الموضوع: Opel Insignia or Peugeot 508 الفئة الثانية

افيدوناااااااااااااا يا أهل الخبرة
مش عارف اختااار والله بجد، اوبل إنسيجنيا 2016 الفئة الثانية ولا بيجو 508 2016 الفئة الثانية برضو
الأثنين ممتازين، الأثنين تربو، الأثنين الناس بيشكروا فيهم، الأثنين شكلهم حلو فعلاً
بس انا محتار علشان الأثنين بنفس السعر (انا بتكلم علي اسعار الوكيل من غير اوفر برايس)
ممكن حد يسألني سؤال مهم ويقولي شوف انت محتاج ايه في العربية نظراً لظروفك انت؟
اقوله بص يا سيدي - صلي علي النبي - أنا كان معايا اوكتافيا 2015 1600 وبيعتها عشان زي ما كل الناس عارفة عافشيتها ناشفة جداً جداً جداً ولا ترتقي لكونها عربية بأكثر من ربع مليون جنيه بجد ، فدي أول حاجة انا محتاجها في العربية (العفشة الناعمة)
تاني حاجة بيعت الأوكتافيا عشانها هي الهورس باور - بمعني ادق بطة - وانا جربتها في كل احوالها ، ياعني حطيت بنزين 92 و 95 وشغلت التكييف و قفلت التكييف وعملت كل حاجة بس للأسف هي العربية اخرها كده ... ياعني عايز إيه من عربية وزنها طن ونص و 110 حصان !!! بجد حرام عليهم والله ودي تبقي تاني حاجة عايزها من العربية (الهورس باور)
اللي انا متأكد منه ان الهورس باور بتاع الأنسيجنيا 170 حصان لكن بصراحة لحد دلوقتي مش قادر اتأكد من الهورس باور بتاع البيجو 508 ..... مكتوب في البروشور بتاعهم 156 حصان ... وفي التوكيل بيقولي لأ دي 163 حصان ....
والسؤال هنا هل هتختلف أو 156 من 163 من 170؟
ارجوكم افيدوني عشان بصراحة المبلغ اللي هيتحط مش قليل
وشكراً

المشاركة الأصلية كتبت بواسطة Ahmedology

كلام سليم بس احنا في مصر يا فندم، الشوارع مكسرة والطرق زحمة وضيقة، مش حتفرق أوي 163 وللا 170 حصان، طالما مش بطة زي الفانتازيا 110 حصان على عربية تقيلة.

أنا ميّال للإنسيجنيا بس مضايقني إنها كشافات هالوجين تعبانة ومفهاش كاميرا خلفية، في حين إن ال 508 كشافاتها Full LED رهيبة وفيها كاميرا خلفية وكمان فتحة سقف.

فرق القوه قليل .. من 7 الى 14 جصان

لكن اعتقد الانسجنيا اتقل بفرق كبير لانها على ما اتذكر فوق ال 1600 كيلو .. فلو ال 508 اخف بفرق كبير .. يبقى حتكون البيجو انشط فى المشى