اسئله عن حجز تذاكر الطيران و التأشيره عند الوصول و اذن السفر من التجنيد

الحمد لله حجزت تذاكر الطيران round trip خلاص بس لسه التأشيره

ممكن اخدها عند الوصول بس انا اول مره اسافر و الباسبور بتاعي فاضي

فهل كده ممكن تقابلني مشكله في مطار القاهره ؟؟؟ يعني ممكن امن المطار يمنعني من ركوب الطياره عشان مفيش تأشيرات و اختام في الباسبور؟؟؟

لما حجزت تذاكر الطيران ... اخدت ورقه كده مكتوب فيها تفاصيل الرحله و الفلوس اللي دفعتها لكن مش التذكره نفسها

هل هاخد التذكره و انا في المطار ؟؟؟ اصل مش مكتوب انا هعد في كرسي رقم كام و لا الكرسي جنب الشباك و لا aisle seat

لما اروح اخد اذن السفر من التجنيد ... لازم اروح الصبح كأني رايح مصلحه حكومي و لا اروح بليل مثلا ؟؟؟ اصل مكتوب علي موقع التجنيد انهم شغالين 24 ساعه و المطلوب شهاده التجنيد و البطاقه الشخصيه

موضوع التأشيرة اكيد لازم يكون في تأشيرة علي الباسبور (الله اعلم)
موضوع حجز الكرسي والكلام ده ادخل علي موقع شركة الطيران واعمل شيك إن واختار كرسيك
وانت لما تدخل المطار هيطبعلك التذكرة
بالنسبة للتصريح الافضل تروح الصبح لتفادي اي مشاكل

اقتباس:

---

المشاركة الأصلية كتبت بواسطة Bassem Youssef

الحمد لله حجزت تذاكر الطيران round trip خلاص بس لسه التأشيره

ممكن اخدها عند الوصول بس انا اول مره اسافر و الباسبور بتاعي فاضي

فهل كده ممكن تقابلني مشكله في مطار القاهره ؟؟؟ يعني ممكن امن المطار يمنعني من ركوب الطياره عشان مفيش تأشيرات و اختام في الباسبور؟؟؟

لما حجزت تذاكر الطيران ... اخدت ورقه كده مكتوب فيها تفاصيل الرحله و الفلوس اللي دفعتها لكن مش التذكره نفسها

هل هاخد التذكره و انا في المطار ؟؟؟ اصل مش مكتوب انا هعد في كرسي رقم كام و لا الكرسي جنب الشباك و لا aisle seat

لما اروح اخد اذن السفر من التجنيد ... لازم اروح الصبح كأني رايح مصلحه حكومي و لا اروح بليل مثلا ؟؟؟ اصل مكتوب علي موقع التجنيد انهم شغالين 24 ساعه و المطلوب شهاده التجنيد و البطاقه الشخصيه

---

حسب شروط التاشيرة عند الوصول في البلد اللي رايحه .... بعض البلاد ليها شروط غير الاخرى ..... و بعض البلاد عادي جدا اي حد يخش بتاشيرة عند الوصول

امن المطار او شركة الطيران في مصر عارفين قواعد كل البلاد للتاشيرات عند الوصول و لو منطبقة عليك مالوش دعوة باسبور ابيض و لا مليان

الورقة اللي خدتها دي هي التذكرة و اسمها E-Ticket

في المطار بتاخد boarding pass

ممكن في بعض شركات الطيران قبل الرحلة بيوم او يومين تختار الكرسي و تطبع البوردينج باس اونلاين من موقع الشركة

ماعنديش علم بتصريح السفر لاني عمري ما عملته

انا دخلت علي موقع iata و سألت مكتب مصر للطيران و انا بحجز التذاكر و كلمت السفاره

الكل بيأكد ان التأشيره ممكن اخدها عند الوصول

بس للي انا خايف منه امن المطار يتلككو علي اي حاجه مثلا

هل في التجنيد هيسألوني عن التأشيره ؟؟؟

اقتباس:

---

المشاركة الأصلية كتبت بواسطة bassem youssef

انا دخلت علي موقع iata و سألت مكتب مصر للطيران و انا بحجز التذاكر و كلمت السفاره

الكل بيأكد ان التأشيره ممكن اخدها عند الوصول

بس للي انا خايف منه امن المطار يتلككو علي اي حاجه مثلا

هل في التجنيد هيسألوني عن التأشيره ؟؟؟

---

ايه هي البلد عشان اقدر اقول لك ؟

خلي بالك ما تنساش التصريح الأمني لو مسافر حته محتاجه تصريح أمني

من مواضيع سابقه الاخ كان رايح السودان
السودان تأشيرتها فى مطار الوصول بس مينفعش حضرتك تسألنا هنا..اخطف رجلك لسفاره السودان واسأل عدلوا فى التأشيره ولا لأ....
السودان اضيف للتصريح الامنى من المجمع
اذن السفر ملهاش دعوه لا بتأشيره ولا بجواز....انت بتروح منطقه التنجنيد قبل السفر بحد اقصى 6 ايام او اقل ببطاقتك وشهاده التأجيل. وبيطلعلك التصريح وانت واقف

اقتباس:

---

المشاركة الأصلية كتبت بواسطة أحمد كمال

ايه هي البلد عشان اقدر اقول لك ؟

---

بعتلك علي الخاص