شهادتي بعد مابعت الاسكورت بعد عشرة 8 سنين.

**egytamer** · 06-03-2016 12:55 PM

بعد عشرة 7 سنين بيعت الاسكورت شوفت ايام حلوة وايام صعبة معاها ودا انطباعي عنها
من احسن الميكانيكة الي في اي عربية ركبتها في حياتياعطال تكاد تكون معدومة مفتكرشي عطلت مني اكتر من 3 او اربع مرات خلال الفترة دي ( انا بتكلم عن الميكانيكة ).
كهرباء مش هعرف احكم بحيادية لاني لما جبتها كانت تعبانة جدا في الضفيرة فطلعت عيني لحد ماظبطها كانت بتسخن كل شوية وتقف مني بس بعد ماظبطها بقت معقولة جدا.
عفشة حلوة جدا وثابتة جدا بس في نفس الوقت واطية وبتحك في كل المطبات تقريبا.
صالون واسع وجميل وخامات ممتازة
صاخ خارجي متين وجميل وبيستحمل
تكيف مش اوي بصراحة
يعيب العربية برضو انها مش اي حد بيشتغل فيها لان علشان يتفك ايجزء منها بيتفك معاة حجات تانية كتير فلازم الي بيشتغل فيها يكون متخصص فورد او علي الاقل حد بيفهم كويس
قطع غيار اسعارها معقولة وموجودة جديد واستيراد وعمري موقفت علي حاجة مش موجودة.
استهلاك بنزين عالي شوية.
في النهاية الاسكورت هتوحشني والفورد عموما من العربيات المحترمة والي جودتها ممتازة
مش هقدر اسيب قسم فورد لاني اتعودت علية واتمني في يوم من الايام اركب فورد حديثة فوكس او كوجا او الزهر يلعب واركب فيوجن بقا.

**Mecha** · 06-03-2016 01:18 PM

طب حضرتك بعتها ليه
ولما اتباعت عامله كام كم ، المتور هو هو اللي فيها لما اشترتها ، احتجت تعمل عمره وعلي كام كم ، ايه الشغل الكبير اللي اتعمل فيها
وايه الاختيار الجديد
وشكرا

**عبدالله برعى** · 06-03-2016 02:24 PM

-وهل توصي بها ام يوجد خيارات افضل منها؟
وما كمية استهلاك البنزين المقصودة لتر/100 كم
وصلي اللهم وسلم وبارك على سيدنا محمد وعلى آله وصحبه أجمعين

**egytamer** · 07-03-2016 10:45 AM

المشاركة الأصلية كتبت بواسطة mecha

طب حضرتك بعتها ليه
ولما اتباعت عامله كام كم ، المتور هو هو اللي فيها لما اشترتها ، احتجت تعمل عمره وعلي كام كم ، ايه الشغل الكبير اللي اتعمل فيها
وايه الاختيار الجديد
وشكرا

بعتها للتجديد للاعلي لاني عايز عربية موديل احدث واتوماتيك وامكانيات اعلي
وانا غيرت المتور بسبب ان اخويا مشي بالعربية من غير مية
عملت شغل كبير في الضفيرة علشان تتظبط وغيرت علبة الفيوزات
اخترت الميجان لانها من نظري افضل سيارة مستعملة كقيمة واوبشن مقابل لبفلوس الي بتندفع فيها كان نفسي اجيب فوكاس بس للاسف الاوبشن الي فيها قليل جدا

**egytamer** · 07-03-2016 10:48 AM

المشاركة الأصلية كتبت بواسطة عبدالله برعى

-وهل توصي بها ام يوجد خيارات افضل منها؟
وما كمية استهلاك البنزين المقصودة لتر/100 كم
وصلي اللهم وسلم وبارك على سيدنا محمد وعلى آله وصحبه أجمعين

اكيد اوصي بها لانها عربية ممتازة وبسعر حلو جدا اهم حاجة تكون بحالة ممتازة علشان ميصرفش عليها اكتر بكتير من الي هيوفرو فيريح نفسو من الاول
مش قادر احدد كمية استهلاكها للبنزين قد اية بس كنت بفول كتير بصراحة