عيوب سبورتاج هاي لاين 2012

السلام عليكم

محتاج رأيكم من فضلكم بخصوص سبورتاج هاي لاين 2012 او 2013، لاني هبيع الكارينز و اشتريها ان شاء الله، و كنت محتاج النصيحة من اللي جربوها .. شكرا

انا مش من ملاكها و معرفش مشاكلها لكن لما جربتها كانت تقيلة فى الطلعة و الماتور ضعيف على وزن العربية فحتحتاج تحرق كتير علشان تستجيب معاك و ده حيزود استهلاك البنزين
بخلاف مشكلة ضعف الماتور العربية كانت ممتازه فى كل حاجه تاني

الكارينز الشكل الجديد كذلك صفقة مربحة

طبعا طبعا تقسط وتجيب الشكل الجديد للاسبورتاج 2017 وهات الفئه الثانيه lx fo
يبقى وفرت 5 سنين وزيروووو مش كل شويه حوار مره مساعدين مره طقم كوتش مره قواعد موتور مره كبالن مره بارات دركسيون مره زيت فتيس مع فلتر فتيس مره طنابير ولا تلبس فى علبة دركسيون وطبعا الضمان هيكون خلص ماهو فى النهايه مستعمل ولازم تصرف عشان تركب عربيه مظبوطه وطبعا قطع غيار الاسبورتاج غاليه مش رخيصه
وطبعا الاسبورتاج 2017 شكل احدث وصاج اقوى واوبشن اعلى زى البلوتوث واليدات والشاشه فى التبلوه مع السينسور
واوسع وتكييف خلفى والعزل والدهان جودته اعلى روح اتفرج عليها وبعدين خد قرارك
لان الاسبورتاج 2012 و 2013 تعتبر ماكنش فيها بلوتوث غير فى الهاى لاين فقط وكمان الهاند بريك كان فى الرجل مش امام المخدع ابتداءا من موديلات 2014
وطبعا لما تركب زيرووو يادوب هتدفع القسط والصيانه وشكرا وطبعا هيبقى معاك ضمان 5 سنين وبعد 5سنين هتبيع نفس التمن اللى اشتريت بيه واحتمال تكسب
بصراحه انا لو مكانك هعمل كدا

اظن عنوان الموضوع خطاء المفروض يكون هل سبورتاج 2012 هاي لاين يوجد بها عيوب .. لأني الحقيقة دخلت علي الموضوع حسيت انك من ملاك السيارة وبتقول علي العيوب الموجودة بها واللي اقدر اقولة لحضرتك أنها أفضل سيارة في عائلة كيا الموجودة في مصر

اشكر كل من شارك في الموضوع و كل من قدم نصيحة .. و ان كنت اتوقع مشاركات اكثر من ملاك الاسبورتاج للاستفادة من تجاربهم