الموضوع: مشكله ف كيا سول

السلام عليكم ورحمة الله وبركاته
ارجو من اخوتى مساعكتى ف تلك المشكلة انا معايا كيا سول بصمة موديل 2012 من حوالى اسبوعين حصلت حاجة غريبة وبقت بتتكرر انى لو انا راكن العربية ف الشمس فترة طويلة واجى اركبها وادورها تتطول معايا ف الدوارة كام ثانية وتدور عادى بس بلاقى كمان الrpm بيعلى عن الطبيعى ولما اجى ادورها ف اى وقت تانى تدور عادى جدا الصبح بالليل حتى بعد ما بتعمل الحركة دى اقفلها وادورها تانى تدور عادى امبارح بس عملت حاجة جديدة انها بدل ما بتطول فصلت ولما دورتها دارت تانى عادى روحت للكهربائى
قاللى ممكن يكون حاجة ف الايمولايزر فقاللى حط المفتاح ف البيت بتاعه اللى ف العربية ولو معملتش كده يبقى ف مشكله ف المفتاح لو كررتها تانى قاللى غير فلتر البنزين لأنه ممكن يكون التنك بيسخن وا oil seel بتهرب هل الكلام ده صح ولا ممكن يكزن حاجة تانى علشان بصراحة مش مقتنع
ششكرا لحضراتكم

غياب الدوارة له اسباب عدة منها
- مشكلة في المرش
- مشكلة في البطارية
- مشكلة في دورة الوقود بجميع اجزائها (انجكشن وغيرة)
العلاج
العربية 2012 ستكون حوالي 70 الف كم اذن
يتم تغيير فلتر البنزين ووضع منظف انجكشن (وتوجد الطريقة علي الارشيف)
- بدل التكلفة يتم تبديل البطارية مؤقتا من صديق في اثناء وضع السيارة في الحرارة لو المشكلة اختفت اذن المشكلة في البطارية
- يتم مسح الerrors من ecu
- يتم فحص المرش اخير
وبالتوفيق
وصلي اللهم وسلم وبارك على سيدنا محمد وعلى آله وصحبه أجمعين