أنا إن شاء الله هتوكل على الله و هشترى نوبيرا 2009 زيرو بس كنت عايز أطمن على المشاكل إللى الناس بتشتكى منها لأن سمعت أن فى مشكلة فى الفتيس و العفشة
عرض للطباعة
أنا إن شاء الله هتوكل على الله و هشترى نوبيرا 2009 زيرو بس كنت عايز أطمن على المشاكل إللى الناس بتشتكى منها لأن سمعت أن فى مشكلة فى الفتيس و العفشة
هى لسه بتتصنع ولا اخر انتاج ليها هايكون اخر 2008؟
و سعرها كام بالنسبة لموديل 2008 او 2009 لو موجودة ؟
لسه موجودة
وموديل 2009 نزل خلاص والمصنع شغال تمام والسعر فى الشركة 76500 جم وفى المعارض بتزيد 3000 او 4000 جم حسب المعرض ( ده بالنسبة المانيوال )
الاتوماتيك بصراحة ماعرفش سعرها بالظبط
أنا سمعت إن النوبيرا مشكلة عفشتها فى المقصات
ممكن حد يأكد الكلام ده ولو الكلام ده صح هل ليه حل
انا سمعت زيك برده بس مقدرش أكد كدا لانى مجربتشاقتباس:
المشاركة الأصلية كتبت بواسطة AboSalah_79
اسمحلى يا سيدى ان ارد على سيادتك وفقا لتجربتى الشخصية
انا معايا نوبيرا موديل اول 2006 مانيوال العربية زى الفل مشاكلها كانت كما يلى :
1-جوان غطاء التيكيهات غيرته مرتين فى التوكيل منهم مرة على حسابى و محتاج يتغير للمرة الثالثة و لكن طبعا هغيره بره المرة دى
2-زوايا العربية بتحتاج ظبط كتير و مكنتش اعرف المعلومة دى اول ما جبت العربية و كانت النتيجة ان الزوايا حدفت جامد رحت التوكيل ( أبو غالى ) التكلفة 2800 جنيه قلى هنغير الكاوتش و الشمعدان على حسابك ( سوء استخدام )طبعا رفضت و رحت ظبطت الزوايا امامى و خلفى برة يدوى بس عند واحد شاطر جدا و العربية بقت زى الفل و رجعت الكاوتش الأمامى ورا دفعت اجمالى 80 جنيه و قلى ان دى اشتغالة من التوكيل علشان يخليك تغير عنده ، سافرت بعد كدة عدة مرات شرم الشيخ على 180 و العربية زى الميزان
3- العربية عندى واطية شوية بتحك فى المطبات لازم تاخدها على سرعة منخفضة جدا
4- بكشف على العفشة عند ورشة خارجية كل كام شهر و العفشة زى الفل لغاية دلوقتى
5- التوكيل رغم حسن المقابلة الا انى انا بحس انهم بيضحكوا عليا و كان مرة فى صوت حكة فى العربية رحتلهم دخلونى فى مشاكل كتير و تغيير طنابير و رحت بعد كده عند ورشة برة طلع فيه زلطة محشورة بين الطنابير ليس الا ده غير انهم بيغيروا قطع الغيار فى الضمان مرة واحدة فقط و لو تلفت تانى لازم تدفع تمنها و لذلك بطلت اروح التوكيل رغم ان العربية فى الضمان .
يا باشا متشكرين على التوضيحاقتباس:
المشاركة الأصلية كتبت بواسطة mfe
بس عندى سؤال
إنت رأيك أتوكل على الله و أشتريها ولا أشوف حاجة فى نفس سعرها, لأنى بصراحة معايا لادا و مشكلتى فى العفشة و كنت ناوى أشترى إسبرانزا بس الكل أجمع على إنها زى البطيخة ممكن تبقى حلوة و ممكن تتطلع عينك فكبرت دماغى منها و مش عارف فى إيه فى نفس سعرها (أنا معايه لغاية 77000 جنيه و ميزيدوش جنيه)
حضرتك انا معايا نوبيرا 2008 مش هتكلم عن الممييزات انا هدخل فى العيوب بس العربية كان الدركسيون وانتا ماشى على طول تلقية فى سنة شمال رحت التوكيل فى صيانة الألف قالى ظبط زوايا وظبط طارة (فى الضمان طبعا ) المهم التارة اتعدلت والعربية بقت تحدف يمين رحتلهم تانى بعدها بيومين قالى المهندس الى هناك دة ضغط الكوتش (كنت كاشف على الكوتش قبل ماروح تنى مرة ) المهم اتعدلت شوية بس بردة لسة بتحدف يمين حاجة بسيطة
فرامل اليد كانت عايزة رجلاش مبتمسكش العربية كويس قلتلهم عليها بقت احسن لكن بردة مش مظبوطة بتطلع اربع تكات بس الكاتلوج بيقول من 6 الى 12 تكة بسمع صوت التيل بيحك كدة يما اكون شادد فرامل اليد على منزل مثلا واتحرك على الكرسى مثلا اعد اسمع الحكة دى كأنة هتفلت
3 - الفتيس تحس انة رايح نحية اليمين كدة فى وضع المور
وكمان فى خشونة يما تيجى تجيب المارشدير فى الفتيس هتسمع ذى احتكاك كدة موجود عند ناس تانية غيرى الموضوع دة بس الموضوع دة ابتدى يقل مع الاستخدام
4- الرفرف الشمال مش ماشى مع الباب فى فرق بسيط(انا مخدش بالى يما استلمت العربية من الموضوع دة ) خلى بالك
واطية شوية بس الموضوع دة مدى العربية ثبات ممتاز دى احسن حاجة عجبانى فيها الثبات
أنا كده بفكر جديا أصرف نظر عن النوبيرا و أشوف أى حاجة تانية أو أستنى المعرض فى شهر 12
انا قبل مجيب النوبيرا كنت محتار جدا قلت هجيب الالنترا لقتها واطية اوى وسعرها غالى 98 ايام يما كنت هجيب من 5 شهور كدة قلت هجيب الاوبترا ولاد الحلال الله نصحونى قالولى هى هى النوبيرا ونفس المتور على اية 10000 جنية دول قلت خلاص نوبيرا بس فى الاخر الاوبترا تعتبر احسن من النوبيرا فى حاجات كتيراقتباس:
المشاركة الأصلية كتبت بواسطة AboSalah_79
ومن ناحيتى الفتيس الاتوماتيك عمره الافتراضى 150000كم
بص يا سيدى انا ما اشتكتش من حاجة الا الى قولتلك عليه لو حافظت على العربية هتبقى زى الفل معاك ( ملحوظة اصرف نظر عن اى مشاكل بسيطة فى العربية خلال اول 2000 كيلو لغاية ما العربية تطبع (صوت تزييق - رجلاش الفرامل -صوت تكة خفيفة عند الانعطاف المفاجئ )انا كنت بقلق من اى حاجة مع انها بتكون طبيعى لغاية ما اتعودت لكن العربية متعة فى السواقة سحبها ممتاز بتاعة سفر و شد لغاية دلوقتى مغيرتش فيها البطارية و الاستبن مركبش ( ماشى بيها حوالى 50 الف ) طبعا فى عربيات احسن منها فى نفس الفئة لكن هى تمتاز عليهم بالسعر و سعر اعادة البيع و رخص قطع الغياراقتباس:
المشاركة الأصلية كتبت بواسطة AboSalah_79
نصيحة لو اشتريتها حافظ على مشوار التوكيل كل ثلاثة أشهر او كل 5 الاف كيلو علشان هما بيتلككواعلى الموضوع ده
مشاكل الفتيس اسمع انها كتير بس العربية جميلة
الفتيس الاتوماتك بس وكمان لوحفظت على صيانتة هيبقى زى الفل وبلاش كيك داون عند الضروروة بساقتباس:
المشاركة الأصلية كتبت بواسطة ramy_150
العفشة مشاكلة كلها فى جلب المقصات بس
الثبات فوق الممتاز
الصالون رحب جدا وشيك
التقفيل متوسط يعنى حاجات بسيطة درق التابلوة بيقفل جامد بس الموضوع دة قليل
كاوتش الابواب والعزل متوسط
العربية مريحة جدااا فى السفر
العربية حلوة وحمالة اسية اووى
بس المانيوال افضل اعمل بقى اللى انتا عايزة
موافق.انا عندى 2004 وبصراحة انا راضى جدا عنها.بس خلى بالك منها.....صيانة فى اليعاد......ثانى.....الصيانة فى الميعاد.......اقتباس:
المشاركة الأصلية كتبت بواسطة sherif2010
العيوب الى اتقالت دى كلها طبيعية فى اى عربية فى نفس الفئة السعرية
و كلها بسيطة جدا
و متنساش انك بتتكلم على عربية بالوسع و الامكانيات دى و بالسعر داة
يعنى مش هتيجى ممتازة 100%
انت مش بتشترى Bmw
لازم تحط الكلام دا فى حسباتك
انا كمان معايا نوبيرا 2008اقتباس:
حضرتك انا معايا نوبيرا 2008 مش هتكلم عن الممييزات انا هدخل فى العيوب بس العربية كان الدركسيون وانتا ماشى على طول تلقية فى سنة شمال رحت التوكيل فى صيانة الألف قالى ظبط زوايا وظبط طارة (فى الضمان طبعا ) المهم التارة اتعدلت والعربية بقت تحدف يمين رحتلهم تانى بعدها بيومين قالى المهندس الى هناك دة ضغط الكوتش (كنت كاشف على الكوتش قبل ماروح تنى مرة ) المهم اتعدلت شوية بس بردة لسة بتحدف يمين حاجة بسيطة
فرامل اليد كانت عايزة رجلاش مبتمسكش العربية كويس قلتلهم عليها بقت احسن لكن بردة مش مظبوطة بتطلع اربع تكات بس الكاتلوج بيقول من 6 الى 12 تكة بسمع صوت التيل بيحك كدة يما اكون شادد فرامل اليد على منزل مثلا واتحرك على الكرسى مثلا اعد اسمع الحكة دى كأنة هتفلت
3 - الفتيس تحس انة رايح نحية اليمين كدة فى وضع المور
وكمان فى خشونة يما تيجى تجيب المارشدير فى الفتيس هتسمع ذى احتكاك كدة موجود عند ناس تانية غيرى الموضوع دة بس الموضوع دة ابتدى يقل مع الاستخدام
4- الرفرف الشمال مش ماشى مع الباب فى فرق بسيط(انا مخدش بالى يما استلمت العربية من الموضوع دة ) خلى بالك
واطية شوية بس الموضوع دة مدى العربية ثبات ممتاز دى احسن حاجة عجبانى فيها الثبات
بتاعت العيلة
اشتريناها 3-1-2008
اللى ضايقنى
وجود ميلان فى الطارة سنة نحية الشمال انا علشان معنديش خلفية عن العربيات كنت فاكره بسبب انى دايما بسوجر الطارة شمال دايما
ومع كدة العربية معايا لحد 150 160 زى الفل
الفتيس كان قارفنى فى الغيارات وكان بيحوش لكن انا عرفت هنا من المنتدى السرعات المناسبة اللى بغير عنده ومن ساعتها معدش خشن معايا انما المارش لحد الوقتى بيعمل صوت وبيحوش ساعات حتى لو انت كنت مثبت العربية كويس وانت بتنقل من غيار امامى للمارش
بس ساعات بيظبط لما اشيل رجلى من على الدبرياج واحطها تانى للاخر كويس
معدل الاستهلاك عالى شوية للبنزين بس لما سالت فى المنتدى قالو لى طبيعى ولما سالت اصحابى لقيتة زى الانسر 1600 والاوبترا فكبرت دماغى
ارخم حاجة بقى قرفانى بجد ان الكرسى السائق بيزيق هجننننننننننننننن
انت لو لفيت عربيات مصر كلها مش هتلاقى عربية صالون ومكنة1600 وبرستيج وعائلية ب 78الف زى النوبيرا
الا اذا دورت على المستعمل
وعلى فكرة النوبيرا والانوس قطع غيارها فرطة
انا اصحابى الى معاهم الاوبل واللنسروالنيسان والسكودا ولاموديلات الوروبية واليابانى بشكل عام بيعيطوا من سعر قطع الغيار والصيانة
بص يا سيدى انا فكرت انى اغير العربية السنة دى اما فكرت اجيب ايه جربت الأول الكيا لقتنى مستريح للنوبيرا احسن من ناحية الثبات روحت على الهيونداى عربية ناعمة و جميلة لكن لقيتنى هدفع 40 الف زيادة عن تمن النوبيرا و برضه هركب كورى مش فارقة كتير عن النوبيرا لقيت اول عربية حسيت بيها بفرق يستاهل التغيير هى الهوندا ثم الالمانى يعنى فرق يصل الى 100 الف و اخيرا قررت ان استغل الفلوس الى معايا فى تشطيب شقة املكها و صرفت نظر عن اى عربية جديدة صراحة انا مستريح فى النوبيرا الى اقصى درجة و كنت بفكر بس اغير لحب التغيير