السلام عليكم
هل حد عندو نيسان تيدا ؟ ولو هقارن بنها وبين ريو ؟
انهي افضل ؟
التيدا مش منتشره بس كل مواصفاتاها كويسه!!!
عرض للطباعة
السلام عليكم
هل حد عندو نيسان تيدا ؟ ولو هقارن بنها وبين ريو ؟
انهي افضل ؟
التيدا مش منتشره بس كل مواصفاتاها كويسه!!!
الريو من جميع النقاط افضل
الريو اصغر من التيدا وعيب التيدا انها مش منتشرة
لو بتفكر في عربيه هاتش باك محترمه انصحك تشوف السيات ليون والكيا سييد
و عليكم السلام
الناس بتشكر فى التيدا كعربية بس بتشتم فيها من ناحية قطع الغيار و الصيانة و فيه تقريبا موديل مش فاكر كام كان مشهور الكمبيوتر بتاعه بيتحرق(مش متأكد)
لكنها كعربية اقوى طبعا من الريو و اوسع من الداخل
التيدا فئه اعلى من الريو حتى وإن تساوت الأسعار يعيبها قلة الانتشار رغم ان معظم مكوناتها زى النيسان سنترا. فالافضل ليك السنترا لو سيدان وبالتوفيق
مع احترامي للي بيقول الريو افضل في كل النقاط
انا كان معايا تيدا من 2006 وركبت بعدها ريو وبعدين سيراتو وجوك
الريو عربية زبالة منظر بس، 1400 سي سي وبتستهلك كأنها 1600، عفشة بتتفكك بسرعة ومزعجة جدا ،قطع غيارها مش رخيصة زي ما الناس فاكرة، ميزتها شكلها والأوبشنز الي فيها واعادة بيعها
التيدا اوسع مرتين من الريو في كل حاجة سواء شنطة او كنبة خلفية او اي حاجة
فتيس سي في تي يعني توفير في البنزين للصبح
عيبها قلة الأوبشنز وقلة الإنتشار غير كده العربية ممتازة وكفاية انها نيسان
العربية انا بايعها وهي عاملة 151 الف وكان الموتور كأنه لسا زيرو
الياريس الهاتش باك افضل من الاتنين بالنسبة للتيدا المفروض فى شكل جديد نازل لو عايزها اشتنى شوية
بعد م مفيش تيدا
مبقاش فيه غير لانسر شارك(ناس بتشكر فيها وناس بتشتم!!)
او الانترا خليجي يكون فيها abs و ف سعر ١٦٥
او شيفروليه كروز
ابعد عن الكروز
الياريس هاتش باك ضيقة بصورة مستفزة
سنترا ضيفها لحساباتك فى المقارنه
لو فعلا مفيش تيدا يبقى سنترا
هي هي نفس عفشة وموتور وفتيس وشاسيه التيدا بس سيدان وبتتجمع في مصر
الكروز مشاكل فى الفتيس
قالوا الاول المشكلة فى طريقة تغيير الزيت
و بعدين اعترفوا
دلوقت كلام ان الفتيس اتغير
ابعد عنها سمعتها سيئة
انا معايا تيدا 2014 الشكل الجديد .. عامل 61 الف كيلو ومواجهتش اي مشاكل الحمد لله .. العفشة ممتازة والفتيس الـcvt بيوفر جدا في البنزين
هي اوبشنز اقل من الريو لكن انا جربت الريو فترة واقدر اقولك ان مفيش مقارنة اساسا ..