاركة الأصلية كتبت بواسطة ali ashraf

ممكن شوية تفاصيل عن الشقق فى حدائق الاهرام , يعنى اسعار المتر على المحارة و تشطيب كامل الخ ...., أنا عندى شقة و قافلها للظروف وعايز اثمنها , هى فى البوابة الثالثة منطقة ن , فى عمارة ساكنة و مفيهاش مخالفات و عداد الشقة رسمى و على الواجهة الدور الثالث و على حديقة تقريبا المتر متشطب يكون بكام ؟ اه مساحتها 175 متر

2500-3000 جنيه حسب اسعار 3 4 شهور فاتت من بعد مبطلت اشوف شقق

**mk3** · 01-03-2016 03:01 PM

المشاركة الأصلية كتبت بواسطة karim alaa

2500-3000 جنيه حسب اسعار 3 4 شهور فاتت من بعد مبطلت اشوف شقق

فى ب 1700 وفى ب 3500
حسب بقى الشارع والحرف

**رحالة** · 01-03-2016 04:07 PM

المشاركة الأصلية كتبت بواسطة mk3

فى ب 1700 وفى ب 3500
حسب بقى الشارع والحرف

1700 ده تشطيب والا نص تشطيب؟

**ahmedwagdy03** · 01-03-2016 04:15 PM

أشك أن خامس بلكونة تبقى الرابع متكرر لو الأرضى ملوش بلكونات.

لإن عد المتكرر يبدأ من بعد قلبة السلم اللى تسلم لمدخل الشقة بعد مدخل العمارة .

بمعنى لو أنت فى مدخل العمارة و طلعت أول كام سلمة لأول شقة تبقى الشقة دى الأرضى و بعدين تكمل لفة سلم كامل يبقى دة الأول متكرر و هكذا .

أما لو الأرضى فيه بلكونة يبقى فعلا خامس بلكونة هي اللى الرابع متكرر .