عربيتى الجديدة بيجو 508 فيها مشكلة و عايز رايكم الكريم
السلام عليكم انا جبت بفضل من الله من كام شهر بيجو 508 و المشكلة اللى صادفتنى مشكلة غير فنية اى مفيش خلل فى العربية نفسها و لكن فى الظروف و الحقيقة محتار جدا و يهمنى رايكم الكريم و بأختصار العربية جبتها على الزيرو اول فئة و كان جزأ من طبيعة عملى اشتغل خارج مصر 3 شهور و فى مصر 3 شهور و ده شجعنى اجيب العربية على اساس انى بركنها فى الجراج و 3 شهور و لما ارجع مصر استخدمها فى مصر و الحقيقة عندى عربية تانية نيسان صنى مبعتهاش لما جبت البيجو لانها بحالة ممتازة و استخسرت البيع و بستخدمها داخل القاهرة و البيجو للسفر فقط, طيب المشكلة فين , لظروف فى العمل مضطر اكون فى السعودية من 10 شهور الى سنة كاملة مش كل 3 شهور زى الاول و الحقيقة بقيت محتار هلى ابيع اليجو و اكتفى بالنيسان القديمة و لما ظروف العمل تتغير او افكر نزول نهائى ابقى اشترى عربية تانية جديدة و لا اسيب البيجو , فى التوكيل قالوا لى ممكن انفخ العجل على 43 و اشيل البطارية مادام فى جراج خاص لمدة سنة بلا مشاكل و عايز اشرك حضارتكم فىالتفكير معى هناك ثلاث خيرات
الأول : اسيب البيجو فى الكراج سواء مرفوعة او بنفخ الاطارات على 43 لمدة سنة و عيب هذا الراى فقدان سنة كاملة من الضمان و ركنة العربية سنة ممكن يعمل مشاكل و الميزة ان الاسعار كل يوم فى العالى و ممكن عند شراء عربية تكون الاسعار عالية و لا اتعرض لخسارة فرق بيع العربية لما كانت على الزيرو
الرأى الثانى : اعمل توكيل بالبيع لما اشوف ظروف العمل و بعدين افكر ابيع ولا لأ بمعنى ادى نفسى فرصة للتفكير و متابعة الظروف و ده فى الواقع تاجيل للمشكلة.
الثالث : بيع العربية : المميزات : الخسارة المالية هتكون معقولة , لأنها هتكون كسر زيرو ( عملت فقط 4000 كم ) و ان سعر البيجو زاد 15 الف جنية بعد شرائها و ده هيرفع سعرها , و ابقى اشترى واحدة تانية جديدة عند تغير الظروف , العيب الاهم ان يا عالم سعر الجديد هيكون بكام عند الشراء و الدولار قاعد ينط زى فرقع لوز . و يحبذ هذا الراى وجود عربية تانية موجودة , وطبعا ممكن دمج الراى الثانى و الثالث مع بعض.
هى المشكلة مش عويصة و الحمد لله بس الغرض اختيار القرار الصحيح و الى الان مش عارف ظروف العمل الجديدة هتكون سنة واحدة او ممكن تزيد عن سنة .... مع خالص تحياتى فى انتظار رايكم المحترم