محتاج اسئل على كذا حاجة لو حد لية خبرة فى الموضوع يقلى ويتابع الموضوع علشان اسئلة
عرض للطباعة
محتاج اسئل على كذا حاجة لو حد لية خبرة فى الموضوع يقلى ويتابع الموضوع علشان اسئلة
اتفضل عايز تستفسر عن ايه
استاذ طارق .. شكرا للاهتمام اولا
القصة انى كنت بحب اشوف اسماك الزينة لكنى لم اقم باى عملية شراء حتى رويتى لحوض سمك صغير
اشترتة احدى زميلاتى فى العمل والتى تهتم بتربية الاسماك
طلبت منها انها تقوم بشراء حوض خاص ليا واسماك على زوقها
جابت الحوض فقط زجاج ملصوق بالسليكوت نفس الحوض دا تمام
http://www7.0zz0.com/2010/09/06/12/580635116.jpg
ومعة اربع سمكان نفس الحجم واللون 3 اناث وذكر من نوع جرامى
هذا هو شكلهم تمام
http://www.petpig.com/fish/fish/Molly-Sailfin.jpg
وجرش واعتقد ان اسمة جرش مكرونة مش متاكد وجرش صناعى ملون احمر
واخبرتنى انى لن احتاج الى اى مواتير او فلاتر للماء فقط كل اسبوع اقوم بازالة ربع ماء الحوض ووضع ماء جديد مكانة
اخبرتنى ان تكلفة كل تلك الاشياء 150 جنية ودفعت لها ولكنى اعتقد ان السعر اقل من ذلك
السؤال هل كلامها صحيح فيما يخص هذا النوع من الاسمال .. خاصة انى بحثت على الانترنت رايت ان الكل يتحدث انة لابد من وجود فلتر وماتور وبدون ذلك يموت السمك
السؤال الاخر الاسماك نفس اللون وبالتالى لا اشعر بحس جمالى بالحوض ما نوع السمك الذى يمكن ان اشتريتة واضعة فى نفس الحوض بدون ان ياذى احد انواع السمك النوع الاخر .. ومهو اسم نوع الجرامى بالظبط الى عندى وما مميزاتة وما عيوبة
اسف لطول الموضوع
اسف دا الشكل الحقيقى للاربع سماكات
http://files2.fatakat.com/2013/1/13575865078048.jpg
لا ده سمك كوى وهو من انواع الجولد ويحتاج لموتور هواء او لفتر
والفلتر هيقوم بالواجب من غير موتور عادى ..يوجد فلتر بور هيد وهو الافضل للتنظيف وتقليب المياه وسعره فى التناول
ممكن مع الاسماك دى يعيش بليكو ستوماس سمكه تعيش على الطحالب وتقوم بتنظيف الزجاج....... وممكن جولد فانتيل ..او بلاك مور..انواع الجولد والفانتيل واشكالهم والوانهم متعدده ولكن اعمل حساب حجم الحوض ولاتجعله مزدحم
+11111111111111
عندي سؤال...
عندس سمكة جولد نفس الشكل الي في الصورة حجمها كبير حوالي 20 سم أو أكثر. وفي سمك آخر ولاحظت إن الكبيرة بتحاول تاكل الصغير وفعلا لقيت سمكتين صغيرتين مفقودتين حجمهم حوالي 2.5 سم.
الغريب إني لقيت سمك أكبر حجما بيموت من 4 إلي 6 سم.
فهل دا طبيعي إن الجولد يفترس بعض السمك؟ إلي أعرفه أنه مسالم..؟
يبقا انا بعتلك صورة سمكة تانية لانها فعلا سمكة جرامى الى عندى اتاكدت منها النهردة وقلتلى انهم اتنين دكر واتنين نتاية
عايز احط معاهم سمكتين كمان احط اية
والجرامى يحتاج فلتر ولا حاجة متور ولا زى مقلتلى اغير ماية وخلاص
نقطة اخيرة هااااااااااااااااامة انا حطتهم امبارح فى الحوض فات 24 ساعة المية متعكرة شوية اية السبب واعمل اية
سمكه 20 سم :) لو فتحت فمهاللاخر هيكون كم سم...... يعنى هتبلع اى سمكه صغيره....والسمك المسالم عادى جدا بياكل سمك صغير ..مثال بسيط لو عندك سمك ولود ..لو تركت السمك المولد لسه ساعتين لن تجد ولا سمكه..الكبير سياكل الصغير
مهم جدا السمك الصغير يكون اكبر من فم السمك الكبير المسالم
لكن السمك الشرس مبيفرقش معاه الكلام ده
لو حجم الحوض متوسط و عدد الأسماك اربعة فقط ممكن تستغنى عن الفلتر و الموتور بشرط تغيير ربع المياه كل اسبوع لتخفيض نسبة اليوريا فى المياه فقط و حتى لو الأسماك من النوع الخيشومى فالعدد الصغير من الأسماك يستهلك كمية بسيطة من الأكسوجين المذاب فى الماء و هدف الموتور تقليب الماء لزيادة نسبة الأكسجين المذاب فى الماء أما الفلتر فيهدف إلى إزالة الشوائب من الماء و مع وجود عدد صغير من الأسماك يمكن الإستغناء عن الفلتر و الموتور أو يمكن شراء فلتر فقط و هو سيقوم بالدورين معا
اما الذى ستحتاجه فعلا هو سخان المياه إذا كان نوع السمك جرامى فعلا فهو يعيش فى درجة حرارة من 20-25 مئوية أم لو كان من أنواع الجولد فيش فلا حاجة للسخان أيضا حيث يمكن أن يعيش فى درجات حرارة منخفضة جدا بدون مشاكل
اسباب تعكر المياة السريع غالبا بتكون بسبب زيادة الطعام عن حاجة السمك أو عدم غسل مكونات الحوض جيدا او وضع قطعة ديكور ملونة و لونها ذاب فى الماء
هما الاربع سمكات حطيت اول يوم ثلاث قطع اكل وبعد 24 ساعة قطعتين كمان وبعدها لقيت التعكر
وفعلا عندى قطع ملونة بس كما سبق فى الموضوع الى جبتهالى قلتلى ان القطع دى مستوردة لا يذوب لونها فى الماء
عمتا اية الحل . انا باخد برايها وبقلها انا عندى ماية مركونة تقريبا بقدر ربع الحوض ركنتها خارجا علشان الكلور يطير فقلتلها اروح اشيل ربع مياة الحوض المعكر واحط لجديد قلتلى لاء بعد اسبوع. اعمل اية
والفلتر اشتريتة منين وبكام واركبة ازاى وشكراا
نزلت لواحد قريب منى ادانى الفلتر دا .. قولتلة عايز فلتر ضعيف علشان ميتعبش السمك لان الحوض عندى صغير
دى صورة الفلتر
http://i.imgur.com/BSE5Ki3.jpg
ودا الحوض بتاعى
http://i.imgur.com/ApD8QLJ.jpg
http://i.imgur.com/MP4UDzJ.jpg
http://i.imgur.com/3Rr7oFL.jpg
ماشاء الله ............
السمك عندك هو جولد جوارمى وهو من الاسماك الرئويه ولكن بعد تركيب الفلتر تقدر تضع معه بعض انواع الاسماك عادى جدا
مثل البارب تايجر وممكن آنجل او بلو ستريب كات فيش او مولى او بلاتى فيه كتير يتوافق معه
لكن عليك الان تظبيط سخان ثرموستات وتقريبا ثمنه يبدأ من 25 جنيه (مش متاكد لان السخانات عندى من سنين).وظبط درجه الحراره مابين 25 الى 28.... وسبب تعكر الماء لان الحوض جديد وبدون فلتر ولم تكتمل الدوره البيلوجيه
ثانيا انت محتاج خلفيه جيده للحوض لاظهار جماله
لاحظت وجود معطر جو بجوار الحوض ..... خطر جدا لان الرزاز ممكن يدخل للحوض والسمك يموت
ثانيا حوض السمك يجب ان يكون مقارب للطبيعه يعنى كل ما بداخله يكون اشياء طبيعيه او شبه طبيعيه...مع بساطه وترتيب مقارب للطبيعه التى يعيش فيها السمك او كأنك ترى قطعه من البحر فى بيتك...اعذرنى انا حاسس ان الحوض كأنه علبه بنبونى بسبب الالون من الداخل والخارج .....لكن لو حابب كده مفيش اى مشكله...لكن داخل الحوض ارفع الالوان واعتمد على الزلط الطبيعى الصغير او كسر الجرانيت
ولا انا فعلا اللون الاحمر دا هشيلة من الحوض...
ثانيا بالنسبة للمعطر هو لا يعمل وانا هقوم بالازالة من جوار للاحاطة ومنبة على من فى البيت ممنوع تمام رش اى عطور او مبيدات بجوار الحوض
المهم انا وجهتنى مشكلة دلوقتى روحت جبت الفلتر زى مقلت لحضرتك بس قوة الدفع قوية على الحوض الى للاسف اضحك عليا فى فلوسة وكان المفروض يجيلى اكبر من كدا ....والسمك بيستخبى على جمب .. مع انى قايل للعامل فى المحل ان الحوض صغير قلى دا هيناسبك
دلوقتى اعتقد مش هيرصى يرجع الفلتر .. هل اترك الفلتر فى الحوض واشغلة كل فترة انضف بية المية ولا ملوش لازمة كدا
ولا احاول ارجعة
ولا احاول اشوف حجم اصغر من كدا لو فية فعلا
انا مدايق جدا يا استاذ طارق حاسس انى عاكك الدنيا
دا الصورة بعد تركيب الاضاءة وبتوضح قوة الفلتر وتاذى الاسماك منها
http://i.imgur.com/EPCGT7B.jpg
موضوع الفلتر متقلقش ومتزعلش وجه فتحه خروج الماء الى جانب الحوض وبكده هتخفف الضغط على الاسماك من قوه التيار
والاضاءه داخل الحوض بتكون بشعه هههههههههه بلااش خلى اضائتك داخل الغطاء وعينك لاتراها... لانك كده مش هتشوف السمك وجماله من اللمبه الداخليه...........................
لسة مشترتش سخان فعلا ومش هشترى غير على الشتا الجى بقا رلان جو شقتى بالفعل دافى
انا عارف انك زهقت منى بس محدش بيفدنى غيرك والله
دى صورة الغذاء الى عندى الى ادهولى بتاع السمك قلى النوع الى على اليمين هتحط للاربع سمكات قطعتين منة فى نفس المعاد لمدة تالت ايام واليوم الرابع حط تمن حبوب صغيرة منها والتالت ايام الى بعدهم احط النوع الى على اليمين وهكذا.. هل كلامة صح وهل فى علاج افضل لاسماكى الجرامى جولد
http://i.imgur.com/ljMcxsi.jpg
لا مش ممكن ازهق ولا حاجه انت تأمر
النوعين علف اسماك وحبيبات عادى عايز تاكل من اى نوع منهم بفترات منتظمه عادى ولو عايز تستمر على واحد منهم عادى جدا وممكن تقسم العلف الاتنين الى اربعه عادى جدا...ولو عايز تكبر الاسماك ممكن دود حى لكن لا احبذه فى مرحله البدايه
المهم دائما التقليل من اطعام الاسماك يكفى مره واحده فى اليوم
انا نظامى باكل السمك مره واحده فى اليوم ويوم فى الاسبوع صيام لكن عندى الاسماك شرسه وباكل كبد وقلب بقرى وجنبرى صغير وعلف مستورد ودا الدائم لو مش فاضى للاكل الطبيعى
متابع للموضوع وشكرا استاذ طارق لردودك
استاذ طارق شخص محترم
ماعلش سؤال ا طارف
لو باسافر 4 ايام وماحدش موجود فى المنزل فهل يوجد طعام للسمك يستمر فترة وهل مافيش مشكلة لو سبت الموتور شغال بدون ملاحظة 4 ايام