شباب
ايه رايكم فى مشروع مخبز افرنجى عيش فينو وقرص وبقسماط ومعجنات وكده
اللى اشتغل فى الموضوع ده ياريت يفيدنى باى نصيحه
عرض للطباعة
شباب
ايه رايكم فى مشروع مخبز افرنجى عيش فينو وقرص وبقسماط ومعجنات وكده
اللى اشتغل فى الموضوع ده ياريت يفيدنى باى نصيحه
متابع
نجاحه يعتمد علي مكان الانشاء وخبراتك في هذا المجال ام ستستعين بأفراد اخري
ولو توفرت شروط فانه من المشاريع الجيدة المربحه
حاول برضه تسأل الناس اللى فاتحه محلات عموما ازاى بتتعامل مع الضرائب والصحه وبيطلعوا تصاريح منين للصحه وهكذا. بالنسبه للمشروع لو ليك خبرة فيه يبقى افضل بكتير عن اعتمادك على المعلومات اللى هتخدها من الصنايعية اللى هيشتغلوا وبالتوفيق
لو مش انت اللي هاتتولى إدارة المشروع يبقى بلاش لأنك بجد هاتخسر بناء عن تجربة صديق
مكان مناسب
صنايعيه شاطره
اداره من حديد وملمه بكل اركان المشروع
بالاضافه الي عربيه او اي حاجه تلف توزع علي الماركتات
ودي اهم من البيع للزبائن
بالنسبه للمكسب فهو مربح جدا لو تم ادارته وتأسيسه بشكل صح
ماشاء الله ربنا يبارك
انا شايف المشروع ده بينتشر فى عندنا فى المحله واكثرهم من الصعيد وماشاء الله عليهم ...الموضوع ناجح لانهم بيختاروا اماكن فيها حركه ..وشغالين زى الفل ماشاء الله
هى دى الافكار ..حضرتك هتشغل فلوسك وان شاء الله فى ربح...وشوف هتشغل كم واحد معاك بكم اسره وراه...وهيشتغل وراك كتير من سيارات نقل الى دقيق الى زيوت وغيره وغيره وكل ده من وراء مشروعك ان شاء الله
مش كل يوم نلاقى واحد عينه مش شايفه غير السواد والخساره ويقولك بلاش مشاريع اصل مصر مش عارف ايه ...واخربها ازيد ماهى بتخرب
توكل على الله وان شاء الله خير لكن ادرس الموضوع وتكون متمكن من ادواتك
بالتوفيق ان شاء الله
خبرتك فيه هى العامل الحاسم لسه واحد فاتح عندنا بشكل بدائى جدا بس عشان صنايعى واختار مكان مفيهوش فرن الا على بعد كبير مشاء الله مبقاش ملاحق على الشغل حرفيا