-
قطع طولي في الاكصدام
الصني الجديد
انا في الأغلب بروح شغلي مواصلات علشان الموقف الي هاحكي دلوقتي.
رايح شغلي ومريت بجميع أنواع الزحمة من موقف العاشر للسندباد ... واحنا وقفين في الزحمة قبل نفق العروبة . أنا واقف حرفيا جه والحد بتاع كارينز دخل في زاوية الأكصدام الوراني . وبيشاور ومش عاجبة على اساس اني انا الي دخلت فيه مثلا . الحقيقة معرفش ليه منلتلوش علشان أطلع .... لما جيت اركن لقيت الأكصدام في قطع طولي بتاع 20 سم . وده طبعا نتيجة أن النيو صني فيها توفير حتى في البلاستيك الموجود بالأكصدام!!!
طبعا انا في منهى النكد اني ما طلعتش ...... ومش عارف ماهو المطلوب مني اني اترمرمط في المواصلات علشان احافظ على العربية.
السؤال هنا ما هو الحل في القطع الموجود بالأكصدام هل يوجد مادة أحطها عليه ...
-
روح لحد بتاع اكصدامات فيبر و هو حيظبطهولك
-
سلامات ولا تتعصب
طالما ماشي في طرق المحروسة وحتي وان كنت منضبط في تعليمات السلامة فلا تخلو من الاضرار المادية والمعنوية
- الاكصدام بسيط جدا واي حد بتاع فيبر يرجعه زي الاول حتي وان كان اجزاء
بالتوفيق
وصلي اللهم وسلم وبارك على سيدنا محمد وعلى آله وصحبه أجمعين
-
السلام عليكم ورحمة الله وبركاته
حمدلله على سلامتك والحمدلله انها جت على قد كده ، وزي ما قالوا الشباب باذن الله واحد بتاع فبر حيظبطه ومش حيبان ابدا انه مخبوط حتى .. وده افضل حل عشان سعر الاكسدام الخلفي في التوكيل 1133 جنيه بدون ضريبة وطبعا بدون رش ولا مصنعية ولا الهوا
المشكلة في الاكسدام انه فعلا ضعيف جدا جدا وللأسف فاضي من وراه باستثناء في النص في قطعة فوم ابيض طولها 35 سم ومن الجانبين من تحت فيه امتداد شاسيه العربية اللي هو ضعيف أصلا وعبارة عن نهاية ماسورة لو الخبطة جت ناحيته حيخرم الاكسدام خرم قطره حوالي 10 سم زي ما حصل معايا
لما الاكسدام اتخبط عندي ووقع وركبته وشوفت الرخص والبخل اللي متصنع بيه فكرت اني املى الفراغ اللي تحته بحاجتين:
- الأول اعمل علبة صاج (بس ناشف شوية ويكون علبة مفرغة فعلا عشان يتمتص الصدمات) ويركب ما بين طرفي الشاسيه من اليمين للشمال تحت الاكسدام وده ممكن يحمي الاكسدام شوية ويحمي ظهر العربية
- الثاني ان يتم ملو الفراغ بين الاكسدام والعربية بالفوم اللي في انابيب اللي بيستخدم في البناء لملو الفراغات
الأفكار ده جتلي من يومين بعد ما شفت البلوة وانا بصلح الاكسدام عند السمكري بعد خبطة ضعيفة جدا من الخلف
مش عارف اذا الأفكار دي منطقة ولا لأ لو جربتها اكيد حقولكم باذن الله
تحياتي وحمدلله على سلامتك مرة تاني
محمد
Content Relevant URLs by
vBSEO 3.6.0 PL2