استفسار عن مراكز صيانة نيسان
السلام عليكم،
انا التيدا بتاعتى -الحمد لله- نزلت من الشغل لقيتها مخبوطة
و طبعاً اللى خبطها مسابش اى نمرة تليفون ولا حاجة
على العموم هى كانت خبطة مش جامدة......الخبطة جت فى الرفرف الامامى شمال و لحد الباب .......انا كنت هسيبها بس للأسف الباب بقى يحك فى الرفرف فى الفتح و القفل و بقيت حاسس انى راكب 128 قديمة مش عربية مبقلهاش شهرين و بقيت مش مرتاحلها نفسياً.
على العموم انا كنت عايز اسأل اذا كان حد اتعامل فى السمكرة و الدوكو مع مركز معين من مراكز نيسان يرشحهولى اوديله العربية
و شكراً مقدماً