الموضوع: زيت كاسترول سؤال لاصحاب الخبرة

المشاركة الأصلية كتبت بواسطة hgfdvr

تضاربت الاراء حول عمر الزيت الافتراضي وانا من حوالي 10 سنوات بغير الزيت كل 10 الف كلم في طقس حار جدا واداء المحركات الي اتعاملت معاها عال العال من مرسيدس الى الفورد الامريكي لشفروليه لتويوتا وانتهاء بهيونداي
من مصلحة شركات الزيوت ترسيخ فكرة تغيير الزيت كل 3 الاف كيلو ومن مصلحة الشركة المصنعة لأي مكينة احتراق داخلي رفع مبيعات القطع الاستهلاكية زي الفلاتر وغيرها
دا موقع يفيد اخواني اكتر بخصوص موضوعنا
home: Check your number
تحط موديل العربية
وماركتها
ونوعها
وبيحددلك بلضبط كل كام لازم تغيير الزيت
والحساب في الموقع اعلاه بلميل الامريكي يعني تضرب الرقم الي هيطلعلك في 1.6
يعني 1000 ميل =1600كلم
وتقبلو مروري

موضوع ال3000 كيلو ده من الأساطير الشايعة في مصر بشكل مستفز

أصلا.. أقل مسافة تغير عليها هي 3000 ميل .. مش كيلو متر..

و3000 ميل = 5000 كيلومتر

بس عايز ألفت نظر حضرتك لحاجة.. إن الموقع اللي حضرتك جايبه بيجيب لحضرتك المسافة اللي كتالوج العربية بينصح بيها.. بشرط واحد

إنك تسوق في "ظروف اعتيادية".. وفي حالة الظروف الشاقة.. ﻻزم تنزل المسافة للنصف أو حسب توصيات الكتالوج... والموقع بينبه للنقطة دي بوضوح.

وللأسف.. السواقة في مصر كلها شاقة على الزيت.. ﻷن أهم الحالات اللي بيعتبر حالة شاقة هي السواقة لمسافات قصيرة وكمان السواقة في الزحمة.. والسواقة في حرارة أعلى من 32 مئوية..

كل الحالات دي موجودة في مصر.. وهنا يبقى التغيير إجباري على 5000 كم



...