حادثة a5 والنجاه من موت الحمد لله بالصور ومشوار التصليح
الحمد لله الحمد لله ربنا نجانى من حادثة موت محقق الحمد لله على كل شئ
الاول احب اشيد بقوة ومتانة العربيه اللى لو كانت حاجه تانيه محدش كان عارف ايه اللى ممكن يحصل بس الحمد لله
الحادثه حصلت كالتالى
ماشى بالعربيه حوالى 100 باخد شمال الطريق مينى باص رمى عليا العربيه دخلت فى الرصيف الشمال راح الجنط اتكسر والكاوتش اتقطع قدام والعفشه ورا اتخبطت فالمقص اتنى والعفشه رحلت فقدت السيطره على العربيه راحت رميه شمال كان جاى منى باص تانى من ورا معرفش يلم نفسه راح داخل فيا من الرفرف اللى ورا لحد الرفرف اللى قدام راحت العربيه مرميه تانى ودخلت فى الرصيف راحت رضه من الرصيف تانى ومعومه ووقفه بعرض الطريق الحمد لله العربيات اللى بعد كدا لمة نفسها ووقفت
التكلفه حتى الان اشتريت حبة حجات كدا ودى الاسعار
عفشه خلفى كامله بدون المساعدين والسوست جبت القديمه كان بايظ نصها واخدت دى استيراد ودفعت 3000
مقص امامى استيراد 350
2 فانوس امامى تيوانى 980
2 شبوره صينى 250
طبة اكصدام 90
اشارة مرايا 80
رفرف تيوانى شمال 280
اربة مساحات 150
كرتيرة عجل شمال 150
عمه هواء سفليه 180
2 حامل اكصدام 180
2 شاسيه فانوس 100
السمكره اتكلفت 2500
وتركيب العفشه اتكلف 250 والونش اخد 750 انا واقف لحد هناالمفروض انها هتاخد 10 ايام عند البهيجى
لسه متفقناش على السعر ولا على البويا
وهجيب بقه 4 جنوط 16 بكاوتش الصور بتحمل اول مهتكتمل هنزلها