كارثة جديدة.. "المركزي" يسحب 3.5 مليار دولار من مدخرات المصريين لتمويل فتح الاعتمادات للمستوردين.. وخبراء: أزمة حادة والبنك ينتهج سياسة "التعتيم"
http://www.dostor.org/995423
عرض للطباعة
كارثة جديدة.. "المركزي" يسحب 3.5 مليار دولار من مدخرات المصريين لتمويل فتح الاعتمادات للمستوردين.. وخبراء: أزمة حادة والبنك ينتهج سياسة "التعتيم"
http://www.dostor.org/995423
بص انا متابع جريدة قذرة اسمها اليوم السابع
كل يومين حظر النقاب ماعرفش فين حظر الاذان فى اسرائيل و تعليقات تحت فرحانة-قانون حذف مادة الدين المهمشة اصلا فى المدارس
اخرة المطاف شوية قلل فى المجلس عاوزين قانون يمنع المنقبة تمشى فى الشارع اساسا
من الاخر لو انظام كده البلد دى لوقامت هتبقى كيان فرعونى بعثه الله بعد الاف السنين
فاحسنلها تفضل متخلفة و تكفى شرها عن عباد الله
فبالسلامة يا مصر و اشربى من ال-------(مرتضى عارفها)
اهو خبر زى ده بكره الصبح المصريين هيبقوا طوابير امام البنوك لسحب مدخراتهم
اعتقد ان هذا شيء مدمر لاى نظام بنكى مهما كانت قوته
الكارثة فى نشر الخبر اكبر من كارثة الموضوع نفسه
يعنى حتى اعلام بيولعوا فى البلد باديهم
الجماعه المغتربين لو معاكم دولارات حولوها لشهادة بلادي الدولارية
ساهم في نهضة مصر يامواطن يا ابن ال..
وطن :-)
تحت شعار:
جحا اولى بلحم طوره
#المصري_اليوم| شهادة «بلادي».. آخر مبادرات الحكومة لحل أزمة الدولار (تقرير)
حبيبى انت قريت الخبر طب اقرا تانى بص دى
"وأكد أن سحب البنك المركزي –إن صحت المعلومة- في مدخرات المصريين الدولارية تصرف فيما لا يملك، مضيفًا أن هناك نقصا في العملة الصعبة لدى البنك المركزي ولم يتم استعواضه من إيرادات السياحة أو رسوم المرور بقناة السويس."
أن صحت المعلومه خبييييييييير ميعرفش اذا كانت المعلومه صح او غلط و بنى على اساها كلام و الجريده عامله عنوان كبير ممكن تقرا المقال هتلاقيها اشاعه و مكتوب فيها انها اشاعه محاوله لجعل المصرين يسحبو مدخرات الدولار تعميقا للازمه كال الرغى ده و بيقولك ان صحت المعلومه
عارف لو نقرا احنا بس و نسيبنا من السياسه و نركز فى مصادر الاخبار هنبقى احسن و الله قالك ان صحت المعلومه الى هو اصلا مصدرها هههههههه
انا بصراحة كنت شاكك ان الخبير ده من الجماعه المحظورة وبيقول كده عشان يداري الانجازات اللي اتعملت في مصر وكلنا شايفينها
انا باشكرلك من كل قلبي عشان نبهتني للحقيقة
"وأضاف «توفيق» أن الشعب المصرى فى انتظار «أحمس» جديد، موضحاً أن الإخوان أثبتوا فشلا كبيرا فى إدارة البلاد."
الخبير هاني توفيق: التخبط ونقص السيولة وأداء الحكومة أدخل الاقتصاد غرفة العناية المركزة (حوار) | المصري اليوم
المهم نبقى كده :Bravo:
البلد خربت فعلا؟؟؟
لفيت على 5 فروع لبنك مصر عشان أسحب حوالة ليا بالدولار ومافيش دولار واحد في البنك !!!! حاجة قرف فعلا
خبر غريب مالوش طعم لإنه مستحيل يحصل حتى لو الظروف أصعب من كدة لإنه ده بيدمر الثقة فى الحكومة من المصريين و الأجانب .و لو فعلا عملوا كدة يبقى مالهاش لازمة يطلع يقول صبحوا على مصر بجنية . كمان كله حيخاف و اللى معاه دولارات مش حيحطهم فى بنك و اللى برة مش حيحول و الأدهى إن مافيش توكيل أجنبى أو مستثمر حيشتغل فى دولة الحكومة بتاعتها كل ما تتزنق تقلع ( قصدى تاخد اللى فى البنك ) . ومش بعيد كمان ينزل بسعر الدولار خمسة جنية و يقولك خد دولاراتك مصرى بسعر البنك. ده كلام فارغ
الغريب إن الخبر لا وجود له على العدد الورقى للجريدة .طبعا علشان هو خبر مفبرك و قد يعرض رئيس التحرير و صاحب الجريدة للسجن بتهمة نشر أخبار كاذبة فنزلوه على الموقع و مانزلش على العدد الورقى علشان أكيد خايفين من سمير صبرى المحامى إللى مش سايب دبانة فى مصر مش عامل فيها بلاغ .
طبعا أنا مش حأعمل زى غيرى و أقولك إنت أصلك من الجماعة إياهم و بتنشر الإشاعات و الكلام الأهبل ده . و المفترض فيك حسن النية لإنك جايب الخبر من موقع جريدة مش من عندك . بس أحب أقولك إن الأخبار اللى زى دى ما تصدقهاش كدة على طول و تنشرها . على الأقل تبقى متكررة فى كذا موقع مختلف التوجه زى مثلا مصراوى مع اليوم الساقع .
الموضوع مش كوميدي ولله يا اخوانا ومش حمل تريقة
الأمور ماشيه في اتجاه مخيف جدا .. وربنا يستر
احنا مشيين في اتجاه واحد بسرعه متزايدة ومفيش فرامل ولا اي بوادر ان النزيف دا يقف
يالا يا اخوانا الى يقرا الخبر دة يقوم يجرى على البنوك و يسحب مدخراته علشان الجهاز المصرفى بتاع بلدة يقع و تبقى الفلوس ملهاش قيمه و البلد تفلس او لو مغترب متقربش من الشهادات الجديده علشان نقعد كلنا نضحك على خبيتنا و نقول هيه - هيه وقعناها وقعناها
انا بس احب ادعو الناس انها تلاحظ مين الى بيحب ينشر الاخبار المشمومه الى زى دى و شوفو هوه قاعد جوة مصر و لا براها
لا حول ولا قوة الا بالله
حأعطي مثال على عدم تصديق المواقع الإلكترونية ( و طبعا الطنيطر و الفيس بونك)
النهاردة لقيت خبر غريب جدا أحب أشارككم بيه يمكن حد يلاقى تفسير منطقى .
أولا علشان الكل يعرف أنا مش تبع أى إتجاه سياسي من اللى بيتخانقوا مع بعض من بعد 25 يناير و لا كنت تبع اللى قبلها . أنا زي ماتقولوا كدة تبع مدرسة باسم يوسف فى تشغيل الدماغ قبل ما أصدق الخبر .
النهاردة على موقع مصراوي مكتبوب مقال بعنوان كيف حصلت مصر على 192 مليار جنية فى 6 أشهر فى تقرير منشور على موقع وزارة المالية : مقصود يعنى اللى دخل مصر فى 6 شهور 192 مليار ( طبعا الموازنة العامة كانت معمولة على حوالى 800 مليار على ما أعتقد ) يعنى المفروض يبقى الدخل حوالى 400 مليار مش 192 مليار بس فى 6 شهور . طبعا ده له مؤشر سلبي إلا إذا كانوا أغفلوا بند المنح و القروض . لكن كل ده مش موضوعي .
فى وسط الخبرر مكتوب إن الدخل من قناة السويس إرتفع إلى 6.4 مليار جنية . حنقول مليار دولار . و دائما نلاقى سيادة الفريق مفيش يطلع كل كام يوم يقول عدى النهاردة 50 سفينة و دخلوا مش عارف كام مليون دولار . و آخر حاجة من كام يوم تقرير بيقول إن دخل القناة إنخفض إلى 5 مليار دولار و شوية .
السؤال من غير تشكيك فى أى حاجة أو أى جهة . لإن الكلام ده كتر فيه الكلام من زمان جدا . إزاى الدخل يبقى 5 مليار و المالية تقول إن اللى دخل أقل من مليار ( حنقول 2 بنهاية السنة ) . يمكن و الله أعلم بيجمدوا الفرق كل سنة للطوارىء و الأزمات
طبعا أكيد إحنا حنكذب موقع مصراوى علشان مش عارف أكذب وزارة المالية و لا أكذب جهة أخرى أحسن تزعل و لا حاجة و يرجع سمير صبرى يرفع عليا قضية
طبعا ده مثال لكل واحد فيكم . متصدقش المواقع الإليكترونية :10D5C8w1107:
متشكر ليك جدا على تاكيد المعلومه الى قلتها للناس
طالما مش قاعد فيها يبا ربنا يكرمك كده و سيبنا فى حالنا علشان نعرف نربى عيالنا تربيه صالحه و نطلعهم صالحى القلوب متزنين لا يحملون الحقد و الغل لبنى جلدتهم و نعرف نعيش فيها على رغم المصاعب الى بتقابلنا و ناخد بالنا من اهلنا ( لاننا فى رباط الى يوم الدين )
و رحم الله امرا نام و لم يكن فى قلبه غل لاحد
مرارتي الصغيرة لاتتحمل
ربنا يهدى
استهدوا بالله دا حتة خبر لا راح و لا جه
الأخ رحالة اتقي الله يا اخي
صدق الأخ mmtronic لما توقع انك عايش بره وبتقول كمان ساحب فلوسك ومصمم تنشر الاشاعات , انا قريت تعليقاتك كلها مستفزة مش بس في الموضوع دا في كل المواضيع اللي ليها علاقة بالبلد , واضح اوي كمية الكره والغل اللي في قلبك , قلبك مليان سواد والعياذ بالله , اعوذ بالله منك يا اخي
سبنا يعم في خبتنا وربنا يباركلك في عيالك وفلوسك بس طهر قلبك الأول علشان ربنا يباركلك فيهم
احنا نبص للنص المليان من البلاص
هبوط قيمة الجنيه هتزود ايرادات قناة السويس
فيه ناس الغرض عمى قلوبها
لعن الله الغرض فهو مرض
لا تشمت فى بلوة اخيك فيعافيه الله و يبتليك
بسم الله الرحمن الرحيم
وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا
صدق الله العظيم
فيه ناس بتكره البلد دية ...و عندها اسبابها من وجهة نظرها...و لا يستحوا ان يظهروا ذلك...و هم لا يفرقون بين الحكومة و الشعب ...و يتمنوا كل الشر للدولة و الشعب
المشكلة ليست في اولئك ...لان موقفهم واضح وضوح الشمس
المشكلة في اولئك الذين يتابعون حال البلد كانهم يعيشون فيها و يظهرون حزنهم و تاثرهم بحالها و ما وصلت اليه و هم يطيرون فرحا
طول ما الكره و الغل موجود فى القلوب و النفوس الى بتنسى خلق الدين يبقى مفيش فايدة
الى شمتانين فى بلدهم و فى اهل بلدهم و همه قاعدين بره دول يقولولنا الناس فى البلاد الى عايشين فيها بيعاملوهم اذاى .... مواطنين درجه تالته ( لو بلد اجنبى حيبصلك انك عربى مسلم ملكش ديه عندة - و لو بلد عربى يبقى انت و احنا ادرى باللى بيحصلك هناك :) )
اه ممكن تكون عايش فى بلد نضيفه - ناس مستحميه كدة و شكلها حلو بس بتتعامل انت اذاى ( انا سافرت تلتين بلاد العالم و اعرف كويس الى انا بقوله )
انت يا محترم عايش بره بس متقدرش تفتح بقق و بردة مطاطى - يبقى حط لسانك جوه بقق و بلاش تاذى خلق الله و يكفى اننا عايشين فى بلدنا على حلوها و مرها و بنكافح
كلام سليم
و اضف عليه انهم ماشيين هناك جنب الحيط و محدش يعرف يعلي صوته
و علشان كدة تجدهم يتابعون الاخبار عن مصر بكل شغف
هم اغراب في خارج مصر و اغراب داخلها
من حقهم ان يختلفوا مع الدولة و من حقهم يكرهوا الدولة وفق اسبابهم....لكن مفيش داعي لشغل المنافقين الشمتانين
من الاخراقتباس:
هم اغراب في خارج مصر و اغراب داخلها
و احب اضيف ان هوا دا اخرهم .
البلد بتعمل فى بعض ولادها ما يجعلهم يكرهونها
يعنى لما تبقى منبوذ او مهدد دون ادنى جريرة الا لمظهرك الشخصى
لما تلاقى الناس بتمشى القدام و البلد بتمشى بظهرها
اتفق معك تماما فيما ذكرته...فلا يجب ان ندفن راسنا في الرمل و ننكر السلبيات...
لكن اذا كرهت البلد لا داعي للنفاق - لا اقصد حضرتك - بمعنى اللي يكرهها و عنده اسبابه هو حر و لديه اسبابه و ربما يكون محق...
المشكلة في اللي بيكرها و بيشمت فيها و لا يعنيه الغلابة و المساكين اللي لا حيلة لهم...
المشكلة في اللي بيكرهها و فاضي و قاعد لها...ينشر الاخبار السلبية آل يعني بيتحسر...و هو في قمة السعادة...
الفرق بينهما كبير...
اللي البلد ظلمته فقرر ان يسعى في ارض الله الواسعة يطلب الرزق الحلال...يختلف اختلاف كلي عن المنافق او الذي تاكله نار الغل
اتحدث بصفة عامة و لا اقصد احد بعينه، فهما صنفان...و الفرق بينهما لا يخطئه مبصر