مشكلة فى بى ام دبليو 320iموديل 2007

**محمد سمير المر** · 07-03-2016 04:04 PM

معلش تعبتكوا معايا ياريت تساعدونى بقدر الامكان لان نقص 2 كيلو زيت فى اقل من الف كيلو كتير جدا والدخان الى بيطلع دة بظروفها جدا عشان يحرق 2 كيلو زيت

**محمد سمير المر** · 07-03-2016 04:05 PM

معلش تعبتكوا معايا ياريت تساعدونى بقدر الامكان لان نقص 2 كيلو زيت فى اقل من الف كيلو كتير جدا والدخان الى بيطلع دة بظروفها جدا عشان يحرق 2 كيلو زيت كمان نصحونى اغير زيت كسترول

**محمد سمير المر** · 08-03-2016 12:52 PM

النهردة الصبح دورت العربية عشان تسخن فبل ممشى بيها بعد لما دارت بحوالى 20 ثانية المكنة اترعشت وبطلت دة ممكن يكون من اية كمان معروض عليا موتور 2000 سي سي بستة الاف جنية هيتشال من على نص انتو ايه رايكم ولا اصرف على الموتور دة واعالجة احسن شورو عليا

**محمد سمير المر** · 10-03-2016 12:32 PM

المشاركة الأصلية كتبت بواسطة محمد سمير المر

النهردة الصبح دورت العربية عشان تسخن فبل ممشى بيها بعد لما دارت بحوالى 20 ثانية المكنة اترعشت وبطلت دة ممكن يكون من اية كمان معروض عليا موتور 2000 سي سي بستة الاف جنية هيتشال من على نص انتو ايه رايكم ولا اصرف على الموتور دة واعالجة احسن شورو عليا

**borio1704** · 18-03-2016 02:45 AM

إيه نوع الزيت اللي حضرتك بتستخدمه؟؟؟

خلي بالك ان بي ام بتشترط انواع زيوت معينة تتحط في مواتيرها

فممكن جدا تكون المشكلة في الزيت..ومجرد ما تحط الزيت الصح تختفي المشكلة.. او تقل .

**borio1704** · 22-03-2016 12:21 PM

المشاركة الأصلية كتبت بواسطة محمد سمير المر

على فكرة كلام حضرتك صح الصح لانى غيرت نوع الزيت وتقريبا المشكلة انتهت مؤقتا انا كنت حاطت زيت موبيل وغيرته بعد نصيحة بعض الناس بكسترول وحاليا احسن بس لو فيه حضرتك زيت معين عرفنى بيه

إن شاء الله يكون الزيت اللي استخدمته هو المناسب للعربية فعلا...

أحسن زيت للعربية هو المكتوب في كتالوجها..

والوصلة دي تقدر تنزل كتالوج عربيتك (نسخة أمريكا)... ومنها تقدر تعرف نوع الزيت المناسب.

http://www.bmwusa.com/pdf_bce4895e-1...2feab80af.arox

توصيات الزيت موجودة في صفحة 133.. وبالمختصر بتقوللك التالي:

اللزوجة:
5W-30 أو 5W-40

مستوى الأداء:
لازم يكون الزيت معتمد من BMW (عليه رقم مواصفة زيت تابعة لـBMW)... وتفاصيل مواصفات BMW للزيوت أنا قلت لحضرتك عليها في الموضوع ده:

http://www.nilemotors.net/Nile/485793-320.html

يا ريت تقول لنا إيه نوع الزيت اللي حضرتك كنت بتحطه والزيت اللي بتحطه حاليا (ماركة - اسم تجاري - لزوجة)... لإن نوع الزيت مش بماركته بس...

فيه تفاصيل تانية كتير لازم تتقال.

زي كده: موبيل 1 - ESP فورميولا - 5W-30
أو كده: كاسترول - ماجناتك - 5W-30

وكل ما قلت اسم الزيت بالكامل نقدر نعرف مواصفاته الفنية ونقدر نقوللك إذا كان مناسب ولا لأ لعربيتك.

...