الموضوع: بيرسونا ولا بيجو 301 ولا سى اليزيه

خليك في البيجو
حتي الان هي افضلهم

السي إليزيه من غير تفكير, في تقرير رائع عنها في قسم السيتروين و فعلاً هي هي البيجو و لكن من غير المشاكل اللى في ال301 و كمان فرنساوي مش صيني زي البيجو.

بسم الله الرحمن الرحيم

أخى الفاضل

على الرغم من أن السيارات الثلاثه متقاربين فى السعر إلا إن الفروق بعد الإستخدام كبيره. لن أطيل عليك فى الرد و لكن سأختصر الرد فى نقاط مركزه.

1 - قدت بالفعل البيجو 301 (ملك صديق لى و ليست ملكى أنا) مرات عديده و لأسباب مختلفه و لذلك أعتبر نفسى قد قدت السيتروين سى إيليزيه.

2 - كنت قد كتبت تجربتى مع البيجو 301 مرات و مرات على المنتدى و توفيرآ للوقت فإن آداء السياره يتغير بعد أول صيانه و تحديث السوفت وير

3 - لم أر سيارة إشتعلت من أجلها المناقشات مثل البيجو 301 فلا ترى رأى متوازن أبدآ . . فإما محارب شرس لها أو عاشق ولهان بحبها

4 - أنا أرى مميزات البيجو 301 (عندما أتحدث عن البيجو 301 فانا أتحدث عن السيتروين سى إيليزيه ) كالآتى:
1 - وسع داخلى مريح
2 - جمال و أناقة داخليه و خارجيه
3 - صوت المحرك منخفض
4 - إتزان و ثبات على السرعات العاليه

عيوب البيجو 301
1 - تكررت الشكاوى من فرامل السياره (لم أسمع هذه الشكوى من ملاك السى إيليزيه)
2 - ضعف الإكصدام الأمامى (لم أسمع هذه الشكوى من ملاك السى إيليزيه)
3 - الشكمان قريب من خزان الوقود أسفل السياره و يوجد رقعه عازله حراريآ بين الإثنين لتنقذ خزان الوقود من حرارة الشكمان (هذا العيب مشترك بين البيجو و السيتروين)


5 - أعلم أن هناك من ملاك البيجو و السيتروين صادقين فى دفاعهم عن السياره فهم حقآ لم يروا منها أى عيوب لا لأنها خاليه من العيوب بل لأنهم لم يستخدموها الإستخدام الذى يدفع مكونات السياره للحد الأقصى من قوة التحمل

6 - على الرغم من أننى أخاف أن أغامر بشراء أى من البيجو أو السى إيليزيه إلا أننى لن أنصحك بالإحجام عن شراء أى منهما بل سأنصحك بأن تراجع طبيعة إستخدامك أكثر من مره لتتبين الأنسب لك

7 - و لأننى أعرض وجهة نظرى و ما أراه فلذلك لا أرانى قد إبتعدت نهائى عن الحياديه و الموضوعيه عندما أخبرك بأن البروتون صفقه مضمونه أكثر من البيجو أو السيتروين على الأقل فإن كل عيوب البروتون فى التقفيل و الكماليات و ليست فى الأساسيات

8 - لا يشغل بالك بما هو كائن أسفل غطاء المحرك بل يشغل بالك الآداء ثم الآداء ثم الآداء و لذلك لا يقلقك عمر تكنولوجيا محرك البروتون لأنك فى النهايه يعطيك المحرك نفس عدد الأحصنه المكتوبه فى كتالوج السياره

9 - البروتون سياره أقوى فى كل شىء فقط إن إستطعت تحمل عيب الإستهلاك العالى للوقود مع صغر حجم خزان الوقود (42 لتر فقط على الرغم من أن المكتوب فى المنشور الذى يقدمه عز العرب 50 لتر)

هداك الله لأرشد أمرك و أقومه

السلام عليكم و رحمة الله و بركاته

المشاركة الأصلية كتبت بواسطة sameyes

البيچو: انا معرفش البيچو كويس بس هي مع زميل لي في الشغل وهو مبسوط منها وراضي جداً بيها ولكنه متأكد إن فيها مشكلة في الفرامل يعني ديماً إيده على فرامل اليد. ممكن ده يكون نفسي بس فعلاً هو أكد أكتر من مرة ان الفرامل مش قد كده. أول ما اشترها كان في كذا حاجة كده ظهرت بس بعد أول صيانة وتحديث السوفت وير العربية أفضل بكتير.

السي إليزيه: معرفهاش خالص بس هي هي البيچو وتوكيلها هو توكيل البروتون عز العرب.

البيرسونا: أنا معايا چين ٢ ٢٠١٤ وبرضوا هي هي البيرسونا معدا إن دي سيدان والچين ليفت باك -مش مهم الفرق- المهم من خلال تجربتي للچين خلال سنة أقدر أقولك إنها عربية محترمة وقوية وفعلاً بتاعت مواقف حرجة وتعرف تخلص نفسك في الزحمة أو أي موقف وإعتمادية جداً وحمالة جداً جداً والتكييف أكثر من رائع. يعني عربية بتاعت مصر وشوارعها مع العلم إن البيرسونا عفشتها أنعم من الچين. ولكن وحط تحت لكن كذا خط: بتاكل بنزين مع الجري والشد، هتسمع أصوات غريبة من التابلوه يعني التقفيل مش قد كده "البيچو أفضل بكتير في التقفيل" التوكيل زبالة أيوه زبالة. ولكن في مراكز صيانة معتمدة كتير أحسن منه وأرخص، القطع غيار موجودة في كذا مكان وأسعارها متوسطة وده حسب بلد المنشأ. بالنسبة للآمان العربية فيها ٢ اير باج وفرامل ممتازة بس محتاجة تعود لفترة علشان مشوارها طويل شوية بس هي جميلة وبرضو ebd & abs، الصاج قوي، البيرسونا شنطتها أوسع من الجين مع إن الجين شنطتها جميلة والصالون كمان بتاع البيرسونا واسع.

بص من الآخر الموضوع يختلف من شخص لآخر. غير إن دي هي إمكانياتنا يعني فلوسنا متجبش أحسن من كده العربيات التلاتة كويسين جداً شوف التلاتة ولو عرفت تجربهم جربهم صدقني لو جبت واحدة فيهم عينك مش هتبعد عن التانية جربهم وأقعد فيهم ومتستعجلش نهائي.

وربنا يكفيك شرها مقدماً وبالتوفيق

متفق تماما فيما عدا
عفشة الجين و البيرسونا تبيكال نسخة بمعنى الكلمة ... لا وجود لفروقات على الاطلاق
الفرامل مش عجبانى ... كان ممكن تبقى افضل من كده كتيير !

المشاركة الأصلية كتبت بواسطة أحمد عثمان

السي إليزيه من غير تفكير, في تقرير رائع عنها في قسم السيتروين و فعلاً هي هي البيجو و لكن من غير المشاكل اللى في ال301 و كمان فرنساوي مش صيني زي البيجو.

لا حول و لا قوة الا بالله ... منين يا فندم الكلام ده ...صينى ايه بس ؟ العربيتيت بيخرجوا من نفس المصنع فى اسبانيا مع العلم بوجود نسخة من 301 موجها بالفعل للسوق الصينى و لكن كلامنا على الى متواجد بالسوق المصرى ... تقفيل اسباااانى