الدكتور ده عبقرى ولا عاوز يعمل شغل ؟
باختصار زوجتى اتشخصت حالتها على انها روماتيود من حوالى سنة من استاذ روماتيزم فى القصر العينى ( راجل محترم قمة فى الاخلاق واحسبه على خير ولا ازكى على الله احد ) وماشية على ميثوتركسات وكورتيزون
ولكن لان سرعة الترسيب عاليه بقالها فترة ومش عاوزه تنزل ( رغم وجود بعض الاعراض البسيطة فقط )
باختصار الشكوى بقت معمليه فقط يعنى مفيش اعراض تقريبا بس سرعة الترسيب عاليه
خلال السنة الماضية عملنا تحاليل سعرة ترسيب كتيرة معظمها كان مرتفع ( بين ال 50 وال 100 ) الا فى بداية العلاج فقط نزلت 25
وكمان معامل الروماتيود كان مرتفع مرة 64 ومن ستة اشهر بقى 32
تقريبا معملتش تحاليل غير ديه وقالنا إن الروماتيود بتعتمد تشخيصه على الفحص السريرى فى المقام الاول وتأتى بعده التحاليل الطبية الى بتبقى عبارة عن عامل مساعد فقط وحتى لو تعارضت التحاليل مع الفحص السريرى فيتم تجاهل نتائجها ( يعنى مثلا معامل روماتيود طبيعى و anti ccp طبيعى مع اعراض مرض )
اقترح احد المعارف اننا نروح لدكتور يعرفه بتاع مناعة ( استشارى معاه دكتوراه وزمالة فقط لكن مش شغال فى جامعة زى الاولانى بتاع الرماتيزم ( مش عارف انى اروح لدكتور مناعة فى حالة مرض روماتيزمى ده اساسا صح ولا غلط )
ووافقت وروحنا
الدكتور الجديد كشف سريريا وسأل كتير وسمع كويس جدا وشاف التحاليل القديمة
قال انه شاكك فى اكتر من حاجة ومحتاج التحاليل ديه
سالت على التحاليل فى المختبر لقيتها ب 4450 جنيه !!!!!!!!!!!!!!!!!!!!!!!!!!!!!!!!!
[IMG]http://nileup.com/up/uploads/nilemotors_14569293221.jpg[/IMG]
انا اعملت search على التحاليل لقيت معظمها خاص بالذئبة الحمراء SLE بس لقيت بعظهم يستخدم لتشخيص المرض بس فى نفس الوقت كتير منهم بيقيس نشاط المرض بعد التشخيص ( سؤال من عندى : مش لما يتم التشخيص يبقى اقيس نشاط المرض )
بما إن الانين قالو كلام عكس بعض فالسؤال هو
هل الدكتور الجديد عنده حق ولا الدكتور القديم هو الى معاه حق ؟
طبعا معظم الاطباء نحسبهم على خير ولكن فى قلة بتحاول تتاجر وتعمل شغل ناسية ان المهنة ديه اولا انسانية وانا صادفت 2 من النوعية ديه قبل كده منهم واحد نصب على بطريقة مباشرة وواضحة وناس نصحتنى انى اروح نقابة الاطباء اشتكيه لكن للأسف مكنش عندى دليل مادى ساعتها عشان اكده اؤكد على احترامى التام للمهنة اصحابها باستثناء القلة ديه
ملحوظة هامة الدكتور الاخير عنده معمل تحاليل ملاصق للعيادة وقد اشار بامكانية عمل خصم 15 % فى حالة اجراء التحاليل بمعمله
لا تحرمونى من رأيكم ودعواتكم ( هل اعمل التحاليل ديه واستمر معاه ولا اشوف كتور تانى )
بارك الله فى صحكتم جميعا ومتعكم بالعافية