اللى بيفهم فى الالكترونيات يساعدنى من فضلكم

**Egyzizo** · 01-03-2016 03:56 AM

عندى جهاز طبى فيه مشكلة قدرت احددها ، وحلها بسيط ، لكن لانى مش بافهم فى الالكترونيات مش عارف اعملها ازاي.

المشكلة ان فيه سلك كهرباء مسئول عن توصيل الكهرباء إلى لمبة مهمة لتشغيل الجهاز. اللمبة دى حاليا مطفية ، لكن لما باحرك السلك ده بتنور والجهاز بيشتغل تمام.
السلك ده ملحوم فى اللمبة بمادة شفافة (قد تكون سيليكون) معمولة شكل نصف كرة فى منطقة اتصال السلك ببيت اللمبة كما فى الصورة المرفقة

والجزء الشفاف ده شكله فيه شرخ بسيط يبدو انه هو اللى عامل المشكلة
السلك اللى مش واصل هو السلك الأحمر وبألاحظ ان لما يكون مش واصل بيكون فيه شرز بسيط جدا فى الجزء من السلك اللى جوه الكورة الشفافة.

عاوز اعرف الجأ لمين يقدر يلحم لى السلك ده كويس بنفس الطريقة ؟
هل فنى تليفزيون ، والا فنى كميبيوتر واللا ايه؟

المشكلة ان توكيل الجهاز فى القاهرة وأنا فى المنوفية ولازم أودي لهم الجهاز وبيقعد عندهم أيام وهو جهاز أساسى بالنسبة لى لا استغنى عنه

عشان كده قلت اعمل المحاولة دى يمكن باشمهندس يكون معدى ويقدر ينصحنى

أنا عملتها مؤقتا بشيكارتون لكن على شعرة وبتنور وتطفى بمزاجها فعايز حل نهائى :

مع جزيل الشكر.

**Mecha** · 01-03-2016 08:00 AM

الصور مش موضحه مكان الشرخ. عموما مع سلك هتجيب كاوية لحام وسلك قصدير وترده

**pepo2011** · 01-03-2016 08:19 AM

اعتقد تغير السلكة كلها وتلحم بطريقة تانية احسنلك واكتر امان

**Ahmed_selmy** · 01-03-2016 05:14 PM

غالبا السلك فك من القصدير......حضرتك ممكن تجيب كوية قصدير وقصدير وتعمله.....او لو اى حد بتاع صيانه موبايلات او اجهزة كمبيوتر يعملهالك فى 5 دقايق.

**Egyzizo** · 01-03-2016 06:56 PM

نصف الكرة السيليكون الشفافة دي هى اللى لاحمة الاسلاك فى بيت اللمبة
انا مش شايف اي لحام قصدير فى الموضوع

**Egymagic** · 01-03-2016 07:10 PM

روح بالجهاز لمحل موبايلات وهو يلحملك السلك المقطوع لان بتوع الموبايلات بيستخدموا مكنه لحام سنها رفيع وكمان حساسين في التعامل بحكم تعاملهم مع الموبايلات والبورد الصغيرة الحجم

**فتح الباب** · 01-03-2016 11:28 PM

المشكله ليست فى السلك اساسا . بل فى الجزء الزجاجى لانه مشروخ . الجزء الزجاجى هو سنسور يعمل بطرفين داخليين بنسب تقترب من الاحكام فعندما تم شرخ الغلاف فأضطرب العمل به . الخلاصه تغيير هذا السنسور . هل هذه اللمبه مضيئه بأستمرار ام يتم التحكم بها سواء يدويا او آليا ؟ أجابه هذا السؤال سوف تحدد التشخيص الصحيح اكتر.

**Egyzizo** · 02-03-2016 01:39 AM

المشاركة الأصلية كتبت بواسطة فتح الباب

المشكله ليست فى السلك اساسا . بل فى الجزء الزجاجى لانه مشروخ . الجزء الزجاجى هو سنسور يعمل بطرفين داخليين بنسب تقترب من الاحكام فعندما تم شرخ الغلاف فأضطرب العمل به . الخلاصه تغيير هذا السنسور . هل هذه اللمبه مضيئه بأستمرار ام يتم التحكم بها سواء يدويا او آليا ؟ أجابه هذا السؤال سوف تحدد التشخيص الصحيح اكتر.

أيوه .. ده كده كلام جديد ..
اللمبة مضيئة باستمرار

ربنا يستر على اللى جاى فى كلامك
لان التغيير يعنى تغيير الكوباية نفسها بتوصيلاتها بأسلاكها ، ودى تمنها 5000 جنيه

**ehabouf** · 02-03-2016 08:50 AM

على حسب ماهو ظاهر في الصورة دي لمبة metal halide
لو كانت فعلاً كده ففي ليها دواية جاهزة بتمسكها من الطرفين + ان اللمبة نفسها سعرها رخيص

**فتح الباب** · 02-03-2016 09:47 AM

اللمبه مضيئه بأستمرار وانت عايز تفصلها وقت ما أنت عايز ولا هى طبيعتها مضيئه فهناك فرق بينهم . وفى الحالتين لا يتم تغيير الكوب

الموضوع: اللى بيفهم فى الالكترونيات يساعدنى من فضلكم

LinkBack

أدوات الموضوع

عرض

اللى بيفهم فى الالكترونيات يساعدنى من فضلكم - انشر الموضوع فى :

-

-

-

-

-

المواضيع المتشابهه

لو حد بيفهم ف الالكترونيات ممكن يخش ويفيدني !

ياريت اللى بيفهم يساعدنى فى الموضوع دة

حد يساعدنى من فضلكم وضرورى

ياريت حد بيفهم فى برنامج Word يساعدنى

اللى بيفهم فى الزينون يساعدنى

الكلمات الدلالية لهذا الموضوع

المفضلات

المفضلات

ضوابط المشاركة