الصيانه خارج التوكيل - كيف و أين ؟

يا جماعة الخير .. انا نويت اني مكملش في التوكيل في موضوع الصيانه ، وده نظرا لارتفاع اسعارهم و الانتظار الطويل في الحجز و كمان داخل التوكيل ووجود بعض الاهمال
انا معايا لوجان 2016 اتوماتيك وعامله 20000 ... طبعا عشان نعمل صيانه خارجيه دوريه بعيدا عن اي اعطال او عيوب غير تقليديه ، لازم نكون فاهمين شويه في الاتي :
- العمليات المفروض تتعمل في الصيانه الدوريه و ايه اللي هيتغير
- عارفين ايه احسن انواع زيوت و فلاتر بتمشي مع العربيه
- عارفين عناوين و ارقام محلات قطع غيار
- عار فين مراكز خدمه او ميكانيكي نظيف و بيفهم ... وياريت لو عندهم كشف الكمبيوتر كمان

بخصوص اللي فات ده فا انا تقريبا عارف ايه اللي مفروض اعمله في صيانه ال20 ، وعارف بعض المحلات و اتعاملت مع برازيلي قبل كده

كنت عايز اسأل بقى هي العربيه بتاخد كان لتر زيت بالظبط مع الفلتر وهل في نوع زيت كويس غير امس اويل او كاسترول او ليكو مولي ... و هل في مراكز خدمه حد جربها و بيرشحها في منطقة القاهره و الجيزه .. انا من سكان اكتوبر

ياريت نثبت موضوع فيه مراكز خدمه وكمان محلات بيع قطع غيار بتليفوناتها وكمان بيان عن كل صيانه

شكرا واسف للاطاله

عن تجربة والارخص استمر فى التوكيل فرصة اى لعب فى العربية بره حتكلفك كتير وفزلكة المصريين كتير وحترجع تاانى مضطر للتوكيل

التوكيل عمره ما كان رخيص
من شهر كنت هاعمل صيانة ال 40 الف في توكيل العبور (تغيير زيت - فلاتر بنزين وهوا - بوجيهات) ب 1250!!! ليييييه!!!! المصنعية لوحدها بالضريبة كانت 450 جنيه
رحت عملت الصيانة مع برازيلي ودفعت 550 جنيه تغيير زيت وفلاتر ومصنعية - وكمان قاللى البوجيهات لسه قدامها كمان 5 الاف كيلو - وحطيت زيت ليكو مولي بس المرة الجاية ان شاء الله هاجرب الكاسترول
نصيحتي يا تكمل مع حد عارف العربية كويس زي برازيلي او مراكز خدمة رينو - ويستحسن انك انت تشتري الحاجة الأصلية بنفسك
المشكلة بقي في الفحص الدوري على العربية - دي الصراحة كانت الميزة الوحيدة في التوكيل بس ممكن مراكز الخدمة تكون بتعملها
والله المستعان

اقتباس:

---

المشاركة الأصلية كتبت بواسطة شعبانت

عن تجربة والارخص استمر فى التوكيل فرصة اى لعب فى العربية بره حتكلفك كتير وفزلكة المصريين كتير وحترجع تاانى مضطر للتوكيل

---

والله انا مش بسمح لاي مجال للفتي وانا دايما بهتم بالصيانه الدوريه ، و مبوصلش لمرحلة الاهمال اللي تخليني اوصل لفتي المصريين ... ومجرب قبل كده في عربيتين قبل اللوجان

التوكيل ياباشا دى عربية الغلطة فيها بفورة كمل معاهم لحد ما الضمان يخلص و أنت أستعمالك للعربية كتير 20000 كيلو في 5 شهور على أقصى تقدير خليك مع التوكيل لحد ما الضمان يخلص

نصحية الصيانة داخل التوكيل لأن كل حاجة لها إيصال و المكان ثابت و لو حصل حاجة تعرف تاخد حقك ! و بالنسبة لمراكز الصيانة و الصنايعية دول عايزين واحد فاهم علشان ما ينصحكش عليك ! ما حداش بقي باقي يحافظ علي أسم و لا سمعة غير التوكبل .

نصيحة خليك مع التوكيل لحد انتهاء الضمان بعد كده الصيانات العادية بره والصيانات الكبيرة زي 60 الف ممكن في التوكيل ولو انت في القاهرة خليك مع فرع العبور

خليك مع التوكيل افضلك
انا كنت هعمل زيك ومستكتر المصنعيه بس معلش هتدفع 300ج زياده صدقنى انت المستفاد اعتبرهم تامين
حصل معايا دراع النور وقف مره واحده مبقاش يدى عالى تفتح النور الواطى بس وده حصل معايا قبل صيانه ال40الف وروحتفرع العبور وقولتلهم وغيرو الدراع كله على حسابهم ضمان واتصدمت لما عرفه تمنه الاصلى بدون تركيب ب1250ج
وحمدت ربنا وعرفت قيمه الضمان
وحصل نفس العيب تانى عند صيانه ال80الف وبصراحه لوحدهم غيروه برضو ضمان
مع ان المهندس قالى ممكن نصلحه ولا ايه رايك بهزار طبعا بعد ماغيره
قولتله لا لا الله يكرمك كده فل الفل :d
الخلاصه متسترخصش ومتبصش تحت رجليك على الاقل لما توصل ال100الف ك
انا خلاص داخل على 100الف انا بقى اللى بفكر اطلع بره التوكيل لان كده كده انا خارج الضمان
عربيتى ستيب واى 2013