انا عملت حدثه بالبيجو للاسف

**essa** · 05-12-2008 01:59 AM

الف حمد لله على سلامتك يانور
اكيد طبعا هو اللى غلطان بس مش معنى انه بيجرى يبقى طيش شباب لا بالعكس فى ناس بتبقى فى حاجه بتجرى علشانها والده والدته اى حد من قرايبه مريض او فى حاجه مهمه بيجرى علشانها
المهم انك انت وصاحب الانوس بخير واى حاجه تانيه تتعوض

**Nour_Peugeot** · 05-12-2008 12:17 PM

الحمد لله علي كل شي يا باشا و انا خلاص عملت العربيه و تمام التمام

و انا بقول انا عن نقسي بجري بس بعقل شوويه

**Samir Elshahawy** · 05-12-2008 02:01 PM

بس كده و عيز يا جماعه محدش من ملاك الانوس يقولو اني بقول انها عربيه تعبانه او حاجه انا بحكي موقف ليس الا

و ربنا يكفينا و يكفيكم شر الحوادث

أولا سلامتك ألف سلامة يا استاذ نور و حمدلله علي سلامتك أنت أهم من اي عربية
أما بالنسبة لملابسات الحادث فأعتقد أن صاحب اللانوس غلطان و يستاهل اللي حصل في عربيته علشان مافيش حد عاقل يمشي في الشارع ده فمابالك بالجري فيه
عموما العربية اللانوس كويسة و الله بس ماتدخلش بيها في عربية تانية بالسرعة دي و بالغشومية دي و تقولي انها ضعيفة معلش يا أستاذ نور أنا برضه لسه داخل في عربية نقل الاسبوع اللي فات بس ماكنتش بجري زي صاحبنا

عموما حمد لله علي سلامتك مرة تانية و فداك الف عربية بيجو و لانوس
و كل سنة و أنت طيب

**Nour_Peugeot** · 05-12-2008 03:17 PM

ربنا يعوضك يا باشا و يكفيك شر الحوادث

**Terrible_DaRsH** · 05-12-2008 03:21 PM

اااايه يا عم نور ده ...!!!
ده انا كنت هديك زعامة العصابة البيجاوية ..
تقوم عامل حادثة بالمنظر ده ...!!
على العموم حمد لله على سلامتك وسلامة العربية ..

**AboELsoud** · 06-12-2008 06:27 PM

حمد لله على السلامه يا عم خضتني عليك معلش و الله لسه شايف الموضوع دلوقتي و كل ده عشان العربيه عجبتني و ركبتها مش عارف لو سقتها كنت هاعمل ايه ؟
الحمد لله على كل شيئ

**Rsarabia** · 06-12-2008 06:57 PM

الحمد لله انك كويس و بخير بس انا عاوز اقول حاجة واضح من شرحك للحادثة ان بتاع الانوس غلط عشان ماشى بسرعة جدا فى شارع زحمة زى ما بتقول بس خلى بالك ان المسؤلية اكبر عليك لان ببساطة مينفعش تعدى الميكروباص من اليمين و انت مش كاشف حد جاى وراك ولا لا المفروض تشوف لو بصيت لقيت واحد جاى محدوف بسرعته كان الاولى انك تستنى لما يعدى متدخلش و تقطع عليه الطريق بعدين تقول انتا اللى ماشى بسرعة بعدين لما لقيته جاى عليك يا راجل الاحسن انك تدووووووووووووووس جاااااااااااااااااااااامد عشان تبعد عنه خاااااالص على ما هو يلحق يجمع معاه فرامل و ممكن ميحصلش كل اللى حصل مش تدوس فرامل :)

**Nour_Peugeot** · 06-12-2008 07:11 PM

شكرا اولا ليكم

و ثانيا انا كان الطريق فاضي ورايه خالص ده الطلع قجاه

**youssefmustang** · 13-12-2008 09:43 AM

ايه يا عم نور حمد لله على سلامتك رايح تضرب الراجل بالشومة ينفع يعنى بقت بلطجة هى يا عم احمد ربنا انها جت فى العربية على فكرة الحوادث والخبطات اللى بتحصل بتمسح ذنوب وبتكفر سيئات احمد الله ان عربيتك سليمة ... والف الف حمد على سلامتك
اخوك يوسف